Hair Fall Remedies : జుట్టురాలడాన్ని తగ్గించే ఇంటి చిట్కాలు.. చలికాలంలో ఫాలో అయితే హెయిర్ బాగా పెరుగుతుందట

Hair Care : చలికాలంలో వివిధ కారణాల వల్ల జుట్టు ఎక్కువగా రాలిపోతూ ఉంటుంది. అయితే ఈ సింపుల్ ఇంటి చిట్కాలతో జుట్టు రాలడాన్ని కంట్రోల్ చేసేయండిలా..

జుట్టు పెరుగుదలను ప్రమోట్ చేసే ఇంటి చిట్కాలు(Image Source : Envato)

Source : envato

Hair Growth Remedies : వింటర్​లో చాలామందికి చుండ్రు సమస్యతో పాటు జుట్టు రాలే సమస్య ఎక్కువగా ఉంటుంది. అయితే మీరు కొన్ని ఇంటి చిట్కాల రోజూ ఫాలో అయితే జుట్టు రాలడం తగ్గుతుందట. అంతేకాకుండా హెయిర్ గ్రోత్ కూడా ఇంప్రూవ్ అవుతుందని చెప్తున్నారు. మరి ఇంట్లో సింపుల్​గా ఫాలో అవ్వగలిగే చిట్కాలు, హెయిర్​ ప్యాక్​లు ఏంటో ఇప్పుడు చూసేద్దాం. 

గ్రీన్ టీ

గ్రీన్​ టీ ఆరోగ్యానికే కాదు.. జుట్టు పెరుగుదలకు కూడా చాలా మంచిది. ఇది జుట్టు రాలడాన్ని తగ్గిస్తుంది. ముందుగా గ్రీన్​ టీని కాచి.. దానిని చల్లారనివ్వాలి. తలస్నానం చేసిన తర్వాత.. టీతో స్కాల్ప్​కి మసాజ్ చేయాలి. ఓ గంట దానిని తలకు ఉంచి.. అనంతరం చల్లని నీటితో జుట్టును వాష్ చేయాలి. ఇది జుట్టును హెల్తీగా, స్ట్రాంగ్​గా చేస్తుంది. 

రోజ్​మెరీ ఆయిల్

రోజ్​మెరీ ఆయిల్ తలలో బ్లడ్ సర్క్యూలేషన్​ని పెంచుతుంది. స్కాల్ప్ ఫోలికల్స్​ని మెరుగుపరిచి జుట్టు రాలడాన్ని తగ్గిస్తుంది. రోజ్​మెరీ ఆయిల్​ కొన్ని చుక్కలు తీసుకుని.. స్కాల్ప్​పై మసాజ్ చేయాలి. దీనిని అరగంట ఉంచి లేదా రాత్రంతా ఉంచి.. ఉదయాన్నే షాంపూతో తలస్నానం చేయాలి. రెగ్యులర్​గా ఫాలో అయితే జుట్టు పెరుగుదలను మీరే చూస్తారు. 

మెంతులు 

జుట్టు సమస్యలను దూరం చేయడంలో మెంతులు మంచి ఫలితాలిస్తాయి. జుట్టు రాలడాన్ని తగ్గిస్తాయి. వీటిలో ప్రోటీన్, నికొటినిక్ యాసిడ్, ఇతర పోషకాలు ఉంటాయి. ఇవి జుట్టు పెరుగుదలను పెంచుతాయి. 

యాపిల్ సైడర్ వెనిగర్

యాపిల్ సైడర్ వెనిగర్ స్కాల్ప్​లో pHను బ్యాలెన్స్ చేస్తుంది. అంతేకాకుండా జుట్టురాలడాన్ని తగ్గించడంలో హెల్ప్ చేస్తుంది. జుట్టుకు షైన్​ని అందించి.. స్కాల్ప్ హెల్త్​ని ప్రమోట్ చేస్తుంది. 

కొబ్బరి నూనె 

కొబ్బరి నూనెలో ఫ్యాటీ యాసిడ్స్ ఉంటాయి. ఇవి జుట్టులో ప్రోటీన్ తగ్గకుండా హెల్ప్ చేస్తాయి. ఆయిల్​ని వేడి చేసి.. తలపై మసాజ్ చేసి.. రాత్రంతా ఉంచి.. ఉదయాన్నే తలస్నానం చేస్తే జుట్టుకి మంచి పోషణ అందుతుంది. డ్రై హెయిర్ తగ్గి.. హెల్తీగా మారుతుంది. 

ఉల్లిపాయ జ్యూస్

ఉల్లిపాయ జ్యూస్​ని తలకు అప్లై చేస్తే జుట్టు రాలడం తగ్గుతుంది. దీనిలోని సల్ఫర్ జుట్టు పెరుగుదలని ప్రమోట్ చేస్తాయి. అలాగే జుట్టును స్ట్రాంగ్ చేస్తుంది. తలలో రక్తప్రసరణను పెంచి.. హెయిర్​ గ్రోత్​కి హెల్ప్ చేస్తుంది. 

ఆముదం కూడా జుట్టు పెరుగుదలకు మంచిది. అలెవెరా జెల్​ని హెయిర్​కి ప్యాక్​గా వేసుకున్నా జుట్టుకు మంచి పోషణ అందుతుంది. ఎగ్ మాస్క్​ కూడా  మంచి ఫలితాలు ఇస్తుంది. కాబట్టి వీటిని మీ హెయిర్​ కేర్ రోటీన్​లో ఫాలో అయితే జుట్టు రాలడం తగ్గి.. పెరుగుదల స్పష్టంగా కనిపిస్తుంది. అయితే వీటిని కంటిన్యూగా చేస్తే మంచి ఫలితాలుంటాయి. గుడ్ థింగ్స్ కెన్ టేక్ టైమ్​ అన్నట్టుగానే.. రెగ్యులర్​గా ఈ టిప్స్ ఫాలో అయితే జుట్టు మంచి కండీషన్​లోకి మారుతుంది. జుట్టు రాలడం తగ్గి గ్రోత్ ఉంటుంది.