Celebrity Saree Styles : పండుగలు, పూజలు, ఫంక్షన్లు సెలబ్రేషన్ ఏది అయినా శారీ కట్టుకోవాలనుకుంటే ఈ సెలబ్రెటీల లుక్స్ ఫాలో అయిపోండి
Saree Goals : ఫెస్టివల్స్ సమయంలో, ఫంక్షన్లకు వెళ్లేప్పుడు చాలామంది అమ్మాయిలు చీర కట్టుకుంటారు. అయితే సెలబ్రెటీల తరహాలో మీ శారీ లుక్స్ ఉండాలంటే ఇవి ఫాలో అయిపోండి.
Saree Inspiration from Celebrities : సంక్రాంతి, ఉగాది, దసరా, దీపావళి ఇలాంటి పండుగలతో పాటు.. పూజలు పునస్కారాలు.. పెళ్లిల్లు పేరంటాలు ఇలా సందర్భంలో అయినా అమ్మాయిలు ట్రెడీషనల్గా ముస్తాబయ్యేందుకు మొగ్గుచూపుతారు. ముఖ్యంగా స్పెషల్ అకేషన్స్లో చీరను కట్టుకుంటారు. అయితే పండుగ ఏదైనా, ఫంక్షన్ ఎప్పుడైనా, పూజలు ఏమి చేసినా మీరు చీరను కట్టుకోవాలంటే పెద్ద ఆలోచించకండి. ట్రెడీషన్లో ట్రెండ్ని మిక్స్ చేస్తూ.. ఈ సెలబ్రెటీల లుక్ని ఫాలో అయిపోండి.
సోనాలి బింద్రే 
మురారి ముద్దు గుమ్మ సోనాలి బింద్రే మాదిరి మీరు శారీ లుక్ ట్రై చేయవచ్చు. వీ నెక్ బ్లౌజ్ని ఇలాంటి కాంబినేషన్ చీరతో సెట్ చేసుకోవచ్చు. అలాగే సింగిల్ పల్లు వేసుకుంటే లుక్ మరింత బాగుంటుంది. పూసల నెక్పీస్ లుక్ని మరింత ఎలివేట్ చేస్తుంది. మ్యాచింగ్ ఇయర్ రింగ్స్ పెట్టుకుని.. మీకు సూట్ అయ్యే హెయిర్ స్టైల్ వేసుకుంటే ఫంక్షన్కైనా, పూజకైనా మీరు స్పెషల్ అట్రాక్షన్గా నిలుస్తారు. మకర సంక్రాంతి సందర్భంగా సోనాలి ఈ లుక్లో రెడీ అయ్యింది.
శివాత్మిక
మీరు కాలేజ్ చదివే అమ్మాయి లేదా జాబ్ చేసే అమ్మాయి అయితే శివాత్మిక లుక్ ట్రై చేయవచ్చు. చక్కగా నేత చీర కట్టుకుని.. దానికి మ్యాచింగ్ బ్లౌజ్ వేసుకుని.. సింపుల్ జడ వేసుకుంటే సరి. ఎలాంటి ఆభరణాలు పెట్టుకోకపోయినా.. సహజమైన మేకప్ లుక్లో మీరు చాలా అందంగా కనిపిస్తారు.
అమలా పాల్
మీకు పింక్ కలర్ శారీ కట్టుకోవాలనుకుంటే అమలా పాల్ శారీ లుక్స్ని ట్రై చేయవచ్చు. పింక్ శారీకి గోల్డెన్ కలర్ బ్లౌజ్ మంచి లుక్ ఇస్తుంది. ఈ కాంబినేషన్ ట్రై చేస్తే.. గోల్డెన్ జ్యూవెలరీ పెట్టుకుంటే లుక్ పర్ఫెక్ట్గా ఉంటుంది. ఫంక్షన్, పూజకు కావాల్సిన లుక్ మీకు వచ్చేస్తుంది. హెయిర్ లీవ్ చేసి.. చీరను ఇలా కట్టుకుంటే ట్రెడీషనల్గా, ట్రెండీగా కూడా కనిపిస్తారు.
కీర్తి సురేశ్
కొత్తగా పెళ్లైన జంటలు చిలకాకు పచ్చ చీర కట్టుకుంటే చాలా బాగుంటారు. దానికి పింక్ కలర్ బ్లౌజ్ కాంబినేషన్ డెడ్లీగా ఉంటుంది. ఈ లుక్కోసం మీరు కీర్తి సురేశ్ని ఫాలో అవ్వొచ్చు. కొప్పు పెట్టుకుని పూలతో అలంకరించుకుంటే లక్ష్మీ దేవి కళ మీ దగ్గర ఉట్టిపడుతుంది.
రుహాని శర్మ 
మీరు ఫంక్షన్లు ఉన్నా.. పూజలు ఉన్నా.. పెళ్లి అయినా.. ఎలాంటి అకేషన్కి అయినా ఈ కేరళ స్టైల్ లుక్ పర్ఫెక్ట్ ఉంటుంది. ఈ గ్లోయింగ్, క్లాసీ లుక్ కోసం రుహానీ శర్మను ఫాలో అవ్వొచ్చు. వైట్ శారీ, గోల్డెన్ అంచుతో వచ్చే ఈ తరహా శారీలు ఎలాంటి సాంప్రదాయ వేడుకకు అయినా ఇట్టే సెట్ అయిపోతాయి. శారీకి తగ్గట్లు గోల్డెన్, పసుపు, డార్క్ గ్రీన్ ఇలా మీకు నచ్చిన పర్ఫెక్ట్ బ్లౌజ్ సిద్ధం చేసుకుంటే చాలు. మినిమల్ జ్యూవెలరీతో ఎలాంటి మేకప్ లేకపోయినా మీ లుక్ హైలైట్గా ఉంటుంది.
అనసూయ భరద్వాజ్
కాటన్ చీర లేదా నేత చీర కూడా మీకు మంచి లుక్ని ఇస్తుంది. పండుగలకు, ఫంక్షన్లకు కూడా ఇది బాగా సెట్ అవుతుంది. సింపుల్గా కనిపిస్తూనే హుందా లుక్ మీ సొంతం కావాలంటే అనుసూయ మాదిరిగా రెడీ అవ్వొచ్చు. ఈ తరహా లుక్కి హెవీ జ్యూవెలరీ కూడా అవసరం ఉండదు.
మీనా
పెళ్లిళ్లు లేదా ఫంక్షన్లకు నిండుగా.. జ్యూవెలరీతో కనిపించాలనుకుంటే.. మీనాను ఫాలో అయిపోవచ్చు. అందంగా చీరకట్టుకుని.. సింగిల్ పైట వేసుకుని.. భారీ హారం వేసుకుని.. చేతులకు గోల్డెన్ జ్యూవెలరీ, పాపిడి బిళ్ల, ఇయర్ రింగ్స్తో మీ లుక్ని ఫైనల్ చేసుకోవచ్చు.
ఐశ్వర్య లక్ష్మి
సింపుల్గా, ఎలిగెంట్గా కనిపించాలనుకునేవారు ఐశ్వర్య లక్ష్మి లుక్ని ట్రై చేయవచ్చు. ఫుల్ నెక్తో వచ్చిన బ్లౌజ్ని స్లీవ్స్ లేకుండా ట్రెండీగా మార్చుకుని మ్యాచింగ్ శారీ కట్టుకుంటే సరి. చేతికి గాజులు వేసుకుని.. ఇయర్ రింగ్స్ కుంకుమతో అదిరిపోయే లుక్ని మీ సొంతం చేసుకోవచ్చు.
శ్రీనిధి శెట్టి
రెడ్ కలర్ శారీ అటు పండుగలకు, ఇటు ఫంక్షన్లకు ఎలాంటి ఈవెంట్స్కి అయినా ఇట్టే సెట్ అయిపోతుంది. ఈ లుక్లో మీరు ఎక్కువగా రెడీ కాకపోయినా అందంగా కనిపిస్తారు. సింపుల్ మేకప్ లుక్లో వెళ్లినా.. గ్రాండ్గా ముస్తాబైనా చాలా అందంగా కనిపిస్తారు. శ్రీనిధి శెట్టి మాత్రం సింపుల్గానే ముస్తాబైంది.
Also Read : హల్దీ ఫంక్షన్ నుంచి పెళ్లి వరకు.. ట్రెడీషనల్ లుక్లో రెడీ అవ్వాలంటే సాయి పల్లవిని ఫాలో అయిపోండి
టాప్ హెడ్ లైన్స్
ట్రెండింగ్ వార్తలు
