Choco Chip Cookies : చాకో చిప్ కుకీస్ సింపుల్, టేస్టీ రెసిపీ.. ఎగ్ లేకుండా ఎలా చేయవచ్చంటే
Choco Chip Cookies Recipe : గ్యాస్ స్టౌవ్ లేకుండా ఇంట్లోనే ఈజీగా చాకో చిప్ కుకీస్ చేసుకోవచ్చు. అతి తక్కువ పదార్థాలతో, ఎగ్ లేకుండా చేసుకోగలిగే ఈ టేస్టీ రెసిపీని ఇప్పుడు చూసేద్దాం.
Eggless Choco Chip Cookies Recipe : ఇంట్లోనే పిల్లలకు బేక్ చేసిన ఫుడ్స్ పెట్టాలనుకుంటే.. ఇంట్లోనే ఈజీగా చాకో చిప్ కుకీస్ చేసుకోవచ్చు. ఎగ్ లేకుండానే.. అతి తక్కువ మైదాపిండితో వీటిని టేస్టీగా చేసుకోవచ్చు. సింపుల్గా, టేస్టీగా కుకీస్ ఎలా చేయాలో.. వాటిని తయారు చేయడానికి కావాల్సిన పదార్థాలు ఏంటో ఇప్పుడు చూసేద్దాం.
కావాల్సిన పదార్థాలు
బటర్ - 60 గ్రాములు
బ్రౌన్ షుగర్ -110 గ్రాములు
పాలు -15 గ్రాములు
బేకింగ్ పౌడర్ - అర టీస్పూన్
వెనీలా ఎక్స్ట్రాక్ట్ -1/2 tsp
మొక్కజొన్న పిండి - 60 గ్రాములు
మైదా పిండి - 90 గ్రాములు
బేకింగ్ సోడా -1/8 టీస్పూన్
ఉప్పు - చిటికెడు
డార్క్ చాక్లెట్ చిప్స్ - 70 గ్రాములు
తయారీ విధానం
చాక్లెట్ కుకీస్ చేయాలనుకుంటే ముందుగా ఒక బౌల్లో 60 గ్రాముల బట్టర్, 110 గ్రాముల బ్రౌన్ షుగర్ వేసుకుని బీటర్ లేదా విస్క్తో బాగా కలపాలి. షుగర్ కాస్త కరిగి.. బటర్ మెత్తగా అయ్యే వరకు బీట్ చేయాలి. తర్వాత అందులో అర టీస్పూన్ వెనిల్లా ఎక్స్ట్రాక్ట్ వేసి మరోసారి బాగా కలపాలి.
ఇంకో బౌల్ తీసుకుని అందులో 90 గ్రాముల మైదా, మొక్కజొన్న పిండి, అర టీస్పూన్ బేకింగ్ పౌడర్, 1/8 టీస్పూన్ బేకింగ్ సోడా, ఒక చిటికెడు ఉప్పు వేసి జల్లించాలి. అలాగే 70 గ్రాముల డార్క్ చాక్లెట్ చంక్స్ లేదా చిప్స్ను ఈ పిండి మిశ్రమంలో వేసి కలపాలి. ఇప్పుడు ఈ డ్రై ఇంగ్రిడియెంట్స్ను బట్టర్ మిశ్రమంలో కొద్దికొద్దిగా వేసుకుంటూ కలపాలి.
View this post on Instagram
మిక్స్ చేసిన తర్వాత 15 గ్రాముల పాలను కూడా జోడిస్తూ ముద్దలా చేసుకోవాలి. అయితే ఎక్కువసేపు కలపకూడదు. మిశ్రమం కలిసిన వెంటనే ఆపేయాలి. చివరగా చాకో చిప్స్ కలిసేలా చేసి రౌండ్ కలుపుకోవాలి. తయారైన పిండిని.. క్లింగ్ ర్యాప్తో కప్పి కనీసం 15 నుంచి 20 నిమిషాలు ఫ్రిజ్లో ఉంచాలి. తర్వాత బయటకు తీసి సమాన పరిమాణంలో చిన్న చిన్న బాల్స్లా చేసుకోవాలి. వీటిని బేకింగ్ ట్రేలో అమర్చి.. కాస్త ఒత్తి పైన మిగిలిన డార్క్ చాక్లెట్ చిప్స్ లేదా చంక్స్ పెట్టాలి.
వీటిని 180 డిగ్రీల వద్ద ప్రీహీట్ చేసిన ఓవెన్లో పెట్టి.. 15 నుంచి 20 నిమిషాలు బేక్ చేయాలి. కుకీస్ కింద భాగం లైట్ బ్రౌన్ కలర్లోకి మారినప్పుడు అవి రెడీ అయినట్టే. బయటకు తీసి కాస్త చల్లారనిచ్చాక టేస్టీ, సాఫ్ట్ చాక్లెట్ కుకీస్ను ఆస్వాదించొచ్చు. సమ్మర్లో పిల్లలకు టేస్టీగా చేయాలనుకుంటే వీటిని ఈజీగా చేసుకోవచ్చు. స్టౌవ్ అవసరం కూడా లేకుండా వీటిని ఈజీగా ప్రిపేర్ చేసుకోవచ్చు.
టాప్ హెడ్ లైన్స్
ట్రెండింగ్ వార్తలు
