PM Modi Praises Kamala: 'మీ రాకకై ఇండియా ఎదురుచూస్తోంది..' మోదీ మాటలకు 'కమల' వికాసం

భారత ప్రధాని నరేంద్ర మోదీ.. అమెరికా ఉపాధ్యక్షురాలు కమలా హారిస్‌ను భారత్ రావాలని ఆహ్వానించారు.

కమలా హారిస్- ప్రధాని మోదీ భేటీ

అమెరికా ఉపాధ్యక్షురాలు కమలా హారిస్‌పై ప్రధాని నరేంద్ర మోదీ ప్రశంసలు కురిపించారు. ఆమె సాధించిన విజయం ఎందరికో ఆదర్శమన్నారు. కమలా హారిస్ భారత్‌కు రావాలని మోదీ ఆహ్వానించారు.

#WATCH "The people of India are waiting to welcome you. I extend to you an invitation to visit India," PM Modi to US Vice President Kamala Harris, in Washington DC pic.twitter.com/Gtw13sYnZW

— ANI (@ANI) September 23, 2021

" అమెరికా ఉపాధ్యక్షురాలిగా మీ గెలుపు చారిత్రకమే కాదు చాలా ముఖ్యం. ప్రపంచవ్యాప్తంగా మీరు చాలా మందికి ఆదర్శం. అధ్యక్షుడు బైడెన్ సహా మీ సారథ్యంలో భారత్- అమెరికా ద్వైపాక్షిక సంబంధాలు మరోస్థాయికి చేరతాయని నమ్ముతున్నాను. భారత ప్రజలు మీకు స్వాగతం పలికేందుకు సిద్ధంగా ఉన్నారు. మీరు భారత్ రావాలని ప్రత్యేకంగా ఆహ్వానిస్తున్నాను.                                           "

-ప్రధాని నరేంద్ర మోదీ

అంతకుముందు మాట్లాడిన కమలా హారిస్.. భారత్- అమెరికా సంబంధాలపై కీలక వ్యాఖ్యలు చేశారు. భారత్.. అమెరికాకు ఓ ముఖ్యమైన భాగస్వామి అని అభివర్ణించారు. కరోనాపై పోరులో ఇరు దేశాలు అందిపుచ్చుకున్న సహాయసహకారాలను ప్రస్తావించారు.

" అమెరికాకు భారత్ ఓ ముఖ్యమైన భాగస్వామి. భారత్‌లో కరోనా విజృంభించిన సమయంలో ఆపన్నహస్తం అందించినందుకు అమెరికా గర్వపడుతోంది. వ్యాక్సినేషన్‌లో భారత్ చూపిస్తోన్న చొరవ బాధ్యతాయుతంగా ఉంది. త్వరలోనే వ్యాక్సిన్ ఎగుమతులు పునఃప్రారంభించాలని భారత్ తీసుకున్న నిర్ణయాన్ని స్వాగతిస్తున్నాను. ప్రస్తుతం రోజుకు దాదాపు కోటి మందికి భారత్ వ్యాక్సిన్ అందించడం నిజంగా ప్రశంసనీయం.                                 "

                      -కమలా హారిస్, అమెరికా ఉపాధ్యక్షురాలు

 

చారిత్రక విజయం..

 

భారత మూలాలున్న కమలా హారిస్.. 2020లో జరిగిన అమెరికా ఎన్నికల్లో గెలుపొంది చరిత్ర సృష్టించారు. ఆమె సాధించిన విజయం పట్ల భారత ప్రజలు హర్షం వ్యక్తం చేశారు. సంబారాలు కూడా జరిపారు.

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌