Purpose Of Life: మనిషి జీవితం ఓ ప్రయాణం అయితే గమ్యస్థానం ఏంటి?

మనిషి జీవితానికి గమ్యస్థానం ఏంటి? ఈ ప్రశ్నకు సమాధానం ఆ వ్యక్తి మీద, తన అనుభవాల మీద, విశ్వాసాల మీద ఆధారపడి ఉంటాయి. ఈ ప్రశ్నకు ఆధ్యాత్మికవేత్తలు ఏం చెబుతారంటే..

True Destination of Human Life

Source : https://x.com/i/grok/media-carousel

Show Quick Read

Key points generated by AI, verified by newsroom

• మనిషి భౌతిక ఆకర్షణలకు లొంగి మోక్షం మర్చిపోతాడు.
• అహంకారం వీడితేనే భగవంతుని శరణు లభించి రక్షిస్తాడు.
• మోక్షం, సంపూర్ణ సామర్థ్యం, జీవిత ప్రయాణం గమ్యంగా వర్ణించబడింది.

మనిషి జీవితానికి గమ్యస్థానం ఏంటనేది వివరిస్తూ ఆధ్యాత్మికవేత్తలు ఓ కథ చెబుతారు.  

ఓ కుక్క కాశికి వెళ్దామని బయలు దేరింది...మార్గ మధ్యలో ఎముక కనపడింది. కాశికి వెళ్లాలన్న ఆలోచన మర్చిపోయి ఆ ఎముక తినడం మొదలుపెట్టింది.

ఇలాగే..

జీవుడు కూడా తల్లి గర్భంలో ఉన్నప్పుడు..ఈ బాధను భరించలేను తిరిగి దేవుడి వద్దకు చేరాలని నిర్ణయించుకుంటాడు. తన లక్ష్యం అదే అని ఎందుకుంటాడు. కానీ భూమ్మీదపడిన తర్వాత అసలు లక్ష్యాన్ని మర్చిపోతాడు. సంతోషం, బాధ, జననం, మరణం అనే చట్రంలోనే ఉండిపోతున్నాడు. ఇలా ప్రతి జన్మలోనూ అనుకుంటాడు..మళ్లీ మళ్లీ జన్మిస్తుంటాడు..కానీ మోక్షం వైపు అడుగువేయడు. అతికొద్దిమందిమాత్రమే దైవాన్ని చేరుకుంటారు.

మరో కథ.

ఓ ఆవు అడవికి మేతకు వెళ్లింది. చీకటి పడే వరకూ ఉండిపోయింది. తిరిగి ఇంటికి బయలుదేరే సమయంలో పులికంటపడింది. తప్పించుకునేందుకు అటు ఇటు పరుగులుతీసింది ఆవు. పులి కూడా అంతే వేగంగా వెంబడించింది. ఆవుకు ఎదురుగా ఉన్న చెరువు కనిపించింది. పులి నుంచి తప్పించుకునేందుకు ఆ చెరువులో దూకేసింది. పులి కూడా ఆవును పట్టుకునేందుకు చెరువులో దూకేసింది. ఆవు ఈదుకుంటూ చెరువు మధ్యలోకి వెళ్లిపోయింది. అక్కడ ఊబి ఉండడంతో పీకలవరకూ కూరుకుపోయింది. పులి కూడా ఆవు వెనుకే వెళ్లి.. పరిస్థితి గమనించి కొద్ది దూరంలోనే ఆగిపోయింది. ఒకదానికి ఒకటి ఎదురుగా కొద్దిదూరంలో కదల్లేని స్థితిలో నిలబడిపోయాయి. 

కొద్ది సేపటి తర్వాత ఆవు..పులితో ఇలా అంది..

ఆవు-  నీకెవరైనా యజమాని, గురువు ఉన్నారా?
 
పులి - నేనే ఆ అడవికి రాజును..నాకు వేరే యజమానులు ఎవరుంటారు?
 
ఆవు - నీ గొప్పదనం, నీ శక్తి ఇప్పుడు నిన్ను ఈ స్థితి నుంచి రక్షించలకేపోయాయి
 
పులి - నీ పరిస్థితి కూడా నాలాంటిదే కదా..నువ్వు కూడా పీకల్లోతు మునిగిపోయి ఉన్నావు..మరి నిన్ను ఎవరు రక్షిస్తారు అని..
 
ఆవు - నీ ఆలోచన తప్పు..నాకు యజమాని ఉన్నాడు..సాయంత్రం అయ్యేసరికి ఇంటికి చేరుకోకుంటే నన్ను వెతుక్కుంటూ ఎంతదూరమైనా వస్తాడు. ఈ బురదనుంచి ఎంత కష్టమైనా బయటకు లాగి..ఇంటికి తీసుకెళ్తాడు.

కొద్దిసేపటికి నిజంగానే ఆవు యజమాని రానే వచ్చాడు. అతి కష్టంమీద ఆ బురద గుమ్మి నుంచి బయటకు లాక్కొచ్చాడు. ఇంటికి వెళ్లేటప్పుడు ఆ ఆవు..తన యజమాని వైపు ఎంతో కృతజ్ఞతా పూర్వకంగా చూసింది. 

వాస్తవానికి ఆ పులిని కూడా ఆ యజమాని బయటకు తీయగలడు..కానీ.. పులిని కాపాడితే తమ ప్రాణాలకు ముప్పు అని భావించి అక్కడే వదిలేసి వెళ్లిపోయారు.  

ఇక్కడ ఆవు - పులి అంటే జంతువులు కాదు...

ఆధ్యాత్మిక దృక్పథంలో...

ఆవు అంటే భగవంతుడికి సమర్పించిన సాధకుడి హృదయం

పులి అంటే అహంకారంతో నిండిన మనసు

ఆ యజమాని పరమాత్మ...

ఆ బుదరగుంట ఈ ప్రపంచం

ఆవు-పులి మధ్య జరిగిన చర్చ..నలుగురిలో మన ఉనికిని చాటుకునేందుకు చేసే పోరాటం

నేను లేకపోతే ఏదీ లేదు అనుకోవడం భ్రమ..నాకు ఎవరి అవసరం రాదు అనుకోవడం అనే భావన ఎప్పుడూ కలగకూడదు.దీన్నే అహంకారం అంటారు. మీ పని మీరు చేసుకోండి..నలుగురి మంచి కోరుకోండి. అప్పుడు మీరు ఏ పరిస్థితుల్లో, ఎక్కడున్నా...భగవంతుడు స్వయంగా వచ్చి మిమ్మల్ని మోక్షం వైపు నడిపిస్తాడు..
 
ఆధ్యాత్మిక దృక్పథంలో - జనన మరణ చక్రం నుంచి ముక్తి పొందడమే ఈ జీవితానికి గమ్యస్థానం

తత్వశాస్త్ర దృక్పథంలో - పూర్తి సామర్థ్యాన్ని వ్యక్తంచేసి సంతోషంగా సార్థకంగా జీవించడం

ఆధునిక దృక్పథంలో - జీవితానికి స్థిరమైన గమ్యం లేదు..ఇదో ప్రయాణం

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు. 

 

మరిన్ని చదవండి

మీ విజయ రహస్య సూత్రం మీ ముక్కు రంధ్రాలలో దాగి ఉందని మీకు తెలుసా?

మహాభారతంలో సలార్ లాంటి స్టోరీ - ఒక్క అవమానం ఇద్దరి స్నేహితుల తలరాతను మార్చేసింది!