In Pics: ప్రగతి భవన్‌కు జాతీయ నేతలు, కేసీఆర్ ఘన స్వాగతం - అల్పాహార విందు

ముఖ్యమంత్రులు అరవింద్ కేజ్రీవాల్, భగవంత్ సింగ్ మాన్, పినరయి విజయన్, యూపీ మాజీ సీఎం అఖిలేష్ యాదవ్, సీపీఐ జాతీయ ప్రధాన కార్యదర్శి రాజా, పలువురు జాతీయ నేతలు హైదరాబాద్ పర్యటనలో ఉన్నారు.

ప్రగతి భవన్‌లో జాతీయ నేతలతో సీఎం కేసీఆర్

ఖమ్మంలో జరిగే బీఆర్ఎస్ పార్టీ బహిరంగ సభలో పాల్గొనేందుకు ఢిల్లీ, పంజాబ్, కేరళ రాష్ట్రాల ముఖ్యమంత్రులు హైదరాబాద్‌కు వచ్చారు.

ముఖ్యమంత్రులు అరవింద్ కేజ్రీవాల్, భగవంత్ సింగ్ మాన్, పినరయి విజయన్, యూపీ మాజీ సీఎం అఖిలేష్ యాదవ్, సీపీఐ జాతీయ ప్రధాన కార్యదర్శి డి.రాజా బుధవారం ఉదయం (జనవరి 18) ప్రగతి భవన్‌కు వెళ్లారు.

వీరంతా మంగళవారం (జనవరి 17) రాత్రే హైదరాబాద్ చేరుకుని ప్రముఖ హోటల్‌లో బస చేశారు.

నేడు ఉదయం (జనవరి 18) వారిని ప్రగతి భవన్‌కు ఆహ్వానించిన సీఎం కేసీఆర్‌ అందరికీ అల్పాహార విందు ఏర్పాటు చేశారు.

ఆ విందు సమయంలో జాతీయ రాజకీయాలు, సంబంధిత జాతీయ అంశాలపై నేతలు చర్చించుకున్నారు.

విందు అనంతరం బేగంపేట విమానాశ్రయానికి వారు వెళ్లారు.

అక్కడి నుంచి రెండు హెలికాప్టర్లలో యాదగిరి గుట్ట ఆలయానికి బయలుదేరి వెళ్లారు.

యాదాద్రి శ్రీలక్ష్మీనరసింహ స్వామి దర్శనం అనంతనం అక్కడినుంచి ఖమ్మంకు ప్రత్యేక హెలికాప్టర్‌లోనే బయలుదేరి వెళ్లారు.

సీఎం కేసీఆర్‌ సహా ముగ్గురు సీఎంలు నేడు యాదాద్రి స్వామి వారిని దర్శించుకున్నారు.

కేరళ ముఖ్యమంత్రి పినరయి విజయన్, సీపీఐ జాతీయ ప్రధాన కార్యదర్శి రాజా మాత్రం ఆలయానికి వెళ్లలేదు. వారు సూట్‌లోనే ఉండిపోయారు.

ప్రగతి భవన్‌లో తెలంగాణ మంత్రులు, జాతీయ నేతలు