Study Table Mistakes : పరీక్షల సమయంలో పిల్లలు బాగా చదవాలంటే స్టడీ టేబుల్పై ఈ 5 వస్తువులు పెట్టొద్దు.. రీజన్స్ ఇవే
Child’s Study Table : పిల్లలు ఎగ్జామ్స్కి ప్రిపేర్ అయ్యేప్పుడు వారికి తగిన వాతావరణం పేరెంట్స్ కలిపించాలి అంటున్నారు. అందుకే కిడ్స్ స్టడీ టేబుల్పై ఈ 5 వస్తువులను ఉంచకూడదని చెప్తున్నారు. అవేంటంటే..
- పిల్లల ఏకాగ్రతకు ఆటంకం కలిగించే వస్తువులు స్టడీ టేబుల్పై ఉంచవద్దు.
- ఫోన్లు, స్నాక్స్, గేమింగ్ టూల్స్ను స్టడీ టేబుల్పై లేకుండా చూడాలి.
- స్టడీ టేబుల్ను శుభ్రంగా, అత్యవసర వస్తువులతోనే సిద్ధంగా ఉంచాలి.
- ప్రతికూల సూక్తులకు బదులుగా సానుకూల కొటేషన్లు ప్రేరణనిస్తాయి.
Boost Your Child’s Concentration : ఈ డిజిటల్ యుగంలో పిల్లలకు, టీనేజర్లకు.. చదువుపై దృష్టి పెట్టడం చాలా కష్టంగా మారుతోంది. స్మార్ట్‌ఫోన్‌లు, గేమ్‌లు, సోషల్ మీడియా వంటి ఎన్నో విషయాలు వారి చదువునకు గణనీయంగా ఆటంకం కలిగిస్తున్నాయి. అందుకే ఎగ్జామ్స్లో మంచిగా రాణించలేకపోతున్నారు. కాబట్టి వారు శ్రద్ధగా చదువుకునేందుకు పేరెంట్స్ వారికి మంచి వాతావరణం ఉండేలా చూడాలంటున్నారు. ముఖ్యంగా ఎగ్జామ్స్ కోసం ప్రిపేర్ అయ్యేప్పుడు వారి స్టడీ టేబుల్పై మరింత శ్రద్ధ చూపించాలంటున్నారు.
శుభ్రంగా, సరిగ్గా లేని స్టడీ టేబుల్ పిల్లల ఏకాగ్రతను దెబ్బతీస్తుందట. అలాగే పిల్లల ఫోకస్ మారి.. చదివిన విషయాన్ని బ్రెయిన్ సరిగ్గా ఎక్కించుకోదట. స్టడీ టేబుల్పై వారి ఏకాగ్రతను దెబ్బతీసే వస్తువులు ఉంటే.. వారు ఎంత కష్టపడి చదివినా ఫోకస్ తక్కువగానే ఉంటుందని అంటున్నారు నిపుణులు. మరి పిల్లల స్టడీ టేబుల్పై ఉంచకూడని వస్తువులు ఏంటో.. వాటిని ఎందుకు ఉంచకూడదో ఇప్పుడు తెలుసుకుందాం.
మొబైల్స్..
ఈ రోజుల్లో మొబైల్ ఫోన్లు పిల్లల ఏకాగ్రతను బాగా దెబ్బతీస్తున్నాయి. సోషల్ మీడియా నోటిఫికేషన్లు, మెసేజ్‌లు, గేమ్స్, వీడియోలు పిల్లల ఏకాగ్రతను దెబ్బతీస్తాయి. ఫోన్‌ను టేబుల్పై ఉంటే.. పిల్లల మనసు నిరంతరం నోటిఫికేషన్ల కోసం ఎదురుచూస్తూ ఉంటుంది. దీనివల్ల వారి చదువుపై ఏకాగ్రత తగ్గుతుంది. అందువల్ల చదువుకునే సమయంలో మొబైల్ ఫోన్‌ను వేరే చోట ఉంచమని చెప్పండి. తద్వారా పిల్లల ఏకాగ్రత చదువుపైనే ఉండే అవకాశం ఉంది.
స్నాక్స్..
స్టడీ టేబుల్పై చిప్స్, చాక్లెట్, కూల్ డ్రింక్స్ వంటివి ఉంచడం కూడా మంచిది కాదని చెప్తున్నారు. ఎందుకంటే పిల్లలు చదువుకునేటప్పుడు తినేస్తుంటారు. దీనివల్ల వారి ఏకాగ్రతకు భంగం కలగవచ్చు. జంక్ ఫుడ్ వల్ల ఆరోగ్య సమస్యలు కూడా ఉన్నాయి. దానికి బదులుగా పిల్లలను చురుకుగా, ఏకాగ్రతతో ఉంచడానికి టేబుల్ దగ్గర పండ్లు, నీళ్లు వంటి ఆరోగ్యకరమైన పదార్థాలను ఉంచండి. ఆరోగ్యకరమైన స్నాక్స్, ఒక గ్లాసు నీటిని ఎల్లప్పుడూ అందుబాటులో ఉంచండి.
క్లీన్గా ఉండాలి..
పిల్లలు తరచుగా పెన్నులు, పెన్సిళ్లు, మార్కర్లు, పోస్ట్-ఇట్ నోట్లను తమ స్టడీ టేబుల్పై వదిలేస్తారు. దీనివల్ల అవి చిందరవందరగా, అస్తవ్యస్తంగా తయారవుతాయి. ఈ మానసిక గందరగోళం ఏకాగ్రతను కోల్పోయేలా చేస్తుంది. అందువల్ల బల్లపై కేవలం అత్యవసరమైన పుస్తకాలు, పెన్నులు, నోట్‌బుక్‌లను మాత్రమే ఉంచండి. ఇతర స్టేషనరీని అల్మరాలో లేదా డ్రాయర్‌లో స్టోర్ చేయండి.
గేమింగ్ టూల్స్..
టేబుల్పై గేమింగ్ కన్సోల్, హ్యాండ్‌హెల్డ్ గేమింగ్ టూల్స్ లేదా కంట్రోలర్‌ను ఉంచడం వల్ల పిల్లల చదువుకు ఆటంకం కలుగుతుంది. గేమింగ్ పరికరాన్ని చూడగానే పిల్లలకు ఆడాలనే కోరిక కలగవచ్చు. దీనివల్ల చదువుకునే సమయం తగ్గి.. వారి ఏకాగ్రతకు భంగం కలుగుతుంది. గేమింగ్ పరికరాలను వేరే గదిలో లేదా అల్మరాలో ఉంచితే మంచిది.
బ్యాడ్ కోట్స్
చాలా మంది పిల్లలు తమ చదువుకునే దగ్గర "చదువు లేకపోతే ఫెయిల్ అవుతావు" లేదా "పరీక్ష అయ్యేంత వరకు ఫోన్ వద్దు" వంటి చీటీలను పెట్టుకుంటారు. ఇలాంటివి పిల్లలలో మోటీవేషన్ అవ్వడం కంటే.. ఒత్తిడిని, భయాన్ని కలిగిస్తాయి. అలాగే మానసిక ఒత్తిడిని, ఆందోళనను పెంచుతాయి. దీంతో వారి చదువుపై ప్రభావం పడుతుంది. కాబట్టి ఇలాంటి ప్రతికూల చీటీల స్థానంలో.. సానుకూలమైన సూక్తులు, మోటివేషన్ ఇచ్చే కోట్స్ ఉంచండి. ఇవి ఆత్మవిశ్వాసాన్ని పెంచి.. ప్రశాంతంగా చదువుకునేందుకు, స్టడీపై ఫోకస్ చేసేందుకు హెల్ప్ అవుతాయి.
ఈ చిన్ని మార్పులు పిల్లలు చదువుపై చాలా మంచి ప్రభావం చూపిస్తాయని అంటున్నారు నిపుణులు. కాబట్టి ఎగ్జామ్స్ టైమ్లో పిల్లల స్టడీ రూమ్లో లేదా స్టడీ టేబుల్పై ఈ మార్పులు చేసేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
