Yogi Adityanath on Taliban: 'తాలిబన్లపై బాంబుల వర్షం అమెరికా పనే.. కానీ కారణం మాత్రం దేవుడే'

తాలిబన్లపై అమెరికా బాంబులు వేయడాన్ని దేవుడు విధించిన శిక్షగా ఉత్తర్‌ప్రదేశ్ సీఎం యోగి ఆదిత్యనాథ్ అన్నారు.

తాలిబన్లపై యోగి ఆదిత్యనాథ్ కీలక వ్యాఖ్యలు

ఉత్తర్‌ప్రదేశ్ ముఖ్యమంత్రి యోగి ఆదిత్యనాథ్ మరోసారి తాలిబన్లపై కీలక వ్యాఖ్యలు చేశారు. అఫ్గానిస్థాన్‌లో బాంబులు వేసి తాలిబన్లను అమెరికా హతమార్చడాన్ని దేవుడి శిక్షగా యోగి అభివర్ణించారు. 2001లో గౌతమ బుద్ధుడి విగ్రహాన్ని తాలిబన్లు ధ్వంసం చేసిన కారణంగానే దేవుడి శిక్ష వేశాడన్నారు. లఖ్‌నవూలో జరిగిన సామాజిక ప్రతినిధి సమ్మేళనంలో యోగి ఈ వ్యాఖ్యలు చేశారు.

You must have seen that just a few days after that the US dropped bombs there and Talibanis began getting killed. We had said that the God is punishing them for what they did to the statue of Gautam Buddha: UP CM Yogi Adityanath in Lucknow pic.twitter.com/N6D9kAoA89

— ANI UP (@ANINewsUP) November 14, 2021

" కొద్ది రోజుల క్రితం అఫ్గానిస్థాన్‌పై బాంబులు వేసి కొంతమంది తాలిబన్లను అమెరికా చంపేసింది. గౌతమ బుద్ధుడి విగ్రహాన్ని ధ్వంసం చేసినందుకు తాలిబన్లకు ఇది దేవుడి శిక్ష. అఫ్గానిస్థాన్ బమియాన్‌లో 2,500 ఏళ్ల నాటి పురాతన గౌతమ బుద్ధుడి విగ్రహాన్ని 20 ఏళ్ల క్రితం తాలిబన్లు ధ్వంసం చేశారు. అలాంటి తాలిబన్ల అకృత్యాల్ని మనమంతా చూశాం. బుద్ధుడు ఏనాడు యుద్ధాన్ని కోరుకోలేదు. ఆయన ఎంతోమందికి ఆదర్శనీయుడు. భారతీయులు, శాంతిని కోరుకునే వారు ఎవరైనా సరే తాలిబన్లు నాడు.. బుద్ధుడి విగ్రహాన్ని ధ్వంసం చేయడాన్ని మర్చిపోలేరు. అందుకే నేడు దేవుడు శిక్ష వేశాడు.                                "

-        యోగి ఆదిత్యనాథ్, ఉత్తర్‌ప్రదేశ్ సీఎం

పురాతన విగ్రహాలు..

అఫ్గానిస్థాన్‌ బమియాన్‌లో ఆరవ శతాబ్దానికి చెందిన పెద్ద బుద్ధ విగ్రహాలు ఉండేవి. ఈ విగ్రహాలు మధ్య అఫ్గానిస్థాన్‌ చెందిన హజరాజత్ అనే ప్రాంతంలో ఉండేవి. ఈ ప్రదేశం కాబూల్‌కు 213 కిలోమీటర్ల దూరంలో ఉంది. ఈ శిల్పాలు గాంధార శిల్పకళ పద్ధతిలో చెక్కారు.

బమియాన్‌ అనేది హిందుకుష్ పర్వత ప్రాంతంలో ఓ అందమైన లోయ. ఇక్కడ ఎన్నో బుద్ధవిగ్రహాలున్నాయి. అందమైన గుహలున్నాయి. ఈ శిల్పాలు కుషాణుల కాలం నాటివి. ఇక్కడి శిల్పాలు కాలక్రమేణా వాతావరణ మార్పులకు లోనై పాడయ్యాయి. బమియాన్‌లోని రెండు పెద్ద విగ్రహాలను 2011లో తాలిబన్లు, తమ నాయకుడు ముల్లా ఒమర్ ఆదేశానుసారం ధ్వంసం చేసారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి