Drinking Water After Tea : టీ తాగిన వెంటనే నీళ్లు తాగకూడదా? ముందు తాగితే మంచిదా? నిపుణులు చెప్పిన నిజాలు ఇవే
Tea and Water Combination : చాలామంది టీ తాగిన తర్వాత నీళ్లు తాగకూడదని చెప్తారు. అందుకే ముందు నీళ్లు తాగి టీ తాగుతారు. కానీ ఇది ఎంతవరకు నిజం.. నిపుణుల సూచనలు ఏంటో తెలుసుకుందాం.
- టీ తర్వాత నీళ్లు తాగడం హానికరం కాదు, అదొక అపోహ.
- వేడి టీ వెంటనే చల్లటి నీళ్లు కొందరికి అసౌకర్యం కలిగించవచ్చు.
- టీ ముందు, తర్వాత నీరు తాగడం ఆరోగ్యానికి మంచిది.
- 10-15 నిమిషాల గ్యాప్ లేదా మీ శరీరానికి తగ్గట్లు తాగండి.
Tea Before or After Water : ఉదయం లేవగానే టీ తాగే అలవాటు చాలామందికి ఉంటుంది. అయితే టీ తాగిన వెంటనే నీళ్లు తాగకూడదని.. ముందే నీళ్లు తాగాలని చెప్తుంటారు. టీ తర్వాత నీళ్లు తాగితే ఆరోగ్యానికి మంచిది కాదని మీరు కూడా వినే ఉంటారు. మరి ఇది ఎంత వరకు నిజం? టీ తాగకముందే నీళ్లు తాగాలా? తర్వాత తాగకూడదా నిపుణులు ఏమంటున్నారో ఇప్పుడు తెలుసుకుందాం.
నీళ్లు తాగొద్దని పెద్దలు ఎందుకు చెప్తారు?
వేడిగా ఉండే పదార్థం తాగిన వెంటనే చల్లటి నీరు తాగితే దంతాల్లో సెన్సిటివిటీ, గొంతులో అసౌకర్యం లేదా కడుపులో కొంత ఇబ్బంది కలగవచ్చని పెద్దలు టీ తాగిన తర్వాత నీళ్లు తాగవద్దని చెప్తారు. అలా టీ తాగితే ఆరోగ్యానికి మంచిది కాదనే భావన చాలామందిలో పెరిగిపోయింది.
టీ తాగిన వెంటనే నీళ్లు తాగకూడదా?
టీ తాగిన వెంటనే నీళ్లు తాగడం వల్ల తీవ్రమైన ఆరోగ్య సమస్యలు వస్తాయని చెప్పడానికి బలమైన శాస్త్రీయ ఆధారాలు లేవు. ఓ రకంగా చెప్పాలంటే.. టీ తాగిన తర్వాత నీళ్లు తాగడం సురక్షితమే. అయితే చాలా వేడిగా ఉన్న టీ తాగిన వెంటనే బాగా చల్లగా ఉన్న నీళ్లు తాగితే కొంతమందికి అసౌకర్యం కలగవచ్చని చెప్తున్నారు నిపుణులు.
టీ తాగేముందు నీళ్లు తాగితే..
టీ తాగే ముందు ఒక గ్లాస్ నీరు తాగడం వల్ల శరీరానికి హైడ్రేషన్ అందుతుంది. అలాగే టీలో ఉండే కెఫిన్ ప్రభావం కొంత తగ్గవచ్చు. ముఖ్యంగా ఉదయాన్నే ఖాళీ కడుపుతో టీ తాగే అలవాటు ఉన్నవారు ముందుగా నీరు తాగితే కడుపులో మంట, అసిడిటీ వంటి సమస్యలు తగ్గే అవకాశం ఉంటుంది.
టీ తర్వాత నీళ్లు తాగితే కలిగే లాభాలు..
టీ తాగిన తర్వాత కొద్దిగా నీళ్లు తాగడం వల్ల నోరు తాజాగా ఉంటుంది. అలాగే పళ్లపై ఉండే టీ మరకలు, షుగర్ కొంతవరకు తొలగిపోవడానికి కూడా సహాయపడుతుంది. శరీరానికి అదనపు ద్రవాలు అందడం వల్ల హైడ్రేషన్ కూడా మెరుగుపడుతుంది.
చల్లటి నీళ్లు తాగితే మంచిది కాదా?
చల్లని నీళ్లు తాగితే మంచిది కాదు అని కూడా చెప్పాలేము. ఎందుకంటే ఇది అందరికీ ఇబ్బంది కాదు. కానీ వేడివేడి టీ తాగిన వెంటనే ఐస్ వాటర్ తాగితే కొందరిలో పంటి నొప్పి, దంతాల్లో సున్నితత్వం, గొంతులో అసౌకర్యం కనిపించవచ్చు. అందుకే సాధారణ ఉష్ణోగ్రతలో ఉన్న నీళ్లు లేదా గోరువెచ్చని నీళ్లు తాగడం మంచిదని నిపుణులు సూచిస్తారు.
టీ వల్ల డీహైడ్రేషన్ వస్తుందా?
టీ లో కెఫిన్ ఉంటుంది. అయితే సాధారణ పరిమాణంలో టీ తాగడం వల్ల తీవ్రమైన డీహైడ్రేషన్ రాదు. అయినప్పటికీ రోజంతా సరిపడా నీళ్లు తాగడం అవసరం. టీ నీళ్లకు ప్రత్యామ్నాయం కాదు.
టీ తర్వతా నీళ్లు తాగడానికి ఎంత గ్యాప్ ఇవ్వాలి?
టీ తాగిన వెంటనే నీళ్లు తాగడం ప్రమాదకరం కాకపోయినా.. 10 నుంచి 15 నిమిషాల గ్యాప్ ఇచ్చి నీళ్లు తాగితే మరింత సౌకర్యంగా ఉంటుంది. ముఖ్యంగా వేడి టీ తాగిన తర్వాత ఇది ఉపయోగకరంగా ఉంటుంది.
అపోహ మాత్రమే..
టీ తాగిన వెంటనే నీళ్లు తాగితే ఆరోగ్యానికి పెద్ద నష్టం జరుగుతుందని చెప్పడం కేవలం ఒక అపోహ మాత్రమే. అయితే చాలా వేడి టీ తర్వాత వెంటనే చాలా చల్లటి నీళ్లు తాగడం వల్ల కొందరికి తాత్కాలిక అసౌకర్యం కలగవచ్చు అంతేకానీ.. టీకి ముందు నీరు తాగడం, టీ తర్వాత కొద్దిసేపు గ్యాప్ ఇచ్చి నీళ్లు తాగడం రెండూ సాధారణంగా మంచి అలవాట్లే. మీ శరీరం ఎలా రియాక్ట్ అవుతుందో తెలుసుకుని.. దానికి తగ్గట్లు అలవాటు చేసుకోవాలి.
మరిన్ని ఇంట్రెస్టింగ్ హెల్త్ ఆర్టికల్స్, ఇంటి చిట్కాల కోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
