'మూల' నక్షత్రం అంటే ఎందుకు భయపడతారు? ఆ భయంలో వాస్తవం ఉందా?

Mool nakshatra: మూల నక్షత్రం అనగానే...అమ్మో పెద్ద శాంతి అని భయపడతారు చాలామంది. ఈ నక్షత్రంలో పుట్టినవారికి చదువురాదని మరో ప్రచారం. ఇంతకీ ఇవన్నీ వాస్తవమేనా? జ్యోతిష్య శాస్త్ర నిపుణులు ఏమంటున్నారు?

'మూల' నక్షత్రం అంటే ఎందుకు భయపడతారు?

మూలనక్షత్రంలో జన్మించిన పిల్లల భవిష్యత్ అశుభంగా ఉంటుందనేది కేవలం ప్రచారం మాత్రమే. ఏ జ్యోతిష్యశాస్త్ర నిపుణులు దీన్ని సమర్ధించలేదు. ఇది గండమూల నక్షత్రాల్లో ఒకటి కావడంతో.. పండితుల సూచనలు అనుసరించి పెద్ద శాంతి చేయించాల్సి ఉంటుంది.

మూల నక్షత్రంలో జన్మించిన వారిలో నాయకత్వ లక్షణాలు అధికంగా ఉంటాయ్. రాజులలో కనిపించే లక్షణాలువారిసొంతం. అందుకే మూల నక్షత్రంలో కలిగిన సంతానాన్ని చూసి ఆందోళన చెందాల్సిన అవసరం లేదంటారు జ్యోతిష్య శాస్త్ర నిపుణులు

బృహత్ పరాశర హోరా శాస్త్రమైన ఫలదీపిక ప్రకారం, మూల నక్షత్రంలో జన్మించిన పిల్లలు చురుకైన మనస్సు కలిగి ఉంటారు. ఏ విషయాన్ని అంత తేలిగ్గా నమ్మేయరు..సత్యం ఏంటో తెలుసుకునేందుకు తీవ్రంగా ప్రయత్నిస్తారు, సవాళ్లను ఎదుర్కొనేందుకు అస్సలు భయపడరు

మూల నక్షత్రంలో పుట్టినవారు.. సంక్షోభ సమయాల్లో ఎప్పుడూ ఆందోళన చెందరు. కష్ట సమయాల్లో కూడా ఓర్పు, ధైర్యం కలిగి ఉంటారు. వారు తమ అభిప్రాయాలను స్పష్టంగా, నిక్కచ్చిగా వ్యక్తపరుస్తారు. జ్యోతిష్యుల ప్రకారం, ఇలాంటి పిల్లలు అద్భుతమైన నాయకత్వ లక్షణాలను కలిగి ఉంటారు.

మూల నక్షత్రానికి అధిపతి కేతువు , అధిష్టాన దేవత నిరృతి. వేద గ్రంథాలలో, నిరృతిని వినాశనం, క్షయం, వ్యాధి, దురదృష్టం , అధర్మం నుంచి విముక్తితో ముడిపెట్టారు.

ఒక బిడ్డ యొక్క స్వభావం, విధి , భవిష్యత్తు సంపూర్ణ జాతకంపై ఆధారపడి ఉంటాయ్.. కేవలం మూల నక్షత్రాన్ని చూసి అతని భవిష్యత్తును ఊహించుకోవడం సరికాదు