Kiwi Fruit: ఇరాన్ నుంచి ఇక కివీ ఫ్రూట్ రాదు.. మనం చెప్పిన మాటలు.. వాళ్లు వింటేగా అసలు

ఇరాన్ నుంచి కివీస్ ఫ్రూట్ దిగుమతి చేసుకోవడాన్ని భారత్ నిషేధించింది. పలు మార్లు హెచ్చరికలు చేసినా.. ఆ దేశం వినకపోవడంతో ఈ నిర్ణయం తీసుకోవాల్సి వచ్చింది.

ప్రతీకాత్మక చిత్రం

ఇరాన్ నుంచి కివీస్ ఫ్రూట్ దిగుమతి చేసుకోవడంపై భారత్ నిషేధం విధించింది. ఎరువులు ఎక్కువగా వేయోద్దు అని ఆ దేశానికి ఇండియా పలు మార్లు చెప్పింది. మరోవైపు తెగుళ్లు ఎక్కువగా ఉన్న పండ్లనే వాళ్లు పంపిస్తున్నారు. ఎన్నిసార్లు చెప్పినా  ఇరాన్ అస్సలు పట్టించుకోలేదు. ఎలాంటి మార్పు లేకపోయేసరికి.. కేంద్ర వ్యవసాయ శాఖ నిషేధం విధించాలని నిర్ణయం తీసుకుంది. డిసెంబర్ 7 నుంచి కివీ పండ్లు ఇరాన్ నుంచి రావడంపై నిషేధం విధించింది. 

తెగుళ్లు సోకిన కివీ పండ్లు ఇరాన్ దేశం నుంచి దిగుమతి అవుతుండటంతో ఈ నిర్ణయం భారత్ తీసుకుంది. ఈ ఏడాది అక్టోబర్ నుంచి భారతదేశంలో 22 సరకుల్లో తెగులు వచ్చింది. ఇరాన్ నుంచి తెగులు దేశంలోకి వస్తుండటంతో కేంద్ర వ్యవసాయమంత్రిత్వశాఖ ఆధీనంలోని నేషనల్ ప్లాంట్ ప్రొటెక్షన్ ఆర్గనైజేషన్ ఈ నెల 7వతేదీ నుంచి కివీ పండ్ల దిగుమతిని నిషేధించింది. కివీ పండ్లను తమ దేశానికి పంపించొద్దని.. తెలిపింది.

నేషనల్ ప్లాంట్ ప్రొటెక్షన్ ఆర్గనైజేషన్ జారీ చేసిన.. ఫైటోశానిటరీ సర్టిఫికేట్స్ ను పట్టించుకోవడం లేదంటూ.. లేఖ ద్వారా వెల్లడించింది.. కేంద్ర మంత్రిత్వ శాఖ. గతంలో ఇండియాకు దిగుమతి అయిన పండ్లలో పెస్టిసైడ్ పర్సంటేజ్ ఎక్కువగా ఉందని.. చెప్పినా ఇరాన్ పట్టించుకోలేదు. రెగ్యూలర్ బేసిస్ మీద పంపిన రిక్వేస్ట్ కూడా పట్టించుకోలేదు. అందుకే దిగుమతులు తగ్గించేశాం.. అని స్టేట్ మెంట్ లో భారత్ చెప్పింది.అంతేకాదు గతంలో జరిగిన దిగుమతులపైనా ఇన్వెస్టిగేషన్ జరగనుంది.

భారత్ కు విదేశాల నుంచి 4వేల టన్నుల కివీ ఫ్రూట్స్ వస్తున్నాయి. దేశియంగా 13వేల టన్నులను ఉత్పత్తి చేస్తున్నట్టు ప్రభుత్వ లెక్కల్లో ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి