Stress Increase Diabetes : ఒత్తిడి వల్ల డయాబెటిస్ పెరుగుతుందా? మగవారిలో పెరుగుతున్న సైలెంట్ సమస్య
Stress and Diabetes : మగవారిలో స్ట్రెస్ పెరిగితే షుగర్ కూడా పెరుగుతుందఅని అంటున్నారు నిపుణులు. వీటి మధ్య సంబంధం ఏంటి? ఒత్తిడి, మధుమేహం పెరగడానికి కారణాలు ఏంటో చూసేద్దాం.
- మధుమేహం శారీరకంగానే కాదు, మానసికంగానూ ఒత్తిడిని కలిగిస్తుంది.
- పురుషులు తమ మానసిక సమస్యలను పంచుకోకపోవడం వలన వ్యాధి తీవ్రమవుతుంది.
- మధుమేహం నియంత్రణకు మందులతో పాటు కౌన్సిలింగ్, కుటుంబ మద్దతు అవసరం.
- వ్యాయామం, సమతుల్య ఆహారం, ధ్యానం, తగినంత నిద్ర ఒత్తిడిని తగ్గిస్తాయి.
Hidden Link Between Stress and Diabetes in Men : డయాబెటిస్ అనేది శారీరక సమస్య అనే అనుకుంటారు. కానీ నిపుణులు అది మానసికంగా కూడా చాలా పెద్ద ప్రభావం చూపించే వ్యాధి అని అంటున్నారు. ముఖ్యంగా మగవారిలో ఈ సమస్య మరింత సైలెంట్గా, బయటపడకుండా ఎక్కువకాలం కొనసాగుతుందని చెప్తున్నారు. ఎందుకంటే మగవారు తమ మానసిక సమస్యలను బయట డిస్కషన్ చేయకపోవడం వల్లే ఈ దీర్ఘకాలిక సమస్యలు పెరుగుతున్నాయంటున్నారు.
మధుమేహానికి, మానసిక ఆరోగ్యానికి ఇదే సంబంధం
డయాబెటిస్ ఉన్నవారు ప్రతిరోజూ బ్లడ్ షుగర్ లెవల్స్ చెక్ చేయడం, డైట్ కంట్రోల్, ఎక్సర్సైజ్ వంటి క్రమశిక్షణ పాటించాలి. ఇది శారీరకంగా మాత్రమే కాదు. మానసికంగా కూడా ఒత్తిడిని కలిగిస్తుంది. అంతర్జాతీయ అధ్యయనాల ప్రకారం.. డయాబెటిస్ ఉన్నవారిలో డిప్రెషన్ వచ్చే అవకాశం 2 రెట్లు ఎక్కువగా ఉంటుందని అంటున్నారు. ఈ ఒత్తిడి వల్ల బాడీ, మైండ్ రెండూ ప్రభావితం అవుతాయట.
మగవారిలో మానసిక సమస్యలు
మగవారు మానసికంగా ఇబ్బంది పడుతున్నా.. వారు బయట పడకుండా ఉండడానికి కొన్ని కారణాలు ఉన్నాయట. సామాజిక ఒత్తిడి వల్ల తాము బలహీనులమని ఒప్పుకోలేక స్ట్రగుల్ అవుతున్నారు. అలాగే ఎమోషన్స్, ఫీలింగ్స్ షేర్ చేసుకుంటే.. అపార్థం చేసుకుంటారనే భయంతో పాటు.. వైద్య సహాయం తీసుకోవాలన్నా సంకోచించడం వల్లే ఇలా జరుగుతుంది అంటున్నారు. ఈ మౌనం సమస్యను మరింత తీవ్రమయ్యేలా చేస్తుందని నిపుణులు అంటున్నారు
డయాబెటిస్ స్ట్రెస్
డయాబెటిస్ ఉన్నప్పుడు మానసిక సమస్యలు పెరగడానికి కొన్ని కారణాలు ఉన్నాయి. వైద్యులు సూచించిన మందులు సమయానికి తీసుకోకపోవడం, డైట్ ఫాలో కాకపోవడం, వ్యాయామం చేయకపోవడం వల్ల బ్లడ్ షుగర్ లెవల్స్ కంట్రోల్లో ఉండవు. అప్పుడే శారీరక సమస్యలు పెరిగితే.. మానసికంగా మరింత కృంగిపోతారని చెప్తున్నారు.
నిపుణుల సూచనలు..
ఎండోక్రైనాలజిస్టులు, సైకాలజిస్టులు డయాబెటిస్ ఉన్నవారు.. మానసిక ఆరోగ్య స్క్రీనింగ్ చేయించుకోవాలని అంటున్నారు. మధుమేహాన్ని కంట్రోల్ చేయాలంటే.. కేవలం మందులు సరిపోవని.. కౌన్సిలింగ్ కూడా అవసరమని అంటున్నారు. అలాగే ఫ్యామిలీ సపోర్ట్ ఇంపార్టెంట్ అంటున్నారు.
తీసుకోవాల్సిన జాగ్రత్తలు
రెగ్యులర్గా వ్యాయామం చేయడంతో పాటు.. సమతుల్య ఆహారం తీసుకోవాలి. అలాగే మెడిటేషన్ అలవాటు చేసుకుంటే మంచిది. ఒత్తిడి, మధుమేహాన్ని బ్యాలెన్స్ చేసుకోవడానికి నిద్ర చాలా ముఖ్యం. అలాగే రెగ్యులర్గా మధుమేహాన్ని చెక్ చేసుకుంటూ.. వైద్యులు సూచించిన మందులు తీసుకోవాలి. అలాగే ఏదైనా స్ట్రెస్ ఉంటే నచ్చినవాళ్లతో షేర్ చేసుకోవాలని సూచిస్తున్నారు. కెఫిన్, ఆల్కహాల్కు దూరంగా ఉండాలి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
