Heat Wave Alert : 40 డిగ్రీల ఎండలో ఉంటే గంట గంటకు శరీరంలో ఏమి జరుగుతుంది? హీట్ స్ట్రోక్ లక్షణాలు, జాగ్రత్తలు
Summer Heat Body Effects Telugu : ఎండ 40 డిగ్రీలు ఉన్నప్పుడు గంట గంటకు శరీరం అలసిపోతూ చివరకు ప్రమాదకర స్థితికి చేరుతుంది. కాబట్టి ముందుగానే జాగ్రత్తలు తీసుకోవడం చాలా ముఖ్యం.
- 40 డిగ్రీల వేడిలో గంటకొకసారి శరీరంపై ప్రభావం మారుతుంది.
- డీహైడ్రేషన్, అలసట, తలనొప్పి, కండరాల బలహీనత వంటివి కలుగుతాయి.
- తీవ్రత పెరిగితే గుండె, మెదడుపై ప్రభావం, హీట్ స్ట్రోక్ వస్తాయి.
- ఎండలో బయట తిరగకుండా, నీరు తాగి, జాగ్రత్తలు తీసుకోవాలి.
Body Changes in Extreme Heat : ఇప్పటికే తెలుగు రాష్ట్రాల్లో ఎండలు మండిపోతున్నాయి. ఉదయం పది తర్వాత బయటకు వెళ్లలేని పరిస్థితులు కనిపిస్తున్నాయి. కొన్ని ప్రాంతాల్లో ఎండ 40 డిగ్రీలు దాటేస్తుంది. ఇంత వేడి సాధారణ విషయం కాదు. ఈ స్థాయిలో ఉష్ణోగ్రతలు ఉంటే.. శరీరంపై ప్రమాదకరమైన ప్రభావం చూపిస్తాయి. అలాంటి ఎండలో ఉంటే గంటగంటకు శరీరంలో ఎలాంటి మార్పులు జరుగుతాయో.. ఎలాంటి జాగ్రత్తలు తీసుకుంటే మంచిదో తెలుసుకుందాం.
40°C ఎండలో గంట గంటకి శరీరంలో జరిగే మార్పులు ఇవే..
మొదటి గంట : మీరు 40 డిగ్రీలు ఉన్న ఎండలో ఓ గంట ఉంటే శరీరంలో వేడి పెరగడం మొదలవుతుంది. చెమట ఎక్కువగా వస్తుంది. దాహం ఎక్కువగా అవుతుంది. ఈ సమయంలో శరీరం సహజంగా కూల్ అవ్వడానికి ట్రై చేస్తుంది.
2వ గంట : రెండు గంటలు ఉంటే.. డీహైడ్రేషన్ స్టార్ట్ అవుతుంది. అలసట, బలహీనతగా అనిపించి.. తలపై భారంగా ఉంటుంది. ఈ సమయంలో నీరు తాగకపోతే పరిస్థితి మరింత దిగజారుతుంది.
3వ గంట : బాడీ టెంపరేచర్ పెరుగుతుంది. తలనొప్పి, చిరాకు మొదలైపోతాయి. చెమట వల్ల శరీరంఎలక్ట్రోలైట్స్ కోల్పోతుంది.
4వ గంట : నాలుగో గంటకు వచ్చేసరికి కండరాలు బలహీనంగా మారుతాయి. తల తిరగడం పెరుగుతుంది. శరీరం పూర్తిగా అలసిపోతుంది.
5వ గంట : శరీరం అదుపు తప్పుతుంది. శ్వాస వేగంగా తీసుకోవాల్సి వస్తుంది. హార్ట్ రేట్ పెరుగుతుంది. ఫోకస్ తగ్గిపోతుంది.
6వ గంట : గందరగోళం పెరిగి.. నడవడం కష్టమవుతుంది. చెమట తగ్గిపోవచ్చు. ఇది ప్రమాదకరమైన సంకేతంగా చెప్తారు.
ప్రమాదకరమైన మార్పులు ఇవే..
ఆ తర్వాత శరీరం కూల్ అవ్వడం ఆగిపోతుంది. చర్మం వేడిగా, డ్రైగా మారి బలహీనపడుతుంది. వాంతులు, తల తిరగడం వంటివి జరుగుతాయి. పరిస్థితి మరింత తీవ్రంగా ఉంటుంది. గుండె, మెదడు పై ప్రభావమై స్పృహ కోల్పోయే ప్రమాదం ఉంది. హీట్ స్ట్రోక్ రావచ్చు. శరీర ఉష్ణోగ్రత ప్రమాదకర స్థాయికి చేరుతుంది. చికిత్స తీసుకోకుంటే ప్రాణాలు కోల్పోవచ్చు.
ఈ లక్షణాలు అందరిలోనూ ఒకేలా ఉండవు. ఈ మార్పులు వ్యక్తి నుంచి వ్యక్తికి భిన్నంగా ఉంటాయి. అలాగే వయసు, ఆరోగ్యం, నీరు తాగే అలవాటు వంటి అంశాలు ప్రభావం చూపిస్తాయి.
ఎలాంటి జాగ్రత్తలు తీసుకోవాలంటే..
ఎండ ఎక్కువగా ఉన్నప్పుడు బయటకు వెళ్లకూడదు. వెళ్లాల్సి వచ్చినప్పుడు మాత్రం తరచుగా నీరు తాగాలి. బయటికి వెళ్లేప్పుడు టోపీ, గాగుల్స్ పెట్టుకోండి. మధ్యాహ్నం 12–3 మధ్య బయటికి వెళ్లడం తగ్గించండి. ORS, కొబ్బరి నీరు తీసుకోండి. లైట్ ఫుడ్స్ తీసుకుంటే మరీ మంచిది. మీ ఆరోగ్యం మీ చేతుల్లోనే ఉంది. కాబట్టి ఈ వేసవిలో జాగ్రత్తగా ఉండండి. నీరు తాగుతూ.. హైడ్రేటెడ్గా ఉండండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
