అన్వేషించండి

PM Modi Kedarnath Visit: కేదార్‌నాథ్‌ ఆలయంలో మోదీ ప్రత్యేక పూజలు.. శంకరాచార్యుని విగ్రహం ఆవిష్కరణ

కేదార్‌నాథ్ ఆలయంలో ప్రధాని నరేంద్ర మోదీ ప్రత్యేక పూజలు నిర్వహించారు. ఆది శంకరాచార్యుని విగ్రహాన్ని ఆవిష్కరించారు.

By : ABP Desam | Edited By: Murali Krishna | Updated at : 05 Nov 2021 05:21 PM (IST)

PM Narendra Modi Kedarnath Visit: PM Modi Unveils Statue Of Adi Guru Shankaracharya At Kedarnath Uttarakhand Watch Video PM Modi Kedarnath Visit: కేదార్‌నాథ్‌ ఆలయంలో మోదీ ప్రత్యేక పూజలు.. శంకరాచార్యుని విగ్రహం ఆవిష్కరణ

కేదార్‌నాథ్‌ ఆలయాన్ని సందర్శించిన మోదీ

ప్రధాని నరేంద్ర మోదీ.. కేదార్‌నాథ్‌ ఆలయాన్ని నేడు సందర్శించారు. ప్రధాని అయిన తర్వాత మోదీ.. కేదార్‌నాథ్‌ రావడం ఇది ఐదోసారి. ప్రధాని కేదార్‌నాథ్‌లో ప్రత్యేక పూజలు నిర్వహించారు.

" దేశంలో ఉన్న అన్ని మఠాలు, 12 జ్యోతిర్లింగాలు, శివాలయాలు, శక్తి ధామాలు, మునులు, భక్తులు, పూజ్య శంకరాచార్యుని ఆరాధిస్తున్నవాళ్లు ఎక్కడున్నా మనల్ని నేడు ఆశీర్వదిస్తారు. ఆదిశంకరాచార్యుల రచనలు ఐక్యతను గుర్తుచేస్తాయి. ఉపనిషత్తులో దాగి ఉన్న ఎన్నో విషయాలను స్పష్టంగా చెబుతాయి. 2013 వరదల తర్వాత కేదార్‌నాథ్‌ తిరిగి కోలుకుంటుందా అని అంతా అనుకున్నారు. కానీ మరింత అందంగా, బలంగా ఇది నిలుస్తుందని నా అంతరాత్మ చెప్పింది. ఇప్పుడు అదే నిజమైంది. ఇదంతా ఆ శివుడి దయ. "

- ప్రధాని నరేంద్ర మోదీ

#WATCH Prime Minister Narendra Modi performs 'aarti' at Kedarnath temple in Uttarakhand pic.twitter.com/V6Xx7VzjY4
— ANI (@ANI) November 5, 2021

కేదార్‌నాథ్ ఆలయంలో మోదీ ప్రత్యేక హారతి కార్యక్రమాన్ని నిర్వహించారు. కేదార్‌నాథుడికి ప్రధాని మోదీ తేనె, నెయ్యి, బిల్వపత్రాలతో రుద్రాభిషేకం నిర్వహించారు. అనంతరం హారతి ఇచ్చారు.

గోరఖ్‌పుర్ నుంచి ఈ కార్యక్రమాన్ని ఉత్తర్‌ప్రదేశ్ ముఖ్యమంత్రి యోగి ఆదిత్యనాథ్‌ లైవ్‌లో వీక్షించారు. ఆదిశంకరాచార్యుల విగ్రహావిష్కరణను దేశంలోని 12 జ్యోతిర్లింగాలు, 4 శంకరాచార్య మఠాలతోపాటు ప్రముఖ దేవాలయాల్లో ప్రత్యక్ష ప్రసారం చేశారు. అనంతరం రూ. 400 కోట్ల విలువైన పలు అభివృద్ధి ప్రాజెక్టులను మోదీ ప్రారంభించనున్నారు.

ఆది శంకరాచార్య విగ్రహం..

ఈ సందర్భంగా ప్రధాని మోదీ.. 12 అడుగుల పొడవు, 35 టన్నుల ఆది గురు శంకరాచార్య విగ్రహాన్ని ఆవిష్కరించారు. పునర్నిర్మించిన శంకరాచార్యుని సమాధిని కూడా మోదీ ఆవిష్కరించారు. 2013 ఉత్తరాఖండ్‌ వరదల్లో ఇది దెబ్బతింది.

There was a time when spirituality and religion were believed to be associated only with stereotypes. But, Indian philosophy talks about human welfare, sees life in a holistic manner. Adi Shankaracharya worked to make the society aware about this truth: PM Modi at Kedarnath pic.twitter.com/qhozsmNnn9
— ANI (@ANI) November 5, 2021