Horoscope Today 26th April 2022: ఈ రాశివారు డబ్బుకి అధిక ప్రాధాన్యం ఇస్తారు, మీ రాశిఫలితం ఇక్కడ తెలుసుకోండి
Horoscope In Telugu: ఆయా రాశిలో ఫలితాలు మొత్తం ఒకే వ్యక్తికి వర్తిస్తాయని భావించరాదు. మీ జాతకం, గ్రహస్థితి ఆధారంగా మార్పులుంటాయి. వ్యక్తిగత వివరాల కోసం అనుభవజ్ఞులైన జ్యోతిష్యులను సంప్రదించాలి.
2022 ఏప్రిల్ 26 మంగళవారం రాశిఫలాలు
మేషం
టెన్షన్ తగ్గుతుంది. విద్యార్థులు పరీక్షల్లో విజయం సాధిస్తారు. ఇంటి వాతావరణం చాలా బాగుంటుంది. సహోద్యోగుల నుంచి సహాయం పొందుతారు.వ్యాపారానికి సంబంధించి కుటుంబ సభ్యుల సలహాలు పరిగణలోకి తీసుకోండి.
వృషభం
కొత్త పనిని పూర్తి చేయడం సులభం అవుతుంది. వృత్తికి సంబంధించిన కొత్త సమాచారాన్ని అందుకుంటారు. అప్పుగా తీసుకున్న డబ్బు ఈరోజు తిరిగి చెల్లించగలుగుతారు. తలపెట్టిన పనుల్లో జీవిత భాగస్వామి సహకారం ఉంటుంది. భవిష్యత్తు కోసం డబ్బు డిపాజిట్ చేసే ప్లాన్ చేసుకోండి. ఆధ్యాత్మిక విషయాలపై ఆసక్తి చూపుతారు.
మిథునం
మీరు ఎలాంటి ఇబ్బందులనుంచైనా ఉపశమనం పొందుతారు.పురోగతికి మార్గం సులభం అవుతుంది. డబ్బుకి ఎక్కువ ప్రాధాన్యత ఇస్తారు. మీరు అనుకున్నవి నెరవేరతాయి. ప్రేమ సంబంధాల్లో ఆనందాన్ని అనుభవిస్తారు. వాహనాన్ని జాగ్రత్తగా నడపండి.
Also Read: భర్త దీర్ఘాయుష్షు కోసం భార్య పఠించాల్సిన శ్లోకం ఇది
కర్కాటకం
సహోద్యోగులతో వాగ్వాదం ఉండొచ్చు. ఖర్చులు పెరిగే అవకాశం ఉంది. కొన్ని ముఖ్యమైన పత్రాలు మిస్ అయ్యే అవకాశం ఉంది. మీ లోపాలను ఇతరుల ముందు బయటపెట్టొద్దు. ప్రియమైన వారి ఆరోగ్యం గురించి ఆందోళన చెందుతారు. నిర్ణయాలు తీసుకోవడంలో ఆలస్యం చేయవద్దు. మీ పనికి ఎవరైనా ఆటంకం కలిగించవచ్చు.
సింహం
మీ ఆదర్శాలతో రాజీ పడకండి.వివ్దాలకు దూరంగా ఉండండి. వ్యాపారంలో కొత్త సాంకేతికతను ఉపయోగించుకుంటారు. వైవాహిక సంబంధాల్లో సాన్నిహిత్యం ఉంటుంది. మధ్యాహ్నం తర్వాత కొన్ని ప్రభుత్వ పనులు నిలిచిపోతాయి.ఉద్యోగులు ఉన్నతాధికారుల ప్రశంసలు అందుకుంటారు.
కన్యా
ఈరోజు విజయవంతమైన రోజు అవుతుంది. మీ పనులన్నీ చక్కగా పూర్తవుతాయి. ఆరోగ్యం బాగానే ఉంటుంది. సాంకేతిక రంగానికి సంబంధించిన వ్యక్తులకు ఈ రోజు అద్భుతంగా ఉంటుంది. ఇంటి పెద్దలతో మాట్లాడేటప్పడు మాటతూలొద్దు. ఖర్చులు అధికంగా ఉంటాయి.
Also Read: ఆనందం ఎక్కడ దొరుకుతుంది… ఒక భగవద్గీత - 108 ప్రశ్నలు- Part 3
తులా
మంచి వ్యక్తులను కలుస్తారు. ఇష్టమైన వంటకాలు ఆస్వాదిస్తారు. విద్యార్థులు చదువు విషయంలో చాలా జాగ్రత్తగా ఉంటారు. ఇంట్లో వారితో మంచి సమన్వయం ఉంటుంది. స్నేహితులు మీకు మంచి సలహాలు ఇస్తారు. విహారయాత్రకు వెళ్లేందుకు ప్లాన్ చేసుకుంటారు.
వృశ్చికం
మీ ప్రతిష్ట పెరుగుతుంది. ఆఫీసులో మీ ప్రభావం ఉంటుంది. మీ మాటతీరు ఇతరులను ప్రభావితం చేస్తుంది. సమాజంలో మీ ఆధిపత్యం పెరుగుతుంది. విద్యార్థులు చదువులో చాలా శ్రద్ధ వహించాలి. వంకర వ్యక్తులను దూరంగా ఉంచండి. ఇంటి వాతావరణాన్ని ఆహ్లాదకరంగా మార్చేందుకు ప్రయత్నించండి. దంపతుల మధ్య సాన్నిహిత్యం ఉంటుంది.
ధనుస్సు
అనుభవజ్ఞుల సహవాసంతో మీ పని సులువవుతుంది.పెళ్లికాని అమ్మాయిల పెళ్లికి సంబంధించి చర్చ జరుగుతాయి. భాగస్వామ్య వ్యాపారం కూడా ఊపందుకుంటుంది. సమస్యల పరిష్కారానికి సిద్ధంగా ఉంటారు. కోర్టు కేసులు నడుస్తాయి. కోపంతో ఎవరితోనూ మాట్లాడకండి.
మకరం
దినచర్యలో మార్పు ఉంటుంది. చాలా కాలం తర్వాత కుటుంబ సభ్యులు కలుసుకుంటారు. అత్యవసర పనుల కారణంగా ప్రయాణం చేయాల్సి రావొచ్చు. కొన్ని ఇబ్బందుల నుంచి ఉపశమనం పొందుతారు. ఆర్థిక పరిస్థితి బావుంటుంది. అనవసర విషయాలపై ఎక్కువ దృష్టి సారించకండి. వ్యాపారం బాగా సాగుతుంది.
కుంభం
ముఖ్యమైన నిర్ణయాలు తీసుకోవడానికి తొందరపడొద్దు. ఉద్యోగంలో ప్రమోషన్ ఉంటుంది. విద్యార్థులు పరీక్షల్లో అద్భుతమైన ఫలితాలు సాధిస్తారు. శత్రువుల మనోబలం మీ ముందు పడిపోతుంది. ప్రభావవంతమైన వ్యక్తులతో తీవ్రమైన విషయాలను చర్చించగలరు. మీరు మీ జీవిత భాగస్వామితో కలిసి ఎక్కడికైనా వెళ్లాలని ప్లాన్ చేసుకుటారు. ఏ విషయంలోనూ రిస్క్ తీసుకోవద్దు.
మీనం
బంధువుల నుంచి విచారకరమైన వార్తలు అందుతాయి.నిరుద్యోగులకు ఉద్యోగ అవకాశాలున్నాయి. ఆర్థిక లావాదేవీల విషయంలో జాగ్రత్తగా ఉండాలి. అజాగ్రత్తగా ఉండకండి. ఆరోగ్యాన్ని అశ్రద్ధ చేయవద్దు.
టాప్ హెడ్ లైన్స్
ట్రెండింగ్ వార్తలు
