Intermittent Fasting Diet Plan : ఇంటర్మిటెంట్ ఫాస్టింగ్ ఇలా చేస్తే వారానికి కిలో బరువు తగ్గొచ్చట.. డైట్ ప్లాన్ ఇదే
Intermittent Fasting : బరువు తగ్గడానికి ఇంటర్మిటెట్ ఫాస్టింగ్ చేయాలనుకుంటున్నారా? అయితే ఈ టిప్స్ ఫాల అవుతూ వారానికి ఒకటి లేదా రెండు కిలోల బరువు తగ్గవచ్చట. అదెలాగో చూసేద్దాం.
Intermittent Fasting for Weight Loss : బరువు తగ్గడానికి చాలామంది ఇంటర్మింటెంట్ ఫాస్టింగ్ చేస్తూ ఉంటారు. కానీ బరువు తగ్గడంలో మార్పులు సరిగ్గా కనిపించవు. దాని అర్థం ఫాస్టింగ్ అయితే చేస్తున్నారు కానీ ఎలాంటి ఫుడ్ని డైట్లో తీసుకోవాలో అవగాహన లేకపోవడమేనని చెప్తున్నారు. అయితే ఎంతసేపు ఫాస్టింగ్ విండ్ మెయింటైన్ చేయాలో.. ఎలాంటి ఫుడ్ తీసుకోవాలో.. డైట్ని ఎలా ప్లాన్ చేసుకోవాలో తెలుసుకుని ఇంటర్మింటెంట్ ఫాస్టింగ్ చేస్తే వారానికి ఓ కిలో చొప్పున బరువు తగ్గవచ్చని చెప్తున్నారు.
బరువు తగ్గడం కోసం మీరు కూడా ఇంటర్మిటెంట్ ఫాస్టింగ్ చేయాలనుకుంటే ముందుగా వైద్యుల సలహా తీసుకోవాలి. అలాగే మీ వర్క్, మీ డైలీ యాక్టివిటీలకు అనుగుణంగా ఈ ఫాస్టింగ్ విండ్ ప్లాన్ చేసుకోవాలి. అయితే ఫాస్టింగ్ విండ్ ఎంత సేపు తీసుకోవాలో.. తినేటైమ్ ఎప్పుడు చూసుకోవాలో.. ఫాస్టింగ్ సమయంలో ఎలాంటి కేర్ తీసుకుంటే మంచిదో.. ఎలాంటి ఫుడ్ని తీసుకోవడం వల్ల హెల్తీగా, బరువు తగ్గడంలో హెల్ప్ అవుతుందో ఇప్పుడు చూసేద్దాం.
ఇంటర్మిటెంట్ ఫాస్టింగ్ నియమాలు..
ఇంటర్మిటెంట్ ఫాస్టింగ్లో 16 గంటల ఉపవాసం.. 8 గంటలు తినడం కోసం మొత్తంగా 24 గంటలను రెండు భాగాలుగా విభజిస్తారు. కొత్తగా ప్రారంభించేవారికి 16:8 విండ్ మంచిది. ఫాస్టింగ్ సమయం అంటే 16 గంటలను రాత్రి 7.30 నుంచి ఉదయం 11.30 వరకు పెట్టుకోవచ్చు. చాలామందికి ఆ సమయంలో పెద్దగా వర్క్ ఉండదు కాబట్టి.. ఫుడ్ లేకున్నా పెద్ద ఇబ్బంది ఉండదు. ఉదయం 11.30 నుంచి రాత్రి 7.30 వరకు తినొచ్చు. ఆ సమయంలో వర్క్ చేసేవారు ఎక్కువ. ఎనర్జిటిక్గా వర్క్ చేసుకునే సమయంలో ఫుడ్ తీసుకోవడం మంచిది. అయితే ఫుడ్ని ఎలా ప్లాన్ చేసుకోవాలో ఇప్పుడు చూసేద్దాం.
మొదటి భోజనం..(11:30 AM)
ఉదయం 11.30కి ఫస్ట్ మీల్ తీసుకోవచ్చు. కాబట్టి ఆ సమయంలో వారం అంతా ఏమి తీసుకుంటే మంచిదో చూసేద్దాం. సోమవారం బొప్పాయిని 250 గ్రాములు తీసుకోవాలి. మంగళవారం 250 గ్రాములు ఫ్రూట్ సలాడ్ తీసుకోవచ్చు. బుధవారం 1 గ్లాస్ స్మూతీ (ఓట్స్ (40గ్రాములు), పాలు, అరటిపండుతో చేసిన స్మూతీ తీసుకోవచ్చు. లేదా మీకు నచ్చిన ఫ్రూట్తో ఈ స్మూతీ చేసుకోవచ్చు.) అలాగే 5 బాదం కూడా తీసుకోవచ్చు. గురువారం 2 బ్రెడ్ పనీర్ లేదా టోఫు శాండ్విచ్ తినొచ్చు. శుక్రవారం 250 నుంచి 300 గ్రాముల బొప్పాయి తినొచ్చు. శనివారం కూరగాయలను కలిపి శనగపిండి దోశ వేసుకోవచ్చు. శనివారం వెజిటెబుల్ పోహా లేదా ఉప్మా తీసుకోవచ్చు. కప్పు మాత్రమే.
సెకండ్ మీల్ (భోజనం) (02:00PM)
సోమవారం చపాతీ, పనీర్ కర్రీ, 120 గ్రాముల సలాడ్, 1 కప్పు రైతా తీసుకోవచ్చు. మంగళవారం 2 చపాతీలు, 1 కప్పు పప్పు, సలాడ్, పెరుగు తినొచ్చు. బుధవారం 130 నుంచి 150 గ్రాముల అన్నం 180 గ్రాముల రాజ్మా, సలాడ్ తీసుకోవచ్చు. గురువారం చపాతీ, పప్పు, 1 కప్పు రైతా తినొచ్చు. శుక్రవారం చపాతీ, సోయా కూర, సలాడ్, కప్పు రైతా తీసుకోవచ్చు. శనివారం 2 చపాతీ, పనీర్ కర్రీ, సలాడ్, కప్పు పెరుగు బెటర్. ఆదివారం శనగల సలాడ్ తినొచ్చు. 50 గ్రాములు ఉడికించినశనగలు, 100 గ్రాముల పనీర్, కీరదోస, టొమాటో, ఉల్లిపాయ, చాట్ మసాలా, నిమ్మరసం కలిపి సలాడ్గా తినొచ్చు.
మూడోవ మీల్ (స్నాక్స్ టైమ్) (05:00PM)
సోమవారు 1 గ్లాస్ నిమ్మరసం చియాసీడ్స్తో కలిపి తీసుకోవాలి. మంగళవారం స్వీట్ కార్న్ చాట్ తినొచ్చు. బుధవారం బటర్మిల్క్ లేదా గ్లాసు కొబ్బరినీరు తాగొచ్చు. గురువారం మఖానాను తినొచ్చు. శుక్రవారం 200 గ్రాముల పుచ్చకాయ, ఆదివారం పల్లీ చక్కీ లేదా రోస్ట్ చేసిన మఖానాను తీసుకోవచ్చు.
నాల్గొవ మీల్ (రాత్రి భోజనం)(07:30 PM)
సోమవారం వెజిటెబుల్ కిచిడి(150 గ్రాములు), సలాడ్ కలిపి తీసుకోవచ్చు. మంగళవారు 150 గ్రాముల పనీర్ కట్లెట్, బుధవారం వెజిటేబుల్స్తో కూడిన దోశ, గ్రీన్ చట్నీ తీసుకోవచ్చు. గురువారం చపాతీ, 150 గ్రాముల పనీర్, సలాడ్ తీసుకోవచ్చు. శుక్రవారం సేమ్యా ఉప్మా 150 గ్రాములు తీసుకోవచ్చు. శనివారం మసాలా ఓట్స్ 40 గ్రాములు, కూరగాయలు కలిపి తీసుకోవచ్చు. ఆదివారం చపాతీ, పనీర్ బఠాణీ కర్రీని తీసుకోవచ్చు.
నాన్ వెజ్ తినేవారు
నాన్వెజ్ తినేవారు మధ్యాహ్న భోజనం లేదా రాత్రి భోజనాన్ని ఇప్పుడు చెప్పేవాటితో రిప్లేస్ చేసుకోవచ్చు. సోమవారం 150 గ్రాముల గ్రిల్డ్ చికెన్, సలాడ్ తీసుకోవచ్చు. మంగళవారం 150 గ్రాముల పనీర్ కట్లెట్, బుధవారం 2 బ్రెడ్లు, 2 ఎగ్స్ ఆమ్లెట్ వేసుకుని తినొచ్చు. గురువారం చపాతీ, 150 గ్రాముల పనీర్ కర్రీ, సలాడ్ తీసుకోవచ్చు. శుక్రవారం 150 గ్రాముల చికెన్ టిక్కా లేదా ఫిష్ టిక్కా, సలాడ్స్ తీసుకోవచ్చు. ఆదివారం 170 గ్రాముల గ్రిల్డ్ చికెన్ సలాడ్ తీసుకోవచ్చు.
ఫాస్టింగ్ ఉన్న సమయంలో ఏమి తినకూడదు. కానీ శరీరాన్ని నిలవరించేందుకు కొన్ని డ్రింక్స్ తీసుకోవచ్చు. నీళ్లు లేదా గ్రీన్ టీ, లేదా బ్లాక్ కాఫీ వంటివి ఫాస్టింగ్ వింగ్లో తీసుకోవచ్చు. ఈ రూల్ని మీరు ఫాలో అవుతూ.. వ్యాయామాన్ని కూడా జోడిస్తే బరువు తగ్గడంలో మంచి ఫలితాలు చూస్తారు.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
