Republic Day 2025 Speech : స్టూడెంట్స్ రిపబ్లిక్ డే స్పీచ్.. భయం లేకుండా ఇలా చెప్పేయండి

Republic Day 2025 Speech in Telugu : రిపబ్లిక్ డే సమయంలో స్కూల్స్​లో సెలబ్రేషన్స్ చేస్తారు. ఆ సమయంలో పెద్దలతో పాటు పిల్లలు కూడా స్పీచ్​ ఇస్తారు. మీరు కూడా స్పీచ్ ఇవ్వాలనుకుంటే ఇక్కడ స్క్రిప్ట్ ఉంది.

రిపబ్లిక్ డే 2025 స్పీచ్ (Image Source : AI)

Source : AI

Republic Day 2025 Speech : గణతంత్ర దినోత్సవం సందర్భంగా దాదాపు అన్ని పాఠశాలలో సెలబ్రేషన్స్ చేస్తారు. పెద్దలు, టీచర్లతో పాటు.. పిల్లలు కూడా రిపబ్లిక్ డే స్పీచ్​కి సిద్ధమవుతారు. ఈసారి సెలబ్రేషన్స్​కి మీరు కూడా స్పీచ్ ఇవ్వాలనుకుంటే ఎలా స్టార్ట్ చేయాలో.. ఎలా స్పీచ్​ ఇవ్వాలో.. స్క్రిప్ట్ ఎలా ఉంటే బాగుంటుందో ఇప్పుడు చూసేద్దాం. 

స్పీచ్ స్టార్ట్ చేసే ముందు కచ్చితంగా వేదికపై ఉన్న గెస్ట్​లకు, టీచర్స్​కు, మీ తోటి విద్యార్థులకు విష్ చేయాలి. తెలుగులో చెప్పాలనుకుంటే గుడ్ మార్నింగ్ టీచర్స్, పేరెంట్స్​ అని చెప్పొచ్చు. ఇంగ్లీష్​లో ప్రారంభించాలనుకుంటే రెస్పెక్టెడ్ టీచర్స్, పేరెంట్స్, అండ్ ఫెలో స్టూడెంట్స్ అంటూ స్పీచ్ ప్రారంభించవచ్చు. 

సమానత్వం.. 

తర్వాత ఈ ఏడాది మనం ఎన్నో గణతంత్ర దినోత్సవం జరుపుకుంటున్నామో చెప్తూ.. స్పీచ్ మొదలు పెట్టొచ్చు. ''ఈ రోజు మనం దేశ చరిత్రలోనే అతి ముఖ్యమైన, స్పెషల్ డే జరుపుకోవడానికి సమావేశమయ్యాము. భారదేశం 76వ గణతంత్ర దినోత్సవాన్ని జరుపుకుంటున్నాము. రిపబ్లిక్ డే అనేది మన రాజ్యాంగాన్ని ఆమోదించడాన్ని సూచిస్తుంది. ఇది మనకి, దేశ అభివృద్ధికి మార్గనిర్దేశాన్ని ఇస్తుంది. మన రాజ్యాంగంలో పొందుపరిచిన న్యాయం, సమానత్వం, స్వేచ్ఛ అందిరికి అందేలా చూడాలి. అప్పుడే దేశం అభివృద్ధి పథంలో ముందుకు వెళ్తుంది. '' అని చెప్పొచ్చు.

సమరయోధుల త్యాగాలు.. 

''సమరయోధుల త్యాగాలను గుర్తు చేసుకుంటూ.. స్పీచ్​ని కంటిన్యూ చేయాలి. ''ఈ రోజు మనం ధైర్యంగా ఇక్కడ నిలబడుతున్నామంటే అది మన స్వాతంత్ర్యం కోసం అలుపెరగని పోరాటం చేసిన వారిదే. గణతంత్ర వేడుకల సందర్భంగా మనం వారిని గుర్తుచేసుకోవాలి. అదే వారికి మనం ఇచ్చే గౌరవం. మహాత్మా గాంధీ, జవహర్​లాల్ నెహ్రూ, భగత్ సింగ్ వంటి ఎందరో జాతీయ నాయకుల జీవితాలను మనం ఆదర్శంగా తీసుకోవాలి. వారి ధైర్యం, పట్టుదల, నిస్వార్థాన్ని మనం అలవరచుకుని.. మంచి భవిష్యత్తుకోసం పనిచేయాలి. 

భారతదేశపు యువ పౌరులుగా, దేశ ప్రగతికి మనం అందరం తోడ్పడాలి. అది మన కర్తవ్యం. బాధ్యతాయుతంగా, విద్యావంతులుగా దేశానికి మనవంతు సాయం చేయాలి. భిన్నత్వంలో ఏకత్వాన్ని ప్రోత్సాహిస్తూ.. అందరితో కలిసి మెలిసి ఉండాలి. ఎవరినీ తక్కువగా చూడకూడదు. మనం దేశం ఎదుర్కొంటున్న సవాళ్లు గుర్తించి.. శక్తివంతమైన భారతదేశాన్ని నిర్మించడంలో మనవంతు కృషి చేద్దాం. మన రాజ్యాంగాన్ని, వాటి విలువలను పరిరక్షిస్తానని మనమందరం ప్రతిజ్ఞ చేయాలని కోరుతున్నాను.''

జైహింద్...

అంటూ స్పీచ్​ని ముగించవచ్చు. 

స్పీచ్ చెప్పేప్పుడు కాన్ఫిడెంట్​గా ఉండాలి. ఇప్పుడు చూసిన స్క్రిప్ట్​ని మీకు నచ్చినట్లు మార్చుకుని.. మీ స్టైల్​లో చెప్తే.. ఇంకా బాగుంటుంది. మరి ఇంకెందుకు ఆలస్యం. గణతంత్ర దినోత్సవం స్పీచ్​కు మీరు ప్రిపేర్ అయ్యి చెప్పేయండి.