In Pics: కొత్త సచివాలయ నిర్మాణం ఎంత పూర్తయిందో చూడండి.. సందర్శించిన సీఎం కేసీఆర్‌

కొత్త సచివాలయ సందర్శనలో సీఎం కేసీఆర్

హైదరాబాద్‌లో కొత్తగా నిర్మిస్తున్న తెలంగాణ సచివాలయం నిర్మాణ పనులను ముఖ్యమంత్రి కేసీఆర్‌ శనివారం (ఆగస్టు 7) పరిశీలించారు. నిర్మాణ సైట్‌లో దాదాపు 3 గంటల పాటు అధికారులు, కాంట్రాక్టర్లతో కలిసి కేసీఆర్ కాలినడకన సందర్శించారు. సచివాలయ భవన సముదాయానికి సంబంధించి ఇప్పటి వరకు ఒక అంతస్తు వరకు శ్లాబ్‌ పనులు పూర్తయ్యాయి. రెండో అంతస్తు శ్లాబ్‌ పనులు దాదాపు 60 శాతం వరకూ పూర్తయ్యాయి.

అయితే, నిర్మాణ పనులు ఎప్పటికి పూర్తవుతాయని అధికారులు, ఇంజినీర్లను అడిగి తెలుసుకున్నారు. అనంతరం అధికారులు, ఇంజినీర్లతో పనుల పురోగతిపై సమీక్ష నిర్వహించారు. సచివాలయ నిర్మాణ పనులు వేగవంతం చేయాలని, నిర్దేశిత గడువులోపు పూర్తి చేయాలని అధికారులను కేసీఆర్ ఆదేశించారు.