Uttar Pradesh Election 2022: వాళ్లే గుంపుగా వస్తారు.. కాంగ్రెస్ సింగిల్‌గా వస్తుంది: ప్రియాంక గాంధీ

ఉత్తర్‌ప్రదేశ్ అసెంబ్లీ ఎన్నికల్లో తాము ఒంటరిగా పోటీ చేస్తామని కాంగ్రెస్ ప్రధాన కార్యదర్శి ప్రియాంక గాంధీ ప్రకటించారు.

ఉత్తర్‌ప్రదేశ్‌లో కాంగ్రెస్ ఒంటరి పోరు

ఉత్తర్‌ప్రదేశ్ అసెంబ్లీ ఎన్నికల్లో కాంగ్రెస్ ఒంటరిగా బరిలోకి దిగుతుందని ఆ పార్టీ ప్రధాన కార్యదర్శి ప్రియాంక గాంధీ ప్రకటించారు. బులంద్‌షహర్‌లో జరిగిన ఎన్నికల ప్రచారంలో యోగి ఆదిత్యనాథ్ సర్కార్‌పై నిప్పులు చెరిగారు. ఈసారి అధికారంలోకి రాబోయేది కాంగ్రెస్ పార్టీయేనని ధీమా వ్యక్తం చేశారు.

कांग्रेस ने पूरे 5 साल अपने संगठन के बल पर भाजपा की महंगाई और लूट की नीतियों के खिलाफ संघर्ष किया है।

कांग्रेस पार्टी संगठन के बल पर मजबूती से चुनाव लड़ेगी।

लक्ष्य 2022
पदाधिकारी प्रतिज्ञा सम्मेलन, बुलंदशहर pic.twitter.com/kQDazAqp0h

— Priyanka Gandhi Vadra (@priyankagandhi) November 14, 2021

" యోగి ఆదిత్యనాథ్ పాలనతో ఉత్తర్‌ప్రదేశ్ ప్రజలు విసిగిపోయారు. రాబోయే ఎన్నికల్లో గెలుపు కాంగ్రెస్ పార్టీదే. అసెంబ్లీ ఎన్నికల్లో ఏ పార్టీతోనూ పొత్తు పెట్టుకోవద్దని చాలా మంది కార్యకర్తలు నాతో అన్నారు. నేను మీ అందరికీ మాట ఇస్తున్నా.. కాంగ్రెస్ అన్ని స్థానాల్లోనూ బరిలోకి దిగుతుంది.. సింగిల్‌గానే పోటీ చేస్తుంది.   "

-                                           ప్రియాంక గాంధీ, కాంగ్రెస్ ప్రధాన కార్యదర్శి

ఇవే హామీలు..

• కాంగ్రెస్ అధికారంలోకి వస్తే ఆశావర్కర్లకు నెలకు రూ. 10 వేల గౌరవ వేతనం ఇస్తామని వాగ్దానం. 
• రైతులకు రుణమాఫీ చేయడంతో పాటు రాష్ట్రంలో 20 లక్షల ఉద్యోగాలు కల్పిస్తామని హామీ.
• గోధమ, వరి పంటలు క్వింటాల్‌కు రూ. 2,500, క్వింటాల్ చెరకును రూ. 400ల చొప్పున కొనుగోలు చేస్తామని ప్రకటన.
• ప్రజలందరికీ రూ. 10 లక్షల వరకు ఉచితంగా వైద్య చికిత్స అందిస్తామని హామీ.
• విద్యార్థులకు స్మార్ట్‌ ఫోన్లు, ఎలక్ట్రిక్ స్కూటీలు అందజేస్తామని వాగ్దానం.

మాయావతిని కలిసి..

అంతకుముందు బహుజన్ సమాజ్ పార్టీ అధినేత్రి మాయావతిని ప్రియాంక గాంధీ పరామర్శించారు. మాయావతి తల్లి రాంరతి (92) శనివారం దిల్లీలోని ఓ ఆసుపత్రిలో చికిత్స పొందుతూ మరణించారు. ఈ వార్త తెలిసిన ప్రియాంక గాంధీ.. మాయావతిని నేరుగా కలిసి ఓదార్చారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి