Nenu Keerthana Movie: 'నేను కీర్తన'లో పాట విడుదల చేసిన సాయి రాజేష్... 'బేబి' అంత బ్లాక్ బస్టర్ అవుతుందా?

Baby Director Sai Rajesh: బేబీ దర్శకుడు సాయి రాజేష్ 'నేను కీర్తన'లో ఒక సాంగ్ విడుదల చేయడంతో పాటు ఆ సినిమా భారీ విజయం సాధించాలని ఆకాంక్ష వ్యక్తం చేశారు. పూర్తి వివరాల్లోకి వెళితే...

చిమటా రమేష్ బాబు, సాయి రాజేష్, రిషిత

చిమటా రమేష్ బాబు కథానాయకుడిగా నటించడంతో పాటు స్వీయ దర్శకత్వంలో తెరకెక్కించిన సినిమా 'నేను కీర్తన'. ఈ సినిమాలోని 'సీతాకోకై ఎగిరింది మనసే' అంటూ సాగే లిరికల్ వీడియోను సంచలన విజయం సాధించిన 'బేబీ' తీసిన దర్శకుడు, నిర్మాత సాయి రాజేష్ విడుదల చేశారు. అనంతరం 'బేబీ' తరహాలో ఈ సినిమా కూడా ఘన విజయం సాధించాలని ఆయన ఆకాంక్షించారు.

'నేను కీర్తన' సినిమాలో 'సీతాకోకై ఎగిరింది మనసే' పాట విడుదల చేసిన తర్వాత సాయి రాజేష్ మాట్లాడుతూ... ''ఈ సినిమాలో, ఆ పాటలో సక్సెస్ కళ కొట్టొచ్చినట్టు కనబడుతోంది. కులు మనాలిలో చిత్రీకరించిన పాట బాగుంది. హీరోగా, దర్శకుడిగా చిమటా రమేష్ బాబుకి మంచి భవిష్యత్ ఉందని అనిపిస్తోంది'' అని అన్నారు.

చిమటా రమేష్ బాబు మాట్లాడుతూ... ''సాయి రాజేష్ గారు ఎంతో బిజీగా ఉన్నప్పటికీ మా కోసం టైమ్ కేటాయించి సాంగ్ విడుదల చేశారు. ఆయనకు చాలా థాంక్స్. అతి త్వరలో ఈ చిత్రాన్ని ప్రేక్షకుల ముందుకు తీసుకు రావడానికి సన్నాహాలు చేస్తున్నాం'' అని అన్నారు.

మల్టీ జోనర్ సినిమాగా తెరకెక్కిన 'నేను కీర్తన' సెన్సార్ పూర్తి అయ్యింది. ఫస్ట్ కాపీ కూడా రెడీగా ఉందని చిమటా రమేష్ బాబు చెప్పారు. కులు మనాలిలో తీసిన పాటలతో పాటు ఆరు రోప్ ఫైట్స్ ఈ చిత్రానికి ఆకర్షణ అవుతాయని అన్నారు.

చిమటా రమేష్ బాబు (సి.హెచ్.ఆర్) కథానాయకుడిగా, దర్శకుడిగా పరిచయం అవుతున్న ఈ సినిమాను చిమటా ప్రొడక్షన్స్ పతాకంపై చిమటా జ్యోతిర్మయి (యుఎస్ఎ) సమర్పణలో చిమటా లక్ష్మి కుమారి నిర్మించారు.ఇందులో రిషిత, మేఘన హీరోయిన్లు. సంధ్య, జీవ, విజయ రంగ రాజు, 'జబర్దస్త్' అప్పారావు, సన్నీ, రాజ్ కుమార్ ప్రధాన పాత్రల్లో నటించిన ఈ చిత్రానికి నృత్యాలు: అమిత్ కుమార్ - సిహెచ్ఆర్, పాటలు: సిహెచ్ఆర్ - అంచుల నాగేశ్వరరావు - శ్రీరాములు, సంగీతం: ఎంఎల్ రాజా, ఛాయాగ్రహణం: కె. రమణ.