Pregnancy Precautions : అబార్షన్కి కారణాలు ఇవే.. ప్రెగ్నెన్సీతో ఉన్నవారు తప్పక తీసుకోవాల్సిన జాగ్రత్తలు ఇవే
Pregnancy Miscarriage : ప్రెగ్నెన్సీ సమయంలో ఏ మాత్రం నిర్లక్ష్యంగా ఉన్నా అబార్షన్ అయ్యే ప్రమాదం ఎక్కువగా ఉంటుంది. ముఖ్యంగా మొదటి మూడు నెలలు జాగ్రత్తగా ఉండాలంటున్నారు నిపుణులు. అవేంటో చూసేద్దాం.
Pregnancy Warning Signs : తల్లికావడం అనేది ప్రతి మహిళ జీవితంలో ఎంతో ప్రత్యేకమైన దశ. మానసికంగా, శారీరకంగా ఎన్ని ఇబ్బందులు వచ్చినా, ఎన్ని మార్పులు వచ్చినా తల్లి అవ్వాలనే కోరికతో ప్రెగ్నెంట్ కావాలని కోరుకుంటారు. ఈ సమయంలో శరీరంలో అనేక మార్పులు జరుగుతాయి. కొన్ని సందర్భాల్లో అనుకోకుండా గర్భస్రావం (Miscarriage) జరగవచ్చు. అయితే ఇది ప్రతీసారి తల్లి చేసే తప్పు వల్ల జరగదు. మరి వైద్యులు చెప్తోన్న కారణాలు ఏంటో.. తీసుకోవాల్సిన జాగ్రత్తలు ఏంటో ఇప్పుడు తెలుసుకుందాం.
గర్భస్రావం అంటే ఏమిటి?
20 వారాల లోపు గర్భం సహజంగా నిలవకపోవడాన్ని గర్భస్రావం అంటారు. ముఖ్యంగా మొదటి మూడు నెలల్లో జరిగే గర్భస్రావాలు ఎక్కువగా ఉంటాయని వైద్యులు చెబుతున్నారు.
గర్భస్రావానికి కారణాలు
ప్రెగ్నెన్సీ అబార్డ్ అవ్వడానికి ఎన్నో కారణాలు ఉంటాయి. క్రోమోజోమ్ లోపాలు, ఎంబ్రియోలో జన్యుపరమైన లోపాలు ఉంటే గర్భం సహజంగానే పోతుంది. ఇది చాలామందిలో ఎక్కువగా కనిపించే కారణంగా చెప్తున్నారు. అలాగే హార్మోన్ అసమతుల్యత, ప్రొజెస్టెరోన్ హార్మోన్ తక్కువగా ఉండటం, థైరాయిడ్ సమస్యల వల్ల కూడా ప్రమాదం పెరగవచ్చు. డయాబెటిస్, హై బీపీ, థైరాయిడ్, ఆటో ఇమ్యూన్ వంటి వ్యాధులు కంట్రోల్ కాకపోతే కూడా గర్భస్రావం జరగవచ్చు.
వైరల్, బ్యాక్టీరియా ఇన్ఫెక్షన్లు కూడా గర్భంపై ప్రభావం చూపిస్తాయి. అంతేకాకుండా స్మోకింగ్, మద్యం సేవించడం, డ్రగ్స్ వినియోగం, కెఫిన్ వినియోగం, తీవ్రమైన మానసిక ఒత్తిడి కూడా ప్రెగ్నెన్సీని బ్రేక్ చేస్తుంది. 35 ఏళ్లు వయసు పైబడిన తర్వాత, అలాగే వయస్సు పెరిగే కొద్దీ ప్రమాదం కొద్దిగా పెరుగుతుంది.
తీసుకోవాల్సిన జాగ్రత్తలివే
ప్రెగ్నెంట్గా ఉన్నప్పుడు రెగ్యులర్ చెక్-అప్స్ చేయించుకోవాలి. డాక్టర్ సూచించిన స్కాన్లు, బ్లడ్ టెస్టులు చేయించుకోవాలి. ఫోలిక్ యాసిడ్, సప్లిమెంట్స్ తీసుకోవాలి. పండ్లు, కూరగాయలు, ప్రోటీన్ ఎక్కువగా ఉండే సమతుల్య ఆహారం తీసుకోవాలి. భారీ బరువులు ఎత్తకూడదు. అలాగే ఒత్తిడిని తగ్గించుకోవాలి. అలాగే ధ్యానం, తేలికపాటి నడక కూడా చేస్తే మంచిది. ఏ మందు అయినా వైద్యుల సలహా తీసుకోవాలి. తీవ్రమైన కడుపు నొప్పి, అధిక రక్తస్రావం, జ్వరం, అకస్మాత్తుగా గర్భ లక్షణాలు తగ్గిపోతుంటే వెంటనే వైద్యుడి దగ్గరికి వెళ్లండి.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
