Flight Fighting: ఫ్లైట్‌లో కొట్టుకున్న మహిళా ప్యాసింజర్‌లు, ఎమర్జెన్సీ ల్యాండింగ్ - నలుగురు అరెస్ట్

Flight Fighting in Australia:

ఆస్ట్రేలియాలోని ఫ్లైట్‌లో..

ఫ్లైట్‌లలో వెళ్లే ప్యాసింజర్స్‌కి ఈ మధ్య ఏమవుతోందో కానీ...పదేపదే గొడవ పడుతున్నారు. రెండు నెలల క్రితం ఇలాగే ఓ ఫ్లైట్‌లో ఇద్దరు ప్రయాణికులు సీట్‌ కోసం కొట్టుకున్నారు. అప్పట్లో ఆ వీడియో వైరల్ అయింది. అప్పటి నుంచి ఇలాంటి ఘటనలే వెలుగులోకి వస్తున్నాయి. ఆస్ట్రేలియాలోని ఓ విమానంలో ఇద్దరు ప్రయాణికులు తీవ్రంగా కొట్టుకున్నారు. ఈ దెబ్బకు పైలట్ విమానాన్ని ఎమర్జెన్సీ ల్యాండింగ్ చేయాల్సి వచ్చింది. కెయిర్న్స్ నుంచి నార్త్ ఆస్ట్రేలియాకు వెళ్తున్న ఫ్లైట్‌లో జరిగిందీ కొట్లాట. Australian Federal Police (AFP) సిబ్బంది ఆ ప్యాసింజర్స్‌పై కేసు నమోదు చేశారు. ఈ గొడవ కారణంగా ఫ్లైట్‌ని అత్యవసర ల్యాండింగ్ చేసినట్టు వెల్లడించారు. ఈ ఫైట్‌కి సంబంధించిన వీడియో వైరల్ అవుతోంది. ఓ మహిళ చేతిలో బాటిల్ పట్టుకుని మరొకరిని కొట్టేందుకు ప్రయాణించింది. ఇది చూసి మిగతా ప్రయాణికులంతా బెంబేలెత్తిపోయారు. ఇంత పెద్ద గొడవ అవుతుందని ఊహించని వాళ్లు చాలా సేపటి వరకూ టెన్షన్ పడ్డారు. క్యాబిన్ క్రూ మాట వినకుండా ఇష్టమొచ్చినట్టు ప్రవర్తించిన ఆ మహిళపై కేసు నమోదు చేసినట్టు అధికారులు వెల్లడించారు. గొడవపడొద్దని హెచ్చరించారు. ఆ తరవాత టేకాఫ్‌ అయిన కాసేపటికీ మళ్లీ వాళ్లు గొడవ పడ్డారు. ఈ కారణంగా ఓ విండ్‌ డ్యామేజ్ అయింది. ఇలా గొడవ పడుతూ మిగతా ప్రయాణికులను ప్రమాదంలో పడేసిన కారణంగా ఆమెపై పోలీసులు FIR నమోదు చేశారు. ఈ ఘటనతో సంబంధం ఉన్న మొత్తం నలుగురిని అరెస్ట్ చేశారు. 

Departing Cairns today..

Just someone trying to glass someone.

More fighting amongst themselves. Complete disregard for other passengers and the plane. I wonder if there were any consequences. #VoteNO 🇦🇺 #VoiceToParliament pic.twitter.com/v5iKWbWRtM

— Jet Ski Bandit (@fulovitboss) April 20, 2023

ఎయిర్ ఇండియాలోనూ...

ఇంటర్నేషనల్‌ ఫ్లైట్‌లలో రోజుకో గొడవ జరుగుతోంది. ప్రయాణికులు గొడవ పడడమో, ఫుల్‌గా తాగేసి రచ్చ చేయడమో లాంటి సంఘటనలు వెలుగులోకి వస్తూనే ఉన్నాయి. ఇప్పుడలాంటి ఘటనే మరోటి జరిగింది. ఢిల్లీ నుంచి లండన్‌కు వెళ్తున్న ఫ్లైట్‌లో ఓ ప్యాసింజర్ విమాన సిబ్బందితో గొడవకు దిగాడు. టేకాఫ్‌ అయిన కాసేపటికే ఈ గొడవ మొదలైంది. చేసేదేమీ లేక వెంటనే మళ్లీ ఢిల్లీలో ల్యాండ్ చేశారు. ఢిల్లీ ఎయిర్‌పోర్ట్ పోలీసులకు Air India యాజమాన్యం ఆ ప్రయాణికుడిపై ఫిర్యాదు చేసింది. ఇవాళ ఉదయం (ఏప్రిల్ 10) 6.35 నిముషాలకు ఢిల్లీ నుంచి విమానం బయల్దేరింది. కాసేపటికే ప్యాసింజర్‌కి, సిబ్బంది మధ్య గొడవైంది. వెంటనే ఢిల్లీకి తిరుగు పయనమైంది ఫ్లైట్. సిబ్బంది ఆ ప్యాసింజర్‌ను పోలీసులకు అప్పగించి మళ్లీ లండన్‌కు బయల్దేరింది. 

"ఎయిర్ ఇండియా ఫ్లైట్ AI 111 ఢిల్లీ నుంచి లండన్‌కు వెళ్లాల్సి ఉంది. కానీ ఉన్నట్టుండి గొడవ మొదలవడం వల్ల మళ్లీ ఢిల్లీలో ల్యాండ్‌ చేయాల్సి వచ్చింది. ఆ ప్యాసింజర్‌ మా మాట వినలేదు. మేం ఎన్నిసార్లు వార్నింగ్ ఇచ్చినా ఊరుకోలేదు. అనుచితంగా ప్రవర్తించాడు. నోటికొచ్చినట్టు మాట్లాడాడు. మా సిబ్బందిపై చేయి కూడా చేసుకున్నాడు. అందుకే పైలట్‌ వెంటనే ఢిల్లీకి ఫైట్‌ని మళ్లించాడు. భద్రతా సిబ్బందికి ఆ వ్యక్తిని అప్పగించాం. ఆ తరవాత మళ్లీ లండన్‌కు బయల్దేరింది. ఆ వ్యక్తిపై పోలీసులకు ఫిర్యాదు చేశాం. వాళ్లు కేసు నమోదు చేశారు. ప్రయాణికులు ఎవరైనా డిగ్నిటీగా ఉండాలి. గాయపడిన సిబ్బందికి మా తరపున చేయాల్సినదంతా చేస్తున్నాం. ఈ అంతరాయానికి చింతిస్తున్నాం. వెంటనే ఫ్లైట్‌ని రీషెడ్యూల్ చేశాం. "

- ఎయిర్ ఇండియా యాజమాన్యం 

Also Read: Delhi School Bomb Threat: స్కూల్‌లో బాంబు పెట్టామంటూ మెయిల్,బయటకు పరుగులు తీసిన విద్యార్థులు