Afghanistan News: అఫ్గాన్‌లో ఐటీ మంత్రి.. ఇప్పుడు సైకిల్‌పై పిజ్జా డెలివరీ.. ఫోటోలు వైరల్

మాజీ మంత్రి సయ్యద్ అహ్మద్ సాదాత్ (సోషల్ మీడియాలో వైరల్ అవుతున్న ఫోటోలు)

ప్రపంచమంతా అఫ్గానిస్థాన్‌కు సంబంధించిన వార్తలు చర్చనీయాంశం అవుతున్నాయి. తాలిబన్ల చెరలో బతకలేని అక్కడి ప్రజలు దేశం వదిలి పోతున్న వీడియోలు హృద్యంగా ఉంటున్నాయి. తాలిబన్ల దురాక్రమణతో ప్రభుత్వ పెద్దలు కూడా తలోదిక్కుకు వెళ్లిపోయారు.

ఈ క్రమంలో అఫ్గానిస్థాన్‌కు చెందిన ఓ మాజీ మంత్రి చేస్తున్న పని ఆశ్చర్యం కలిగిస్తోంది. ఐటీ, కమ్యూనికేషన్స్ శాఖ మంత్రిగా గతంలో పని చేసిన సయ్యద్ అహ్మద్ సాదాత్ ఇప్పుడు జర్మనీలో పిజ్జా డెలివరీ బాయ్‌గా పని చేస్తున్నట్లుగా సోషల్ మీడియాలో కొన్ని ఫోటోలు వైరల్ అవుతున్నాయి.

సయ్యద్ అహ్మద్ సాదాత్ 2020 చివరి వరకూ ఐటీ, కమ్యూనికేషన్స్ శాఖ మంత్రిగా పని చేశారు. ఆ తర్వాత తన పదవికి, రాజీనామా చేసి జర్మనీ వెళ్లిపోయినట్లుగా కొన్ని అరబిక్ పత్రికలు రాశాయి. ఆయన మంత్రిగా ఉన్న సమయంలో ఫోటోలను, సైకిల్‌పై పిజ్జా డెలివరీ చేస్తున్న ఫోటోలను ట్వీట్ చేశారు.