Man seeks divorce: 'సర్.. ఇచ్చేయండి సర్.. విడాకులు..' మేకప్ లేకుండా భార్యను చూసి షాక్!

మేకప్ లేకుండా భార్యను చూసి షాకై విడాకులు కావాలని కోర్టుకు ఆశ్రయించిన భర్త.

Written By : ABP Desam | Edited By: Murali Krishna | Updated at : 05 Nov 2021 06:39 PM (IST)

మేకప్ లేకుండా భార్యను చూసి షాక్

సాధారణంగా భార్యాభర్తలు విడాకులు తీసుకోవడానికి చాలా కారణాలు ఉంటాయి. అయితే ఈజిప్టుకు చెందిన ఓ వ్యక్తి విడాకుల కోసం చెప్పిన కారణం విని జడ్జి కూడా షాకయ్యారు. ప్రేమించి పెళ్లి చేసుకున్న భార్యను మేకప్ లేకుండా చూసి అవాక్కైన ఆ భర్త విడాకుల కోసం ఫ్యామిలీ కోర్టును ఆశ్రయించాడు.

అసలేం జరిగింది?

ఈజిప్టుకు చెందిన ఓ వ్యక్తికి కొద్దిరోజుల క్రితం ఓ అమ్మాయితో ఫేస్బుక్లో పరిచయం ఏర్పడింది. రోజూ చాటింగ్ చేసుకుని ఇద్దరూ దగ్గరయ్యారు. ఫొటోల్లో ఆ అమ్మాయిని చూసి అతను ఇష్టపడ్డాడు. డేటింగ్కు కూడా వెళ్లాడు. పెళ్లంటూ చేసుకుంటే ఇలాంటి అందగత్తెనే చేసుకోవాలనుకున్నాడు. మొత్తానికి ఆమెను ఒప్పించి వివాహం చేసుకున్నాడు.

మర్నాడే షాక్..

కానీ పెళ్లైన మరుసటి రోజే ఆమె అసలు అందం చూసి కంగుతిన్నాడు. మేకప్ లేకుండా ఆమెను దగ్గరి నుంచి చూసి జడుసుకున్నాడు. మేకప్ లేకుండా తన భార్య అందంగా కనిపిస్తుందేమోనని నెల రోజుల వరకు ఎదురు చూశాడు. ఇక ఫలితం లేకా తనతో కలిసి ఉండలేనని విడాకుల కోసం ఫ్యామిలీ కోర్టును ఆశ్రయించాడు.

" నేను మోసపోయాను. పెళ్లికి ముందు ఆమె ప్రతి రోజూ ఎక్కువగా మేకప్ వేసుకునేది. పెళ్లైన తర్వాతే ఆమె సహజ అందాన్ని చూసి షాకయ్యాను. మేకప్ లేకపోతే ఆమెను చూడలేకపోతున్నాను. అసలు నేను ఇన్నాళ్లు ప్రేమించిన ఆ అమ్మాయికి.. ఇప్పుడు మేకప్ లేకుండా చూసిన ఈమెకు పోలీకలే లేవు. నాకు విడాకులు ఇప్పించండి. "

-విడాకుల పిటిషన్‌లో బాధిత భర్త

Also Read: Navjot Singh Sidhu Resignation: పీసీసీ చీఫ్‌గా సిద్ధూ కొనసాగింపు.. రాజీనామా ఉపసంహరణ