ED, CBI Directors Tenure: సీబీఐ, ఈడీ చీఫ్‌ల పదవీకాలం పొడిగిస్తూ కేంద్రం నిర్ణయం

సీబీఐ, ఈడీ చీఫ్‌ల పదవీకాలాన్ని ఐదేళ్ల వరకు పొడిగిస్తూ కేంద్రం ఆర్డినెన్స్ తెచ్చింది.

సీబీఐ, ఈడీ చీఫ్‌ల పదవీకాలం పొడిగింపు

సీబీఐ, ఈడీ డైరెక్టర్ల పదవీకాలాన్ని ఐదేళ్ల వరకు పొడిగిస్తూ కేంద్ర ప్రభుత్వం రెండు ఆర్డినెన్స్‌లు తీసుకొచ్చింది. సీబీఐ, ఈడీ డైరెక్టర్‌ల పదవీ కాలం ప్రస్తుతం రెండేళ్లుగా ఉంది. దీనిని ఐదేళ్లకు కేంద్రం పొడిగించింది. ఈ మేరకు కేంద్ర న్యాయ మంత్రిత్వశాఖ నోటిఫికేషన్‌ విడుదల చేసింది. దీనికి రాష్ట్రపతి రామ్‌నాథ్ కోవింద్ ఆమోదం పలికారు.

The Government of India brings Ordinance to extend the tenure of Enforcement Directorate (ED) and Central Bureau of Investigation (CBI) Directors up to 5 years. pic.twitter.com/r6NZ8cLyJS

— ANI (@ANI) November 14, 2021

" ప్రస్తుతం పార్లమెంటు సమావేశాలు లేవు కనుక ప్రజా ప్రయోజనాల దృష్ట్యా రాష్ట్రపతి ఈ ఆర్డినెన్స్‌లకు ఆమోదం పలికారు. రాజ్యాంగంలోని 123వ అధికరణలోని క్లాజ్ (1) ప్రకారం ఈ ఆర్డినెన్స్‌లను రాష్ట్రపతి ఆమోదించారు. 2021 దిల్లీ స్పెషల్ పోలీస్ ఎస్టాబ్లిష్‌మెంట్ (సవరణ) ఆర్డినెన్స్‌ పేరుతో ఇది తక్షణమే అమల్లోకి వస్తుంది.                                                 "

-కేంద్ర న్యాయ మంత్రిత్వ శాఖ

2003 సెంట్రల్ విజిలెన్స్ కమిషన్ చట్ట సవరణ కోసం ఇదే తరహాలో ఆర్డినెన్స్‌ విడుదల చేశారు. దీనిని 2021 సెంట్రల్ విజిలెన్స్ కమిషన్ (సవరణ) ఆర్డినెన్స్‌గా పిలవనున్నట్లు కేంద్ర న్యాయ మంత్రిత్వశాఖ పేర్కొంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి