Digital Door Lock Saftey : డిజిటల్ డోర్ లాక్ వాడుతున్నారా? స్మార్ట్ డోర్ లాక్ వాడితే ఈ జాగ్రత్తలు తీసుకోండి

Hidden Risks of Digital Door Locks : స్మార్ట్ డోర్ లాక్ వాడే ముందు కొన్ని విషయాలు తప్పక తెలుసుకోవాలంటున్నారు నిపుణులు. ఈ పొరపాట్లు చేస్తే ప్రమాదమే అంటున్నారు. ఎందుకంటే..

స్మార్ట్ లాక్ సేఫ్ అనుకుంటున్నారా? ఎమర్జెన్సీలో ప్రమాదమా?

ఈరోజుల్లో చాలామంది ఇళ్లకు డిజిటల్ డోర్ లాక్​లు సెట్ చేయించుకుంటున్నారు. ఇవి సురక్షితమైన, సులభమైన ఎంపికగా భావిస్తున్నారు. ఎందుకంటే దీనికి తాళం చెవి అవసరం లేదు. పాస్వర్డ్, వేలిముద్ర లేదా మొబైల్ ద్వారా తలుపులు తెరుస్తారు. కానీ అత్యవసర పరిస్థితుల్లో ఈ సౌకర్యమే సమస్యలను కలిగిస్తుంది. బ్యాకప్ సిస్టమ్ సరిగ్గా పని చేయకపోతే లేదా వినియోగదారుడి వద్ద సరైన సమాచారం లేకపోతే ఇబ్బంది పడాల్సి వస్తుంది.

స్మార్ట్ లాక్ సాధారణంగా విద్యుత్ లేదా బ్యాటరీతో నడుస్తుంది. అగ్ని ప్రమాదం వంటి పరిస్థితుల్లో సిస్టమ్ ఫెయిల్ అయితే లేదా బ్యాటరీ అయిపోతే.. తలుపులు తెరవడం కష్టమవుతుంది. అందుకే ఈ రకమైన సాంకేతికతతో ప్రాథమిక భద్రతను అర్థం చేసుకోవడం చాలా ముఖ్యం.

ఈ కీ కొనడానికి వెళ్తే.. కొన్ని ముఖ్యమైన ఫీచర్లను గమనించాలి. ఉదాహరణకు మెకానికల్ బ్యాకప్, లో బ్యాటరీ అలెర్ట్ ఉండేవి అడగాలి. ఇవి సులభంగా తెరవడానికి వీలు అవుతుంది. కొన్ని తాళాలు ఎక్కువ వేడి లేదా పొగలో ఉంటే వాటంతట అవే తెరుచుకుంటాయి. వాటిని కూడా ఎంచుకోవచ్చు. ఈ రకమైన ఫీచర్లు అత్యవసర పరిస్థితుల్లో చాలా ఉపయోగపడతాయి.

అలాగే స్మార్ట్ లాక్​ను సరిగ్గా అమర్చాలి. లాక్ సరిగ్గా అమర్చకపోతే లేదా తలుపునకు సరిగ్గా సరిపోకపోతే సమస్యలు పెరిగే అవకాశం ఉంది. కాబట్టి నిపుణుల పర్యవేక్షణలో వీటిని అమర్చాలి.

ఇంటిలోని సభ్యులందరూ డిజిటల్ డోర్ లాక్ వాడకం గురించి తెలుసుకోవాలి. ముఖ్యంగా పిల్లలు, వృద్ధులకు అత్యవసర పరిస్థితుల్లో తలుపులు తెరవడానికి శిక్షణ ఇవ్వడం చాలా అవసరం. ఒకరిపైనే ఆధారపడకూడదు. పాస్కోడ్‌తో పాటు మెకానికల్ కీ ఎక్కడ ఉందో అందరికీ తెలియాలి.

ఈ లాక్​లో సాంకేతిక సదుపాయాలు ఉంటాయి. అయితే వాటిని గుడ్డిగా నమ్మడం సరికాదు. స్మార్ట్ లాక్ ఉపయోగిస్తున్నప్పుడు ఎప్పటికప్పుడు బ్యాటరీని చెక్ చేసుకోవాలి. సిస్టమ్‌ను అప్‌డేట్ చేయడం, లోపాలను నిర్లక్ష్యం చేయకుండా ఉండటం ముఖ్యం. కొంచెం జాగ్రత్తగా ఉంటే మీ కుటుంబం భద్రతగా ఉంటుంది.