Face Pack: ఈ ఫేస్ ప్యాక్ తో మీ అందాన్ని రెట్టింపు చేసుకోండిలా

మెరిసే చర్మాన్ని పొందటం కోసం సింపుల్ గా దొరికే వీటితో ఫేస్ ప్యాక్ వేసుకోండి.

Image Credit: Pexels

మీ చర్మాన్ని కాంతివంతం చేసుకునేందుకు రెగ్యులర్ గా వేసుకునే ఫేస్ ప్యాక్ తో సంతృప్తి చెందడం లేదా? అయితే ఈ కొత్త ఫేస్ ప్యాక్ ట్రై చేసి చూడండి. సింపుల్ గా ఇంటి కిచెన్ లో దొరికే వాటితోనే మీ అందాన్ని రెట్టింపు చేసుకోవచ్చు. అందుకోసం మీ దగ్గర టొమాటో, పసుపు ఉంటే చాలు. ఈ ఫేస్ ప్యాక్ ఎలా తయారు చేసుకోవాలంటే..

పండిన టొమాటో-1

పసుపు పొడి- ½ టీ స్పూన్

తయారీ

టొమాటోని బాగా కడిగి చిన్న ముక్కలుగా కట్ చేసుకోవాలి. వాటిని గిన్నెలోకి తీసుకుని మెత్తగా గుజ్జు వచ్చే వరకు చేయాలి. అందులో పసుపు పొడి కలుపుకోవాలి. పేస్ట్ మాదిరిగా దాన్ని బాగా కలపాలి.

ప్యాక్ వేసుకునే విధానం

పసుపు, టొమాటో ఫేస్ ప్యాక్ వేసుకునే ముందు ముఖం శుభ్రంగా కడుక్కోవాలి. మేకప్, దుమ్ము లేకుండా చూసుకోవాలి. ఆ తర్వాత ఈ మిశ్రమాన్ని ఫేస్ మొత్తం సమానంగా అప్లై చేసుకోవాలి. కంటికి మాత్రం ఇది తగలకుండా చూసుకోవాలి. ఈ ఫేస్ ప్యాక్ వేసుకున్న తర్వాత 15-20 నిమిషాల పాటు అలాగే ఉంచుకోవాలి. అది ఎండిపోయిన తర్వాత ముఖాన్ని నీటితో శుభ్రంగా కడగాలి. పూర్తిగా కడిగే ముందు చర్మాన్ని ఎక్స్ ఫోలియేట్ చేయడానికి ముఖాన్ని వృత్తాకార కదలికలో సున్నితంగా మసాజ్ చేసుకోవాలి. క్లీన్ చేసుకున్నాక శుభ్రమైన మెత్తని టవల్ తీసుకుని ముఖం ఆరబెట్టుకోవాలి.

తేమని లాక్ చేసేందుకు మాయిశ్చరైజర్ అప్లై చేసుకోవాలి. అలర్జీలు, సున్నితమైన చర్మం కలిగిన వాళ్లయితే ఈ ఫేస్ ప్యాక్ అప్లై చేసుకునే ముందు ప్యాచ్ టెస్ట్ వేసుకోవడం తప్పనిసరి. మీది ఫెయిర్, సెన్సిటివ్ స్కిన్ అయితే పసుపు తగ్గించుకుని రాసుకోవచ్చు. పెరుగు, తేనె వంటి సహజ ఉత్పత్తులు కూడా యాడ్ చేసుకోవచ్చు.

చర్మాన్ని మెరిపించే స్క్రబ్స్

చర్మ సంరక్షణలో ఎక్స్ ఫోలియేషన్ చాలా కీలకమైన దశ. చనిపోయిన మృత కణాలని తొలగించి, రంధ్రాలని అన్ లాగ్ చేయడానికి చర్మ ఆకృతిని మెరుగు పరచడం కోసం ఇది ఉపయోగపడుతుంది. అందుకే ఎక్స్ ఫోలియేట్ చేసుకునేందుకు ఈ స్క్రబ్స్ మీకు ఎంతగానో ఉపయోగపడతాయి.

ఓట్ మీల్, హనీ

ఓట్ మీల్, తేనె, కొద్దిగా నీరు తీసుకుని పేస్ట్ మాదిరిగా చేసుకోవాలి. ఇది ఫేస్ కి అప్లై చేసుకుని స్క్రబ్ చేసుకోవాలి. తేనెలోని యాంటీ బ్యాక్టీరియా గుణాలు ఉన్నాయి. చర్మం మీద తేమని లాక్ చేస్తుంది.

షుగర్, ఆలివ్ ఆయిల్ స్క్రబ్

బ్రౌన్ షుగర్ తగినంత ఆలివ్ ఆయిల్ తో కలుపుకోవాలి. మందపాటి పేస్ట్ గా తయారు చేసుకోవాలి. చక్కెర ఎక్స్ ఫోలియేషన్ గుణాలు ఇస్తుంది. ఆలివ్ అయిన చర్మానికి తేమని ఇస్తుంది.

కాఫీ గ్రౌండ్స్, కొబ్బరి నూనె

వాడిన కాఫీ పొడిలో కొద్దిగా కొబ్బరి నూనె వేసుకుని కలుపుకోవాలి. కాఫీ గ్రౌండ్స్ లో యాంటీ ఆక్సిడెంట్ గుణాలు పుష్కలంగా ఉంటాయి. కొబ్బరి నూనె చర్మాన్ని హైడ్రేట్ చేసి మృదువుగా ఉంచుతుంది.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.