BKU Leader Rakesh Tikait: ఎండైనా, వానైనా తగ్గేదేలే.. వరద నీటిలో టికాయత్ వినూత్న నిరసన

బీకేయూ నేత రాకేశ్ టికాయత్ ఉత్తర్ ప్రదేశ్- దిల్లీ సరిహద్దులో వినూత్న నిరసన చేపట్టారు. వరద నీటిలో కూర్చొని టికాయత్ చేసిన నిరసన ఫొటోలు వైరల్ అవుతున్నాయి.

వరద నీటిలో బీకేయూ నేత రాకేశ్ టికాయత్ నిరసన

కొత్త సాగు చట్టాలపై అలుపెరుగని పోరాటం చేస్తున్నారు. అయితే భారతీయ కిసాన్ యూనియన్ (బీకేయూ) నేత రాకేశ్ టికాయత్ వినూత్నంగా నిరసన చేపట్టారు. టికాయత్ తో పాటు రైతులు ఉత్తర్ ప్రదేశ్- దిల్లీ సరిహద్దులోని ఘజీపుర్ వద్ద వరద నీటితో నిండి పోయిన ఫ్లైఓవర్ పై ఆందోళన చేశారు. 

Rakesh Tikait's weekend in resort : Godi media pic.twitter.com/hi7rtouxPi

— SAJI ☭ (@SAJIMONSJ7) September 11, 2021

వైరల్..

దిల్లీ సరిహద్దు వద్ద నిరసన చేస్తోన్న రైతుల టెంట్లు, సామగ్రి వరద నీటిలో కొట్టుకుపోయాయి. దీంతో అదే నీటిలో కూర్చొని వినూత్నంగా నిరసన చేపట్టారు టికాయత్. ఆదివారం దిల్లీలో భారీ వర్షం కురిసింది. వరద ధాటికి ఘజీపుర్ సరిహద్దు మొత్తం నీటితో నిండిపోయింది. అధికారుల నిర్లక్ష్యం వల్లే ఇలాంటి పరిస్థితి తలెత్తిందని రైతులు ఆరోపించారు. రాకేశ్ టికాయత్ నీటిలో కూర్చొని నిరసన చేసిన ఫొటోలు సోషల్ మీడియాలో వైరల్ అయ్యాయి.

That’s Rakesh Tikait for you

pic.twitter.com/Hf9q73jfzt

— Rishi Bagree (@rishibagree) September 12, 2021

" వరద నీరు నిలిచిపోయిన రోడ్డుపై బీకేయూ ప్రతినిధి రాకేశ్ టికాయత్ నిరసన చేస్తున్నారు. అధికారులు వెంటనే పరిస్థితి చక్కదిద్దాలి. ఎన్నో నెలలుగా పోరాటం చేస్తోన్న రైతులు ఈ సరిహద్దుల్లో అన్ని కాలాల్ని చూశారు. శీతాకాలం, ఎండాకాలం, వర్షాకాలం.. ఇలా ఏది వచ్చిన మా పట్టుదలను ఏం చేయలేకపోయాయి. దేనికీ మేం భయపడం.                               "

-  ధర్మేంద్ర మాలిక్, బీకేయూ మీడియా ఇన్ ఛార్జి

2020 నవంబర్ 26 నుంచి రైతులు.. కొత్త సాగు చట్టాలను రద్దు చేయాలని డిమాండ్ చేస్తున్నారు. ఇన్ని నెలలు గడుస్తోన్న వారు ఆందోళన విరమించలేదు. సాగు చట్టాలు రద్దయ్యే వరకు తమ ఆందోళన విరమించేది లేదని తేల్చిచెబుతున్నారు. ఇప్పటికే పలుమార్లు ప్రభుత్వం వారితో చర్చలు జరిపినా విఫలమయ్యాయి.