Rahul Gandhi : "టూరిజం లీడర్" అంటూ రాహుల్‌పై బీజేపీ విమర్శలు- ఘాటుగా రిప్లై ఇచ్చిన ప్రియాంక

Rahul Gandhi : పార్లమెంట్ సమావేశాల్లో రాహుల్ గాంధీ విదేశీ పర్యటనపై బీజేపీ విమర్శలు చేసింది. 'టూరిజం లీడర్' అని కామెంట్స్ చేసింది. దీనికి ప్రియాంక ఘాటుగా రిప్లై ఇచ్చారు.

శీతాకాల సమావేశాలు ముగియడానికి ముందు రాహుల్ గాంధీ బెర్లిన్ వెళ్లనున్నారు.

Source : X.com

Rahul Gandhi : కాంగ్రెస్ ఎంపీ, లోక్‌సభలో ప్రతిపక్ష నేత రాహుల్ గాంధీ జర్మనీ పర్యటనపై రాజకీయాలు ఊపందుకున్నాయి. బుధవారం నాడు పార్లమెంటు శీతాకాల సమావేశాల్లో రాహుల్ విదేశీ పర్యటనపై బీజేపీ విమర్శలు గుప్పించింది. కంగనా రనౌత్, సంజయ్ జైస్వాల్, ప్రహ్లాద్ జోషి సహా పలువురు బీజేపీ ఎంపీలు రాహుల్‌పై విమర్శలు చేశారు. బీజేపీ రాహుల్‌ను 'టూరిజం లీడర్' అని పిలిచింది. తరచుగా విదేశీ పర్యటనలు చేయడం వల్ల అతను తన పనిని సరిగ్గా చేయడం లేదని ఆరోపించింది.

'లీడర్ ఆఫ్ టూరిజం' రాహుల్ గాంధీ

రాహుల్ గాంధీ డిసెంబర్ 15 నుంచి 20 వరకు బెర్లిన్‌లో ఇండియన్ ఓవర్సీస్ కాంగ్రెస్ కార్యక్రమంలో పాల్గొంటారు. ప్రస్తుత శీతాకాల సమావేశాలు డిసెంబర్ 19న ముగుస్తాయి. బీజేపీ నేత షెహజాద్ పూనావాలా మాట్లాడుతూ, 'రాహుల్ గాంధీ మరోసారి LoP అంటే లీడర్ ఆఫ్ టూరిజం అని నిరూపించారు. అతను పార్టీలు చేసుకునే నాయకుడు.' అని అన్నారు.

పూనావాలా మాట్లాడుతూ రాహుల్ గాంధీ నాన్‌ సీరియస్ నాయకుడు అని అన్నారు. ప్రజలు పని మూడ్‌లో ఉన్నారు, అతని సెలవు మూడ్ నడుస్తోంది. జర్మనీకి ఎందుకు వెళ్తున్నారో నాకు తెలియదు. బహుశా భారతదేశానికి వ్యతిరేకంగా విషం చిమ్మడానికి వెళుతున్నారేమో. అతను సెలవులు సెలబ్రేట్ చేసుకోవడానికి,  భారతదేశాన్ని అప్రతిష్టపాలు చేయడానికి విదేశాలకు వెళుతున్నారు అని ఎద్దేవా చేశారు. 

రాహుల్ గాంధీ నాన్‌ సీరియస్ రాజకీయ నాయకుడు

కేంద్ర మంత్రి ప్రహ్లాద్ జోషి మాట్లాడుతూ, పార్లమెంటు సమావేశాల సమయంలో గాంధీజీ విదేశాలలో గడుపుతారు. తరువాత మాట్లాడటానికి తనకు అవకాశం దొరకలేదని చెబుతారు. 'ఆయన పార్ట్‌టైమ్, నాన్‌ సీరియస్ రాజకీయ నాయకుడు' అని అన్నారు.

అదే సమయంలో, కంగనా రనౌత్ మాట్లాడుతూ, 'నేను ఆయన పర్యటనలను ట్రాక్ చేయను, లేదా ఆయన గురించి వచ్చే వార్తలను చదవను. కాబట్టి నేను ఆయన పర్యటనల గురించి ఏమి చెప్పగలను? నేను అలాంటి వ్యక్తిపై ఎటువంటి వ్యాఖ్యలు చేయకూడచుకుంటున్నాను, ఎందుకంటే ఈ వ్యక్తిలో ఎలాంటి సారం లేదని మీకు తెలుసు.'

కాంగ్రెస్ బీజేపీపై తీవ్రంగా ఎదురుదాడి చేసింది

కాంగ్రెస్ ఎంపీ ప్రియాంక గాంధీ రాహుల్ గాంధీని సమర్థిస్తూ బీజేపీకి గట్టి సమాధానం ఇచ్చారు. ఆమె మాట్లాడుతూ, 'ప్రధాని నరేంద్ర మోదీ సగం సమయాన్ని విదేశాలలో గడుపుతారు. అప్పుడు బీజేపీ ప్రతిపక్ష నేత విదేశీ పర్యటనపై ఎందుకు ప్రశ్నలు లేవనెత్తుతోంది?'

లోక్‌సభలో ప్రతిపక్ష ఉపనేత గౌరవ్ గొగోయ్ మాట్లాడుతూ, రాహుల్ గాంధీ ఎన్నికల అక్రమాలపై బీజేపీ, ప్రధానికి ఎటువంటి సమాధానం లేదు. 'బీజేపీకి రాహుల్ గాంధీ ప్రశ్నలకు సమాధానం లేనప్పుడు, వారిని అప్రతిష్టపాలు చేయడం తప్ప వారికి వేరే మార్గం లేదు' అని అన్నారు.

జర్మనీలో ఇండియన్ ఓవర్సీస్ కాంగ్రెస్ (IOC) కార్యక్రమం

రాహుల్ గాంధీ డిసెంబర్ 17న జర్మనీ రాజధాని బెర్లిన్‌లో జరిగే IOC కార్యక్రమంలో పాల్గొంటారు. ఇక్కడ ఆయన యూరప్ నుంచి వచ్చిన వివిధ దేశాల IOC నాయకులను కలుసుకుంటారు. ఈ పర్యటన పార్టీ గ్లోబల్ డైలాగ్‌ను బలోపేతం చేయడానికి ఒక ముఖ్యమైన చర్య అని IOC పేర్కొంది.

మరిన్ని చదవండి

ఓటు దొంగిలించడం కంటే పెద్ద దేశద్రోహం మరొకటి లేదు! లోక్‌సభలో రాహుల్ గాంధీ తీవ్ర విమర్శలు