Skipping Breakfast : టిఫిన్ మానేసి డైరక్ట్​గా లంచ్ తింటున్నారా? అయితే జాగ్రత్త, మీ శరీరంలో ఆ అవయవాలు డ్యామేజ్ అవుతాయట

Skipping Breakfast Bad for You : నిపుణుల అభిప్రాయం ప్రకారం అల్పాహారం మానేయడం శరీర నిర్మాణాన్ని దెబ్బతీస్తుందట. పోషకాహార లోపానికి దారితీస్తుంది. దీనివల్ల కొన్ని అవయవాలు డ్యామేజ్ అవుతాయట. అవేంటంటే..

ఉదయాన్నే బ్రేక్ ఫాస్ట్ చేయకుండా మధ్యాహ్నం లంచ్ తింటున్నారా?

నిపుణుల అభిప్రాయం ప్రకారం అల్పాహారం మానేయడం అంటే ఒకపూట భోజనం మానేయడం కాదు. ఇది శరీరం మొత్తం నిర్మాణాన్ని దెబ్బతీయడం అంటున్నారు. బ్రేక్​ఫాస్ట్ తీసుకోకపోతే.. శరీరం ఎక్కువ కాలం పోషకాహార లోపానికి గురవుతుంది. దీనివల్ల మధ్యాహ్నం వరకు చాలా ఆకలిగా ఉంటుంది. ఈ ఆకలి తరువాత ఎక్కువ తినడం, అధిక కేలరీల ఆహారాన్ని తీసుకుంటారట. దీనివల్ల బరువు, పొట్ట కొవ్వు పెరుగుతుంది.

అల్పాహారం మానేయడం వల్ల ఆకలిని పెంచే ఘ్రెలిన్ హార్మోన్ మరింత చురుకుగా మారుతుంది. దీనివల్ల స్వీట్, ఫ్యాట్ క్రేవింగ్స్ పెరుగుతాయి. ఇన్సులిన్ సెన్సిటివిటీ కూడా తగ్గుతుంది. దీనివల్ల రక్తంలో చక్కెర నియంత్రణ దెబ్బతినడం ప్రారంభమవుతుంది. ఇది బరువు పెరిగేలా చేస్తుంది.