Doppelgangers : మనిషిని పోలిన మనుషులు ఏడుగురు ఉంటారా? పరిశోధనలో బయటపడిన ఆసక్తికర విషయాలు ఇవే
Myth of Seven Lookalikes : ప్రపంచంలో మనిషిని పోలిన మనుషులు ఏడుగురు ఉంటారని అంటూ ఉంటారు. ఇది ఎంతవరకు నిజం? దీని వెనుక ఉన్న నిజం ఏమిటో ఇప్పుడు తెలుసుకుందాం.
- మానవ పోలికల 'ఏడుగురు నకిలీలు' నమ్మకానికి శాస్త్రీయ ఆధారం లేదు.
- ఖచ్చితమైన ముఖ పోలికలు చాలా అరుదని పరిశోధనలు స్పష్టం చేస్తున్నాయి.
- ఒకేలాంటి రూపం, కేశాలంకరణ అపరిచితులను పోలినట్లు చేయగలవు.
- కొన్ని జన్యు నమూనలు అపరిచితులలో ఆశ్చర్యకరమైన పోలికలు సృష్టిస్తాయి.
Human Lookalikes Fact vs Myth : ప్రపంచంలోని ప్రతి మాదిరిగా ఏడుగురు(Seven Identical Lookalikes).. ఒకే పోలికలు కలిగినవారు ఉంటారని ఎన్నో దశాబ్దాలుగా నమ్ముతున్నారు. అందుకే మనిషిని పోలిన మనుషులు 7గురు ఉన్నారు అంటుంటారు. అయితే దీనికి ఎలాంటి శాస్త్రీయ ఆధారాలు లేవని.. ఇది కేవలం జానపద కథల ఆధారంగా ఏర్పడిన ఒక కట్టుకథ అని అనేవాళ్లు కూడా ఉన్నారు. కానీ పరిశోధకుల ప్రకారం.. అపరిచితులు ఒకేలా కనిపించినప్పటికీ.. 100% ఒకేలాంటి ముఖం ఉండే అవకాశాలు చాలా తక్కువ అని అంటున్నారు.
అడిలైడ్ విశ్వవిద్యాలయంలోని పరిశోధకులు దీనిపై అధ్యయనం చేశారు. అనేక కీలక ముఖ కొలతలను విశ్లేషించి.. ఇద్దరు అపరిచితులు అన్ని ముఖ లక్షణాలతో కచ్చితంగా కలవడం అనేది ట్రిలియన్లో ఒకటి అని కనుగొన్నారు. సుమారు 8 బిలియన్ల ప్రపంచ జనాభాతో.. అటువంటి ఖచ్చితమైన సరిపోలిక అసాధ్యంగా పరిగణిస్తున్నారు.
లుక్స్ బట్టి డిసైడ్ చేస్తారా..
మనుషులు కచ్చితమైన కొలతల కంటే వారి మొత్తం రూపాన్ని బట్టి ముఖాలను గుర్తిస్తారు. ఒకేలాంటి హెయిర్ స్టైలింగ్, గడ్డం, మీసాలు, కంటి రంగు లేదా హావభావాలు, వారి ముఖ లక్షణాలలో గణనీయమైన తేడాలు ఉన్నప్పటికీ.. ఇద్దరు అపరిచితులను దాదాపు ఒకేలా కనిపించేలా చేయగలవని తెలిపారు.
అపరిచితుల ముఖాలలో అద్భుతమైన పోలికలు ఉన్నాయని శాస్త్రీయ పరిశోధనలో తేలింది. ఈ వ్యక్తులను కొన్నిసార్లు కవల అపరిచితులు అని పిలుస్తారు. అయితే ప్రపంచవ్యాప్తంగా తమలాగే కనిపించే వ్యక్తులను డాపెల్గ్యాంగర్ అని పిలుస్తారు. అయితే వారు కవలలు కాదు. కేవలం ముఖంలోని కొన్ని లక్షణాలు మాత్రమే పోలి ఉండవచ్చు.
డీఎన్ఏ ఒకటే అయినా రూపంలో తేడా?
ప్రతి మనిషి తమ DNAలో సుమారు 99.9 శాతం పంచుకున్నప్పటికీ.. ముఖ రూపం కేవలం ఒక చిన్న భాగం ద్వారానే నిర్ణయిస్తారు. ఎందుకంటే బిలియన్ల కొద్దీ ప్రజలు అనేక జన్యు లక్షణాలను పంచుకుంటారు. అందుకే ఎలాంటి జీవ సంబంధం లేకపోయినా కూడా అపరిచితుల ముఖాలు ఆశ్చర్యకరంగా ఒకేలా ఉంటారు.
ఈ వ్యక్తులు ముఖ లక్షణాలను ప్రభావితం చేసే కొన్ని జన్యు నమూనాలను పంచుకోవచ్చు. అంతేకానీ ప్రతి ఒక్కరిలాంటి వారు ఏడుగురు ఉంటారనే వాదనకు ఎలాంటి శాస్త్రీయ ఆధారం లేదు. ప్రస్తుతం సోషల్ మీడియా వల్ల ప్రపంచవ్యాప్తంగా ఒకేలా కనిపించే వ్యక్తుల ఫోటోలు వైరల్ అవుతున్నాయి. దీంతో ప్రతి ఒక్కరికీ ఏడుగురు డూప్స్ ఉంటారు అనే నమ్మకం మరింత బలపడింది. కానీ వైరల్ ఉదాహరణలు శాస్త్రీయ ఆధారాలు కావని చెప్తున్నారు పరిశోధకులు.
టాప్ హెడ్ లైన్స్
ట్రెండింగ్ వార్తలు
