Summer Foods : మండే ఎండల్లోనూ మీ శరీరాన్ని చల్లగా ఉంచే ఫుడ్స్ ఇవే - వడగాల్పుల నుంచీ రక్షిస్తాయి!

Summer Foods : ఎండలు దంచికొడుతున్నాయి. బయటకు వెళ్లాలంటే జంకుతున్నారు. వేసవి తాపం నుంచి బయటపడాలంటే మీ డైట్లో పొట్టను చల్లగా ఉంచే ఫుడ్స్ చేర్చుకోండి.

Photo Credit : Pexels

Summer Foods : ఎండలు మండిపోతున్నాయి. పగటి ఉష్ణోగ్రతలు 43 డిగ్రీలకు మించి నమోదు అవుతున్నాయి. ఈ వేసవిలో పెరుగుతున్న ఉష్ణోగ్రతలలో మీ శరీరం నీరసంగా మారుతుంది. తగినంత నీరు లేకపోవడంతో డీహైడ్రేషన్‌కు గురవుతుంది. అధిక వేడి మిమ్మల్ని ఉక్కిరిబిక్కిరి చేస్తుంది. కాబట్టి వేసవిలో మీ శరీరాన్ని ముఖ్యంగా పొట్టను చల్లగా ఉంచే ఫుడ్స్‌ను మీ డైట్లో చేర్చుకోవాలి.

తాజా కూరగాయలు, పండ్లు, జ్యూస్ తాగితే శరీరం చల్లగా ఉంటుంది. ఎందుకంటే వేసవిలో మనం తీసుకునే ఆహారం ఆరోగ్యంగా ఉంచడంలో కీలకపాత్ర పోషిస్తుంది. మన ఇమ్యూనిటినీ పెంచుతుంది. వేసవిలో వ్యాపించే అనేక వ్యాధులను దూరం చేస్తాయి. విరేచనాలు, జ్వరాలు, చర్మ వ్యాధులు, నిర్జలీకరణం, కంటి ఇన్ఫెక్షన్లు, వికారం, అలసట, ఊపిరితిత్తుల వ్యాధులు, అలెర్జీలు, వడదెబ్బ వంటి అనారోగ్య  సమస్యలను ఎదుర్కొనే అవకాశం ఉంటుంది. ఈ సమయంల తేలికగా జీర్ణమయ్యే ఫుడ్స్ తీసుకోవాలి. మీ రెగ్యులర్ డైట్లో గంజి, పండ్లు, కూరగాయలు, ఆకుకూరలు ఉండేలా చూసుకోవాలి. జీర్ణక్రియను మెరుగుపరచడానికి చిన్న మొత్తంలో ఆహారం తీసుకోవడం మంచిది. వేసవిలో చల్లగా ఉంచే ఫుడ్స్ ఏవో చూద్దాం. 

మీ వేసవి ఆహారంలో ఖచ్చితంగా చేర్చుకోవల్సిన ఫుడ్స్ ఇవే:

⦿ విటమిన్ C ఉన్న అధికంగా ఉన్న నారింజ, ద్రాక్ష, నిమ్మ, పైనాపిల్, పుచ్చకాయ, మామిడి, స్ట్రాబెర్రీ వంటి పండ్లను రెగ్యులర్ గా తీసుకోవాలి. 
⦿ వేసవిలో అరటికాయలు శరీరాన్ని చల్లగా ఉంచుతాయి.
⦿ సోయాబీన్స్, ప్లస్‌లు తినాలి.
⦿ ఎండాకాలంలో మైక్రోగ్రీన్స్ అద్భుతమైనవి.
⦿ దోసకాయలు, టమోటాలు, గుమ్మడికాయ, బూడిద పొట్లకాయ, పాము పొట్లకాయ, ఐవీ పొట్లకాయ, బీన్స్,క్యారెట్ వంటి కూరగాయలను ప్రతిరోజూ తీసుకోవాలి.

మీ శరీరాన్ని చల్లబరిచి.. రిఫ్రెష్ చేసే పానీయాలు:

⦿ తాజా నిమ్మరసంలో కొంచెం ఉప్పు, పంచదారతో చేసిన నిమ్మరసం రోజంతా సిప్ చేయవచ్చు. ఇది అలసటను దూరం చేస్తూ శరీరాన్ని రిఫ్రెష్ చేస్తుంది.
⦿ గోరు వెచ్చని నీరు ఎక్కువగా త్రాగాలి. గోరువెచ్చని నీరు జీర్ణక్రియను మెరుగుపరుస్తుంది. చర్మం పొడిబారకుండా చేస్తుంది.
⦿ పెరుగు, తాజా పండ్ల రసాలు, మజ్జిగ, లేత కొబ్బరి నీరు, బియ్యం నీరు కూడా వేసవిలో తాగవచ్చు. 

వేసవిలో ఆరోగ్యంగా ఉండాలంటే వీటిని మానుకోండి:

⦿ వీలైనంత వరకు మాంసానికి దూరంగా ఉండటానికి ప్రయత్నించండి
⦿ వేసవిలో మాంసం, నూనె పదార్థాలకు దూరంగా ఉండండి. 
⦿ శీతల పానీయాలు, కార్బోనేటేడ్ పానీయాలు, టీ, కాఫీ, ప్యాక్ చేసిన ఆహారం, వేయించిన ఆహారాలకు దూరంగా ఉండాలి.
⦿ వీలైనంత వరకు మాంసానికి దూరంగా ఉండటానికి ప్రయత్నించండి.

పెరుగు:

పెరుగు జీర్ణక్రియకు ఎంతో మేలు చేస్తుంది. జీర్ణక్రియను మెరుగుపరచడంతోపాటు  కడుపును చల్లగా ఉంచుతుంది. పెరుగు ఒకటే కాదు పాలు, చీజ్ మొదలైన పాల ఉత్పత్తుల్లో ప్రోబయోటిక్ కంటెంట్ అధికంగా ఉంటుంది. వేసవిలో మీ పొట్ట చల్లగా ఉండాలంటే రోజుకు ఒకసారైనా పెరుగు లేదా మజ్జిగ తీసుకోండి. లేదంటే పెరుగు బేస్డ్ స్మూతీస్ తీసుకోవచ్చు. 

ఓట్స్:

ఓట్స్  లో ఫైబర్ కంటెంట్ అధిక మోతాదులో ఉంటుంది. ఇది జీర్ణక్రియకు ఎంతో మేలు చేస్తుంది. కరిగే, కరగని ఫైబర్ రెండూ ఉన్నందున గట్ ఆరోగ్యానికి ఎంతో మంచిది ఓట్స్ లో జీర్ణఆరోగ్యాన్ని మెరుగుపరిచే ఖనిజాలు, విటమిన్లు ఉంటాయి. వేసవిలో ఓట్స్ తో తయారు చేసిన ఆహారం తీసుకోవడం మంచిది.