Himachal Congress Manifesto: యువ ఓటర్లను టార్గెట్ చేసిన కాంగ్రెస్, హిమాచల్‌ ప్రదేశ్ ఎన్నికల మేనిఫెస్టో విడుదల

Himachal Congress Manifesto: హిమాచల్ ప్రదేశ్ ఎన్నికలకు సంబంధించిన మేనిఫెస్టోని కాంగ్రెస్ విడుదల చేసింది.

హిమాచల్‌ప్రదేశ్ కాంగ్రెస్ ఎన్నికల మేనిఫెస్టో విడుదల చేసింది. (Image Credits: ANI)

Himachal Congress Manifesto:

10 అంశాలతో మేనిఫెస్టో..

హిమాచల్‌ ప్రదేశ్‌లో (Himachal Pradesh Assembly Elections) ఈ నెల 12న ఎన్నికలు జరగనున్నాయి. మరో వారం రోజులే మిగిలి ఉండటం వల్ల అన్ని పార్టీలు ప్రచారంలో జోష్ పెంచాయి. మేనిఫెస్టోలు విడుదల చేయడంలో బిజీ అయిపోయాయి. ఇటీవలే కాంగ్రెస్‌ తమ మేనిఫెస్టోని విడుదల చేసింది. లక్ష మందికి ఉద్యోగాలు, పాత పెన్షన్ స్కీమ్‌ని మళ్లీ అమలు చేయడం, హర్ ఘర్ లక్ష్మి పథకంలో భాగంగా ప్రతి ఇంట్లోని
మహిళకు నెలనెలా రూ.1500 నగదు బదిలీ లాంటి కీలక అంశాలు ఇందులో ఉన్నాయి. వీటితో పాటు ప్రతి అసెంబ్లీ నియోజకవర్గంలో  4 ఇంగ్లీష్ మీడియం స్కూల్స్‌ ఏర్పాటు చేస్తామనీ హామీ ఇచ్చింది కాంగ్రెస్. మొత్తం 10 అంశాలు ఇందులో చేర్చింది. 

మేనిఫెస్టోలోని అంశాలివే..

1. పాత పెన్షన్ స్కీమ్‌ను మళ్లీ అమలు చేయడం. 
2. 5 లక్షల మంది యువతకు ఉద్యోగాల కల్పన
3. మహిళలకు నెలనెలా రూ.1500 నగదు బదిలీ
4. 300 యూనిట్ల వరకూ అందరికీ ఉచిత విద్యుత్ 
5. పండ్ల ధరలు నిర్ణయించే హక్కు ఉద్యాన పంటలు పండించే వారికే ఇవ్వడం. 
6. యువత కోసం అంకుర సంస్థలు స్థాపించేందుకు రూ.680 కోట్ల నిధులు
7. ప్రతి అసెంబ్లీ నియోజకవర్గంలో 4 ఇంగ్లీష్ మీడియం స్కూల్స్ ఏర్పాటు
8. ప్రతి గ్రామంలో, మొబైల్ క్లినిక్‌లో ఉచిత వైద్యం 
9. పాడి రైతుల నుంచి రోజూ 10 లీటర్ల పాలు కొనుగోలు చేయడం  
10. రూ.2 కిలో చొప్పున పేడను కొనుగోలు చేయడం  

Congress releases its manifesto for the #HimachalPradeshElections; Chhatisgarh CM Bhupesh Baghel also present.

Congress promises 10 guarantees to the public incl implementation of OPS, Rs 1500 per month to women,300 units of free electricity & purchase of cow dung at Rs 2 per kg pic.twitter.com/PeKctGGazm

— ANI (@ANI) November 5, 2022

ఈ సారి గెలిచేదెవరు..? 

హిమాచల్ ప్రదేశ్ అసెంబ్లీ ఎన్నికల షెడ్యూల్‌ను కేంద్ర ఎన్నికల సంఘం ప్రకటించింది. నవంబర్ 12న పోలింగ్ జరగనుంది. డిసెంబర్ 8న ఫలితాలు వెలువడనున్నాయి. ఈ మేరకు దిల్లీలోని విజ్ఞాన్ భవన్‌లో చీఫ్ ఎలక్షన్ కమిషనర్ (సీఈసీ) రాజీవ్ కుమార్ ఎన్నికల షెడ్యూల్‌ను ప్రకటించారు. హిమాచల్ ప్రదేశ్‌లో మొత్తం 68 అసెంబ్లీ స్థానాలు ఉన్నాయి. ఒకే విడతలో ఎన్నికలు జరపనున్నట్లు ఈసీ ప్రకటించింది. హిమాచల్ ప్రదేశ్ శాసనసభ గడువు 2023, జనవరి 8తో ముగియనుంది. డిసెంబర్ 8వ తేదీన ఫలితాలు విడుదల చేస్తారు. హిమాచల్‌లో భాజపా అధికారంలో ఉంది. ఈ సారి కూడా కచ్చితంగా గెలిచి తీరాలన్న పట్టుదలతో ఉంది కాషాయ పార్టీ. 88 అసెంబ్లీ నియోజకవర్గాలున్న హిమాచల్‌ప్రదేశ్‌లో 2017లో చివరిసారి ఎన్నికలు జరిగాయి. అప్పుడు భాజపా అధికారంలోకి రాగా...జైరామ్ ఠాకూర్ సీఎం అయ్యారు. ఈ ఏడాది ఎన్నికలు జరగనున్న నేపథ్యంలో ABP News,C Voter సర్వే ఒపీనియన్ పోల్ రిజల్ట్స్‌తో ముందుకొచ్చింది. ఎవరికి ఎన్ని ఓట్లు వస్తాయి..? ఎవరు అధికారంలోకి వచ్చే అవకాశముంది..? అనే విషయాలు అంచనా వేసింది. ABP News-CVoter Opinion Poll 2022 ప్రకారం...2017తో పోల్చి చూస్తే..హిమాచల్‌లో భాజపా ఓటు షేర్ కాస్త తగ్గనుంది. ఈ ఏడాది ఓటు షేర్ 45.2%గా ఉండగా...2017లో ఇది 48.8%గా నమోదైంది. ఇక మిగతా పార్టీల సంగతి చూస్తే...కాంగ్రెస్‌ ఓటు శాతం 33.9%గా అంచనా వేసింది.