Hard Rock Cafe Close: రాక్ అండ్ రోల్ థీమ్ రెస్టారెంట్స్కు గడ్డు కాలం - భారతదేశంలో మూతపడిన హార్డ్ రాక్ కేఫ్లు
Hard Rock Cafe: మెట్రో సిటీల్లో రాక్ అండ్ రోల్ కు పెట్టింది పేరు అయిన హార్డ్ రాక్ కేఫ్లు మూతపడ్డాయి. ఈ సంస్థ ఇండియా భాగస్వామితో ఒప్పందాలు రద్దు చేసుకుంది.
Hard Rock Cafes close in India: భారతదేశంలోని ప్రముఖ నగరాల్లో సంగీత ప్రియులకు, భోజన ప్రియులకు చిరునామాగా ఉన్న హార్డ్ రాక్ కేప్ తన కార్యకలాపాలను నిలిపివేస్తున్నట్లు ప్రకటించింది. హార్డ్ రాక్ ఇంటర్నేషనల్ సంస్థ, భారత్లో తన ఫ్రాంచైజీ భాగస్వామి అయిన జెఎస్ఎం కార్పొరేషన్ ప్రైవేట్ లిమిటెడ్ తో ఉన్న ఒప్పందాలను అధికారికంగా రద్దు చేసుకుంది. దీని ఫలితంగా దేశవ్యాప్తంగా ఉన్న 10 కేఫ్లు , రాక్ షాపులు తక్షణమే మూతపడనున్నాయి.
ఈ నిర్ణయం వల్ల హైదరాబాద్, హైదరాబాద్ హైటెక్ సిటీ, బెంగళూరు ఎంజీ రోడ్ , బెంగళూరు ఇంటర్నేషనల్ ఎయిర్పోర్ట్, బెంగళూరు వైట్ఫీల్డ్, చెన్నై, కోల్కతా, న్యూఢిల్లీ, పుణే , చండీగఢ్లలోని హార్డ్ రాక్ కేఫ్ కేంద్రాలు తమ సేవలను ఆపివేస్తున్నాయి. గత రెండు దశాబ్దాలుగా లైవ్ మ్యూజిక్, విలక్షణమైన అమెరికన్ వంటకాలు , రాక్ అండ్ రోల్ థీమ్తో ఈ కేఫ్లు భారతీయ యువతను విశేషంగా ఆకట్టుకున్నాయి. మ్యూజిక్ మెమోరాబిలియాకు పెట్టింది పేరుగా ఉన్న ఈ సెంటర్ల మూసివేత ఒక శకం ముగిసినట్లుగా నెటిజన్లు భావిస్తున్నారు.
అయితే, గోవాలోని హార్డ్ రాక్ హోటల్కు ఈ పరిణామంతో ఎలాంటి సంబంధం లేదని సంస్థ స్పష్టం చేసింది. గోవా హోటల్ మరొక ఆపరేటర్ ద్వారా నడపుతున్నందున, అది యథావిధిగా కొనసాగుతుందని యాజమాన్యం వెల్లడించింది. కేవలం జెఎస్ఎం కార్పొరేషన్ పరిధిలోకి వచ్చే కేఫ్లు , టైల్ షాపులు మాత్రమే ఈ ఒప్పంద రద్దు పరిధిలోకి వస్తాయి.
In some very sad news, Hard Rock Cafe Bengaluru, Bengaluru Int. Airport, Bengaluru Whitefield, Chandigarh, Chennai, Hyderabad, Hyderabad Hitech City, Kolkata, New Delhi, Pune will be closing.
— Chandra R. Srikanth (@chandrarsrikant) March 16, 2026
Hard Rock International has formally terminated its agreements with JSM Corporation Pvt… pic.twitter.com/lvHomIiIrc
భారతదేశం వంటి కీలక మార్కెట్లో హార్డ్ రాక్ బ్రాండ్ భవిష్యత్తులో కొత్త భాగస్వాములతో మళ్లీ తిరిగి వచ్చే అవకాశం ఉందా అన్నది ప్రస్తుతానికి సస్పెన్స్గానే ఉంది. రాక్ మ్యూజిక్ సంస్కృతిని భారత్లో విస్తరించడంలో కీలక పాత్ర పోషించిన ఈ బ్రాండ్ అకస్మాత్తుగా నిష్క్రమించడం వ్యాపార వర్గాల్లోనూ చర్చనీయాంశమైంది. జేఎస్ఎం కార్పొరేషన్ తో ఒప్పందాల రద్దుకు దారితీసిన ఖచ్చితమైన అంతర్గత కారణాలను సంస్థ బహిరంగంగా వెల్లడించలేదు. అయితే, ఈ ముగింపు కేవలం జెఎస్ఎం కార్పొరేషన్ పరిధిలో ఉన్న కేఫ్లకు మాత్రమే పరిమితమైంది కాబట్టి ఆర్థికపరమైన వివాదాలు వచ్చి ఉంటాయని భావిస్తున్నారు.
Before You Go
MahuaMoitra: మహువా మొయిత్రాకు షాక్.. చోర్ అంటూ నినాదాలు|
టాప్ హెడ్ లైన్స్
ట్రెండింగ్ వార్తలు
