Beat the Heat : రోజురోజుకీ పెరుగుతోన్న ఎండ తీవ్రత.. డీహైడ్రేషన్ సమస్యలు రాకుండా పెద్దలు, పిల్లలు ఈ జాగ్రత్తలు తీసుకోండి
Rising Summer Heat : తీవ్రమైన ఎండల్లో సరైన జాగ్రత్తలు తీసుకోకుంటే డీహైడ్రేషన్కు గురై.. ప్రాణాలు పోయే ప్రమాదం ఉంది. కాబట్టి ఈ సమయంలో ఎలాంటి జాగ్రత్తలు తీసుకోవాలో చూసేద్దాం.
- తెలుగు రాష్ట్రాల్లో పెరుగుతున్న ఎండల తీవ్రత, డీహైడ్రేషన్ ప్రమాదాలు.
- డీహైడ్రేషన్ లక్షణాలు: అధిక దాహం, తల తిరగడం, మూత్రం తగ్గుదల.
- రోజుకు 3-4 లీటర్ల నీరు, కొబ్బరి నీరు, పండ్ల రసాలు తాగాలి.
- వృద్ధులు, పిల్లలు ప్రత్యేక జాగ్రత్తలు, వైద్యుల సలహా తీసుకోవాలి.
Stay Safe in Extreme Heat : తెలుగు రాష్ట్రాల్లో ఎండలు మండిపోతున్నాయి. వేడి, ఉక్కపోత తీవ్రత రోజురోజుకీ పెరుగుతోంది. ఈ సమయంలో శరీరంలో నీటి శాతం తగ్గిపోవడం వల్ల డీహైడ్రేషన్ సమస్యలు రావచ్చు. ముఖ్యంగా వృద్ధులు, చిన్నపిల్లలు ఈ ప్రభావానికి ఎక్కువగా దీని బారిన పడతారు కాబట్టి.. సరైన జాగ్రత్తలు తీసుకోవడం చాలా అవసరమని నిపుణులు చెప్తున్నారు. మరి ఎలాంటి టిప్స్ ఫాలో అయితే డీహైడ్రేషన్ తగ్గుతుందో చూసేద్దాం.
డీహైడ్రేషన్
శరీరానికి అవసరమైనంత నీరు అందకపోతే డీహైడ్రేషన్ సమస్య వస్తుంది. ఇది తలనొప్పి, అలసట, తల తిరగడం, బలహీనత వంటి సమస్యలకు దారితీస్తుంది. పట్టించుకోకుంటే ప్రాణాల మీదకి వస్తుంది.
డీహైడ్రేషన్ సంకేతాలు..
మీ శరీరం డీహైడ్రేషన్కి గురైతే శరీరం కొన్ని సంకేతాలు ఇస్తుంది. ఎక్కువ దాహం వేయడం, నోరు ఎండిపోవడం, తల తిరగడం, మూత్రం తగ్గిపోవడం లేదా గాఢ రంగులో మారడం డీహైడ్రేషన్ లక్షణాలుగా చెప్తారు.
డీహైడ్రేషన్ నివారించేందుకు తీసుకోవాల్సిన జాగ్రత్తలు
డీహైడ్రేషన్ రాకుండా ఉండాలంటే.. రోజుకు కనీసం 3 నుంచి 4 లీటర్ల నీరు తాగాలి. అలాగే దాహం లేకపోయినా నీరు తాగడం అలవాటు చేసుకోవాలి. కేవలం నీళ్లు మాత్రమే కాకుండా.. కొబ్బరి నీరు, మజ్జిగ, నిమ్మరసం, పండ్ల రసాలు వంటివి కూడా రొటీన్లో భాగంగా తీసుకోవాలి. పుచ్చకాయ, కీర, ఖర్బూజ, సొరకాయ వంటి వాటిని ఆహారంలో చేర్చుకోవాలి.
మధ్యాహ్నం 11 నుంచి 4 గంటల మధ్య బయటకు వెళ్లకుండా ఉండేలా చూసుకోండి. బయటకు వెళ్లాల్సి వస్తే వెంట నీళ్లు తీసుకెళ్లండి. ఎప్పుడైనా తాగేందుకు వాటర్ బాటిల్ ఉండాలి. కాటన్, తేలికపాటి డ్రెస్లు వేసుకోవడం వల్ల చెమట తక్కువగా ఉంటుంది. అలాగే కాఫీ, టీలు తగ్గించాలి. లేదంటే అవి శరీరంలోని నీటిని పూర్తిగా తగ్గిస్తాయి. ORS వంటివి అవసరమైనప్పుడు ఉపయోగించాలి. ఇవి శరీరానికి ఎలక్ట్రోలైట్స్ అందిస్తాయి.
వృద్ధులు తీసుకోవాల్సిన జాగ్రత్తలు
వేసవికాలంలో వృద్ధులు మరింత జాగ్రత్తగా ఉండాలి. దాహం అనిపించకపోయినా నీళ్లు తాగాలి. బీపీ, షుగర్ ఉన్నవారు డాక్టర్ సలహా తీసుకోవాలి. ఎండలో ఒంటరిగా బయటకు వెళ్లకూడదు. విశ్రాంతి తీసుకోవాల్సి ఉంటుంది.
చిన్నపిల్లల కోసం
పిల్లలకు తల్లిదండ్రులు తరచూ నీళ్లు, పాలు ఇవ్వాలి. ఎండ సమయంలో బయట ఆటలు ఆడకుండా చూసుకోవాలి. లైట్ ఫుడ్స్ ఇవ్వాలి. చెమట ఎక్కువైతే డీహైడ్రేషన్ గురికాకుండా.. నీళ్లు, ఇంట్లో చేసిన పళ్ల రసాలు ఇవ్వాలి.
ఆహారంలో చేయాల్సిన మార్పులు
తినే డైట్లో ఎక్కువగా పండ్లు, కూరగాయలు ఉండేలా చూసకోవాలి. ఉప్పు, మసాలా తక్కువగా తీసుకోవాలి. ఫ్రెష్ ఫుడ్స్ మాత్రమే తినాలి. హైడ్రేటింగ్ ఫుడ్స్ కూడా యాడ్ చేసుకుంటే మంచిది.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
