Parijata Flowers: పూజ కోసం ఈ పూలు చెట్టునుంచి కోయకూడదు, ఎవ్వరి దగ్గరా తీసుకోకూడదు..ఎందుకో తెలుసా..

పారిజాత వృక్షం..ఇది పాలసముద్రం చిలుకుతున్నప్పుడు ఉద్భవించిందని చెబుతారు. దేవలోక వృక్షంగా భావించే ఈ చెట్టు పూలతో పూజచేస్తే అష్టైశ్వర్యాలు కలుగుతాయంటారు. కానీ ఈ పూలు మాత్రం చెట్టునుంచి కోయకూడదు..

పారిజాత పూలు

దేవతలు రాక్షసులు అమృతం కోసం క్షీరసాగర మథనం చేస్తున్నప్పుడు ఉద్భవించిన పారిజాత వృక్షాన్ని విష్ణుమూర్తి స్వర్గానికి తీసుకెళ్లారు. ఈ పూల పరిమళం స్వర్గలోకం మొత్త విరజిమ్మేదట.   ద్వాపర యుగంలో సత్యభామ కోరిక మేరకు ఈ వృక్షాన్ని కృష్ణుడు భూలోకానికి తీసుకొచ్చాడని పురాణాలు చెబుతున్నాయి. స్వర్గం నుంచి తీసుకురావడం వల్ల పారిజాత వృక్షాన్ని దేవతా వృక్షం అంటారు. అయితే పారిజాత  పూలు అనగానే ఎర్రటి కాడ..తెల్లటి పూలు అని అందరికీ తెలుసు. అయితే ఈ పూలు ఎరుపు, తెలుపు, పసుపు, నీలి రంగు, గులాబీ రంగు సహా మొత్తం తొమ్మిది రంగుల్లో ఉంటాయి.  ఇందులో ఎరుపు రంగు పారిజాతంతో విష్ణుమూర్తిని పూజచేయకూడదని చెబుతారు. 

చెట్టునుంచి కోయకూడదు.. ఎవ్వరి దగ్గరా తీసుకోకూడదు
సాధారణంగా  దేవుడికి పూజ చేసే పూలు నేలరాలినవి తీసుకోం. చెట్టునుంచి కోసుకున్నపూలనే తీసుకొచ్చి భగవంతుడికి నివేదిస్తాం. కానీ పారిజాత పూలు మాత్రం ఎప్పుడూ చెట్టునుంచి కోయరాదట. నేల రాలిన పూలనే పూజకు వినియోగించాలని చెబుతారు. మిగిలిన పూలకు, పారిజాత పూలకు వ్యత్యాసం ఏంటంటే... మిగిలిన పూలన్నీ భూమ్మీద పుట్టినవే. కానీ పారిజాత చెట్టు మాత్రం స్వర్గం నుంచి తీసుకొచ్చాడు శ్రీకృష్ణుడు. అందుకే ఈ దేవతా వృక్షం నుంచి పూలు కిందకు పడినప్పుడే అవి భూమికి సొంతమవుతాయట. అప్పుడు వాటిని తీసుకోవాలి కానీ చెట్టునుంచి కోసుకోరాదు. అందుకే పారిజాత వృక్షం కింద ఎప్పుడూ ఆవుపేడతో కళ్లాపి చల్లి ఉంచాలని..అప్పుడు నేల రాలిన పూలను తీసుకోవాలంటారు. మరో ముఖ్య విషయం ఏంటంటే వీటిని ఎవరి వద్ద నుంచీ తీసుకోకూడదంటారు..ఎందుకంటే.. పూలు ఇచ్చిన వారికే మీ పూజాఫలం వెళ్లిపోతుందట. 

పారిజాతం వృక్షం ఉన్న ఇంట్లో సిరుల వర్షం కురుస్తుంది అంటారు. ఈ పూల వాసన ఆరోగ్యం, ఆహ్లాదాన్నిస్తుందని ఆయుర్వేద నిపుణులు చెబుతారు. 

• పారిజాతం గింజలను ఎండబెట్టి వాటిని పొడి చేసి నీటితో కలిపి తలకు పెట్టుకుంటే పొక్కులు తగ్గుతాయి.
• పారిజాత చుర్ణాన్ని కొబ్బరినూనెలో కలుపుకుని పెట్టుకుంటే చుండ్రు సమస్య తగ్గుతుంది.
• పారిజాతం ఆకులను మెత్తగా నూరి వాటిని ఆముదంలో కలిపి, సన్నని సెగపై వేడి చేసి వాతపు నొప్పులు ఉన్నచోట పెడితే ఉపశమనం లభిస్తుంది. 
  వీటిఆకుల రసాన్ని నాలుగు చుక్కలను చెవిలో వేసుకుంటే చెవిపోటు తగ్గతుంది.
• పారిజాతం ఆకులను మెత్తగారుబ్బి రసాన్ని తీసి సన్నని సెగపై సగం అయ్యే వరకు వేడి చేయాలి. గోరు వెచ్చగా ఉండగానే దానిలో మిరియాల పొడిని కలిపి తీసుకుంటే.. సయాటికా నొప్పి తగ్గిపోతుంది.
• గజ్జి, తామర సమస్య ఉన్నవారు పారిజాతం గింజలను కుండపెంకుల్లో మాడ్చి.. మసిగా చేసి కర్పూరం కలిపి ఆ లేపనాన్ని పూస్తే మంచి ఫలితం ఉంటుంది.
• చాలా మంది ఈ చెట్లను దేవాలయాల్లోనే పెట్టాలి అంటార కానీ అదేం లేదు ఇళ్లలో పెంచుకోవచ్చంటున్నారు వాస్తు నిపుణులు

Also Read: కర్మ అంటే ఏంటి.. పదే పదే ఈ మాట అనొచ్చా.. పురాణాలు ఏం చెబుతున్నాయి...
Also Read: భారతదేశం అనే పేరుకి కారణం ఒకరు, గోదావరి నదిని భూమిపైకి తీసుకొచ్చింది మరొకరు.. ఈ ఏడుగురి కథే వేరు..
Also Read: శ్రీకృష్ణుడు అర్జునుడికి భగవద్గీతను ఉపదేశించిన రోజు ఇదే... ఈ నెలంతా ప్రత్యేకమే
Also Read: స్వర్గానికి షార్ట్ కట్! రూట్ మ్యాప్ క్లియర్‌గా ఉందిగా!  
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి