Summer Special Cocktail Drinks : సమ్మర్ స్పెషల్ కాక్టైల్ డ్రింక్స్.. చిల్లీ స్మోక్ మ్యాంగో నుంచి షిల్లింగ్ వరకు, రెసిపీలు ఇవే
Summer Cocktails : సమ్మర్లో రుచిని ఇచ్చేవే కాకుండా.. తాజాదనాన్ని ఇచ్చే కాక్టైల్స్ చాలా అందుబాటులోకి వస్తాయి. అయితే వాటిలో కొన్నింటిని ఇంట్లోనే ప్రిపేర్ చేసుకోవచ్చు.
- వేసవిలో ఇంట్లోనే సులభంగా చేసుకోగలిగే కాక్టెయిల్స్ ఇవి.
- మామిడి, మిరప కలిసిన చిల్లీ స్మోక్ మ్యాంగో కాక్టెయిల్.
- బెర్రీలు, సిట్రస్ పండ్లతో సమ్మర్ బ్రీజ్ కాక్టెయిల్ తయారీ.
- పుచ్చకాయ, నిమ్మ రుచులతో షిల్లింగ్ విత్ లాఫ్టర్ కాక్టెయిల్.
Summer Cocktails Recipes : సమ్మర్ వచ్చిందంటే చాలు.. బార్లు, రెస్టారెంట్లలో ఎన్నో వినూత్నమైన డ్రింక్స్ అందుబాటులోకి తెస్తారు. అవి మంచి రుచిని ఇవ్వడమే కాకుండా.. వేడి నుంచి తక్షణమే ఉపశమనం ఇచ్చి తాజాదనాన్ని అందిస్తాయి. కాబట్టి వేసవిలో కేవలం నీళ్లు, జ్యూస్లే కాకుండా.. పండ్లరసాలతో తయారు చేసే కాక్టెయిల్స్ కూడా ట్రై చేయవచ్చు. అయితే వీటికోసం బయటకు వెళ్లాల్సిన అవసరం లేదు. ఇంట్లోనే ఈజీగా చేసుకోవచ్చు.
వేడి నుంచి ఉపశమనం అందించే ఈ డ్రింక్స్లో పండ్లు, మూలికలు, సుగంధ ద్రవ్యాలు, తేలికపాటి స్పిరిట్లు కలుపుతారు. దీనివల్ల ప్రతి సిప్ మీకు ప్రత్యేకమైన రుచిని, తాజాదనాన్ని ఇస్తుంది. మరి ఇంట్లోనే సులభంగా తయారు చేసుకోగలిగే మూడు సమ్మర్ స్పెషల్ కాక్టెయిల్స్ రెసిపీలు చూసేద్దాం.
చిల్లీ స్మోక్ మ్యాంగో కాక్టెయిల్..
చిల్లీ స్మోక్ మ్యాంగో కాక్టెయిల్ అనేది సమ్మర్ స్పెషల్ డ్రింక్లలో ఒకటి. ఇది తియ్యని.. మామిడి పండులోని తాజాదనాన్ని.. పచ్చిమిర్చిలోని కారం కలిసి.. ప్రత్యేక రుచిని ఇస్తాయి. మంచి రిఫ్రెషింగ్ కాక్టెయిల్ కోసం చూసేవారికి ఇది బెస్ట్ అని చెప్పవచ్చు.
తయారీ..
చిల్లీ స్మోక్ మ్యాంగో కాక్టెయిల్ తయారు చేయడానికి.. మామిడి గుజ్జు, నిమ్మరసం లేదా ఆరెంజ్ జ్యూస్, షుగర్ సిరప్ వైట్ రమ్, కొద్దిగా విస్కీతో పాటు.. కారం కోసం చిన్న పచ్చిమిర్చిని కలుపుతారు. ఈ పదార్థాలన్నీ మృదువుగా కలవడానికి ఐస్తో బాగా షేక్ చేసి.. ఆ తర్వాత ఐస్ ఉన్న గ్లాసులోకి వడపోస్తారు. మరింత రిఫ్రెష్గా ఉండటానికి స్ప్రైట్ కలుపుతారు. అంతే టేస్టీ కాక్టెయిల్ రెడీ.
సమ్మర్ బ్రీజ్ కాక్టెయిల్..
సమ్మర్ బ్రీజ్ కాక్టెయిల్ అనేది బెర్రీలు, సిట్రస్ పండ్ల మిశ్రమంతో కూడిన తేలికైన, పండ్ల రుచిగల, రిఫ్రెష్గా ఉండే వేసవి పానీయం. ఇది వేసవికి చాలా అనువైనది.
తయారీ
సమ్మర్ బ్రీజ్ కాక్టెయిల్ తయారు చేయడానికి.. తాజా మల్బరీ పండ్లు లేదా బ్లాక్బెర్రీలను లైట్గా క్రష్ చేసి.. నిమ్మరసం, చిటికెడు ఉప్పుతో కలపాలి. ఆ తర్వాత వోడ్కా, ఎల్డర్ఫ్లవర్ సిరప్ లేదా లిక్కర్, ఐస్ వేసి.. అన్ని రుచులు బాగా కలిసేలా షేక్ చేయాలి. ఫలితంగా వచ్చిన మిశ్రమాన్ని చల్లటి గ్లాసులోకి వడపోసి.. మల్బరీ ఫ్లవర్ లేదా నిమ్మకాయ ముక్కతో అలంకరించి సర్వ్ చేసుకోవచ్చు.
షిల్లింగ్ విత్ లాఫ్టర్
షిల్లింగ్ విత్ లాఫ్టర్ అనేది పుచ్చకాయ కాక్టెయిల్. వేసవిలో మిమ్మల్ని సేదతీర్చే పానీయాల్లో ఇది ఒకటి. దీనిలో పుచ్చకాయ సహజమైన తీపి, నిమ్మకాయ పులుపు బ్యాలెన్స్ చేసి తయారు చేస్తారు.
తయారీ విధానం
పుచ్చకాయ కాక్టెయిల్ తయారు చేయడానికి.. తాజా పుచ్చకాయ ముక్కలు, నిమ్మ ఆకులను ఒక షేకింగ్ జార్లో వేసి.. వాటి సువాసన, రుచి తెలిసేలా క్రష్ చేస్తారు. ఆ తర్వాత వోడ్కా, పుచ్చకాయ సిరప్, నిమ్మరసం కలిపి.. ఐస్ వేసి అన్ని రుచులు బాగా కలిసేలా షేక్ చేస్తారు. తయారైన పానీయాన్ని వడకట్టి ఒక గ్లాసులో పోసి.. పుచ్చకాయ ముక్కతో అలంకరిస్తారు. ఇది తాగడానికి చాలా చల్లగా, తాజా రుచులతో ఆకట్టుకుంటుంది.
మీరు కూడా ఈ సమ్మర్లో కొత్తగా డ్రింక్స్ ఏమైనా ట్రై చేయాలనుకుంటే హ్యాపీగా వీటిని ఇంట్లో ట్రై చేయండి. లేదా వీకెండ్ సమయంలో ఫ్రెండ్స్తో కలిసి కాక్టెయిల్స్ ఎంజాయ్ చేయాలనుకుంటే ఇవి బెస్ట్ ఆప్షన్ అవుతాయి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
