Mrigashira Karte 2026 Dates: రోహిణి కార్తె ముగింపు, మృగశిర కార్తె ప్రారంభం - వానలు ఎప్పటి నుంచి మొదలవుతాయి?

Mrigashira Karte 2026 Rains: ప్రస్తుతం రోహిణి కార్తె నడుస్తోంది..తర్వాత మృగశిర కార్తె ప్రారంభమవుతుంది. మృగశిర కార్తె మొదలైందంటే వానాకాలం మొదలైనట్టేనా? ఈ ఏడాది ఎప్పటి నుంచి మృగశిర కార్తె ప్రారంభం?

రోహిణి కార్తె ముగింపు, మృగశిర కార్తె ప్రారంభం!

Source : https://x.com/i/grok/media-carousel

Mrigasira Karthi 2026 Dates: తెలుగు పంచాంగం ప్రకారం వైశాఖమాసం చివరల్లో వచ్చే రోహిణి కార్తె సమయంలో రోళ్లు పగిలే ఎండలు మండిపోతాయనే సామెత ఉంది. 15 రోజుల పాటూ రోహిణి కార్తె పూర్తైన వెంటనే మృగశిర కార్తె మొదలవుతుంది. ఈ ఏడాది మే 25న ప్రారంభమైన రోహిణి కార్తె..జూన్ 8వరకు ఉంటుంది. ఆ తర్వాత మృగశిర కార్తె మొదలవుతుంది. రోహిణి కార్తె ఎండల్లో ఉక్కిరిబిక్కిరి అయినవారికి మృగశిర కార్తె ఉపశమనాన్నిస్తుంది. గ్రీష్మతాపాకి స్వస్తి చెప్పి చల్లని చిరుజల్లులతో ఆహ్వానం పలుకుతుంది. మృగశిర కార్తె మొదలైందంటే రైతన్నలు పండుగే. నైరుతి రుతుపవనాలు ఆగమనంతో తొలకరి చినుకులతో మొదలై భారీ వర్షాలు కురుస్తాయి.   

అశ్విని నుంచి రేవతి వరకూ సూర్యుడు ఏ నక్షత్రంలోకి ప్రవేశిస్తే ఆ కార్తె మొదలవుతుంది. దాదాపు రెండువారాలకు ఓ నక్షత్రంలో సంచరిస్తాడు ప్రత్యక్షనారాయణుడు. రోహిణి నక్షత్రంలో సంచరించే సమయంలో రోహిణికార్తె అయితే..మృగశిర నక్షత్రంలోకి ప్రవేశించే సమయంలో మృగశిర కార్తె మొదలవుతుంది. ఈ ఏడాది పంచాంగం ప్రకారం జూన్ 8 నుంచి మృగశిర కార్తె మొదలవుతుంది..తొలకరి వానల ప్రారంభానికి సూచన ఇది.  తెలుగు రాష్ట్రాల్లో మృగశిర కార్తె కోసం రైతులు ఆతృతగా ఎదురుచూస్తారు. ఈ సమయంలో పొలాలు సిద్ధం చేసుకుని పంట వేసేందుకు సన్నాహాలు చేసుకుంటారు.  

పంచాంగం ప్రకారం మృగశిర కార్తె ప్రారంభ తేదీ 2026 జూన్ 08 సోమవారం

శ్రీ పరాభవ నామ సంవత్సరం సూర్యుడు మృగశిర నక్షత్రంలోకి ప్రవేశించే రోజు మృగశిర కార్తె ప్రారంభం

మృగశిర కార్తె కాల వ్యవధి - 13 నుంచి 15 రోజులు ( జూన్ 8 నుంచి జూన్ 22 వరకు)
 
మృగశిరకు ముందు కార్తె - రోహిణి మే 25 నుంచి జూన్ 8 వరకు  

మృగశిర తర్వాత కార్తె - ఆరుద్ర కార్తె ( జూన్ 23 నుంచి ప్రారంభం)
 
మృగశిర కార్తె ఆరోగ్యం, వ్యవసాయం, ప్రకృతి మార్పులకు సంబంధించిన శుభాశుభాలు ఎక్కువగా ఉంటాయి. 

ఆహారం
 
మొదటి రోజున..మాంసాహారులైతే చేపలు తింటారు.. శాఖాహారులు అయితే ఇంగువ-బెల్లం కలిపిన మిశ్రమం తీసుకుంటారు. వర్షాకాలంలో వచ్చే జబ్బులు, శ్వాస సమస్యల, ఆస్తమా నుంచి ఇవి రక్షణ కల్పించి రోగనిరోధక శక్తిని పెంచుతాయని ఆయుర్వేద నిపుణులు చెబుతారు. 

వ్యవసాయం

మృగశిర కార్తె ప్రారంభమవగానే వ్యవసాయదారులు దుక్కుదున్ని విత్తనాలు వేయడం ప్రారంభిస్తారు. మృగశిరలో పెట్టిన పైరు మంచిదనే సామెత ఉంది
 
ప్రకృతి సంరక్షణ

మృగశిర కార్తె సమయంలో మొక్కలు నాటడం, ఇంకుడు గుంతలు తవ్వడం, వర్షపు నీటిని సద్వినియోగం చేసుకోవడం చేస్తారు
 
ఆధ్యాత్మిక ప్రాముఖ్యత

మృగశిర కార్తెకు ఆధ్యాత్మిక ప్రాముఖ్యత ఉంది..ఈ సమయంలో వరుణుడు, ఇంద్రుడిని పూజిస్తారని తైత్తిరీయోపనిషత్ లో ఉంది.  

తీసుకోవాల్సిన జాగ్రత్తలు

వర్షాకాలం ప్రారంభమయ్యే సమయం కావడంతో సూక్ష్మక్రిములు పెరుగుతాయి, వ్యాధులు విజృంభిస్తాయి. అనవసర ప్రయాణాలు చేయకుండా ఉండడం మంచిది. అత్యంత వేడి వాతావరణం ఒక్కసారిగా చల్లబడడంతో ఆరోగ్యంపై ప్రభావం తీవ్రంగా ఉంటుంది..చిన్న అనారోగ్య సమస్యను కూడా నిర్లక్ష్యం చేయకూడదు.

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు.  

మరిన్ని చదవండి

దిష్టి నుంచి రక్షించే దెయ్యం రహస్య కథ! దాని మూలం ఏంటో తెలుసుకుంటే ఆశ్చర్యపోతారు!

ఒక్క మాత్రతో 8 రకాల సమస్యలకు ఉపశమనం, 8 వరాలు మీ సొంతం!