Fenugreek Water : మెంతుల నీరు ఆరోగ్యానికి మంచిదే.. కానీ నానబెట్టి తాగితే మంచిదా? లేదా మరిగించి తాగాలా?
Soaked vs Boiled Fenugreek Water : మెంతి నీరు ఆరోగ్యానికి ఎన్నో ప్రయోజనాలు అందిస్తోంది. అయితే వీటిని నానబెట్టి తాగితే మంచిదా? లేదా మరిగించి తాగితే ప్రయోజనం ఉంటుందా? తెలుసుకుందాం.
- మెంతి గింజలు నానబెట్టి, మరిగించి తాగడం ఆరోగ్యానికి మంచిది.
- నానబెట్టిన నీరు అజీర్తి, యాసిడిటీ తగ్గి శరీరాన్ని చల్లబరుస్తుంది.
- మరిగించిన నీరు జీర్ణక్రియను వేగవంతం చేసి కీళ్ల నొప్పులను తగ్గిస్తుంది.
- రోజుకు 1-2 చెంచాల మెంతులు తీసుకోవాలి, గర్భిణీలు జాగ్రత్త వహించాలి.
Fenugreek Water Benefits : మెంతులు ఆరోగ్యానికి మేలు చేస్తాయి. అందుకే వీటిని వివిధ వంటల్లో తీసుకుంటారు. మరిన్ని ఆరోగ్య ప్రయోజనాల కోసం మెంతి నీరు తాగుతారు. అయితే వీటిని నీళ్లలో నానబెట్టి తాగాలా? లేదా మరిగించి తాగాలా అనే డౌట్ చాలామందిలో ఉంటుంది. అయితే చాలామందికి తెలియని విషయం ఏంటంటే.. ఎలా తాగినా ఆరోగ్యానికి మేలు జరుగుతాయని ఆయుర్వేదం చెప్తోంది. అయితే వీటిలో ఏ పద్ధతిలో తాగితే ఆరోగ్యానికి ఎక్కువ ప్రయోజనాలు అందుతాయో తెలుసుకుందాం.
మెంతుల్లోని పోషకాలు
మెంతుల్లో ఫైబర్, ఐరన్, మెగ్నీషియం, విటమిన్ B6 అధికంగా ఉంటాయి. ఇవి రక్తంలో చక్కెర స్థాయిని నియంత్రించడం నుంచి జీర్ణక్రియ మెరుగుపరచడం, కొలెస్ట్రాల్ తగ్గించడం, జుట్టు ఆరోగ్యం పెంపొందించడం వంటి ప్రయోజనాలు అందిస్తాయి. రోజూ ఉదయం ఖాళీ కడుపుతో మెంతుల నీళ్లు తాగితే ఈ ప్రయోజనాలు వేగంగా కనిపిస్తాయి. మరి నానబెట్టి తాగితే మంచిదా? మెంతులు మరిగించి తాగితే మంచిదా?
నానబెట్టిన మెంతి నీళ్లతో ఉపయోగాలు..
రాత్రుళ్లు ఒక చెంచా మెంతులు గ్లాసు నీళ్లలో వేయండి. ఉదయం వడగట్టి ఆ నీళ్ళు తాగండి. విత్తనాలు కూడా నమిలి తినవచ్చు. దీనివల్ల విటమిన్లు, ఎంజైమ్లు పూర్తిగా శరీరానికి అందుతాయి. అజీర్తి, యాసిడిటీ తక్కువగా ఉంటుంది. ఇది వేడిని తగ్గించి.. శరీరాన్ని చల్లగా ఉంచుతుంది.
మరిగించిన మెంతి నీరు తాగితే..
ఒక గ్లాసు నీళ్లలో అర చెంచా మెంతలు వేసి 5 నిమిషాలు మరిగించండి. చల్లారాక వడగట్టి తాగండి. దీనివల్ల జీర్ణం వేగంగా అవుతుంది. మోకాలు నొప్పులు, కీళ్ల వాపులు తగ్గుతాయి.
ఏ పద్ధతిలో తాగితే మంచిది..
నిపుణుల ప్రకారం నానబెట్టిన మెంతి నీరు డయాబెటిస్, జుట్టు సమస్యలను అదుపులోకి తెస్తుంది. రక్తంలో చక్కెర కంట్రోల్ అవ్వడంతో పాటు జుట్టు రాలడం తగ్గుతుంది. మరిగించిన నీళ్లు తాగితే.. కీళ్ల నొప్పులు, వాపు, ఇన్ఫ్లమేషన్ తగ్గుతాయి. జీర్ణవ్యవస్థ బలంగా ఉండాలంటే కూడా మరిగించి తాగితే మంచిది.
తీసుకోవాల్సిన జాగ్రత్తలు
రోజుకు 1 నుంచి 2 చెంచాల కంటే ఎక్కువ మెంతులు తీసుకోకండి. ఎక్కువగా తీసుకుంటే విరేచనాలు అవుతాయి. గర్భిణీ స్త్రీలు డాక్టర్ సలహా లేకుండా తీసుకోకండి. ఉదయం ఖాళీ పొట్టతో తాగితే మంచిది. 30 నిమిషాల తర్వాత టిఫిన్ చేస్తే మంచిది. డయాబెటిస్ మందులు వాడేవారు రక్తంలో చక్కెర స్థాయిలు రెగ్యులర్గా చెక్ చేసుకోవాలి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
