Right Time to Drink Water : నీళ్లు ఏ సమయంలో తాగితే మంచిది? ఇలా తాగితేనే బెస్ట్, లేదంటే సమస్యలు రావచ్చు
Drinking Water the Right Way : చాలామంది రోజంతా నీరు తాగుతారు. అలాగే ఎన్ని గ్లాస్లు తాగామనేది చూసుకుంటారు కానీ.. ఎప్పుడు తాగాము అనేది పట్టించుకోరు. కానీ అది కూడా ముఖ్యమంటున్నారు నిపుణులు.
- ఉదయం నిద్రలేవగానే రెండు గ్లాసుల నీళ్లు తాగండి.
- భోజనానికి అరగంట ముందు నీళ్లు ఆకలిని నియంత్రిస్తాయి.
- వ్యాయామానికి ముందు, తర్వాత నీళ్లు శరీరాన్ని హైడ్రేట్ చేస్తాయి.
- దాహం వేయకపోయినా, రోజంతా కొద్దికొద్దిగా నీళ్లు తాగాలి.
Best Times to Drink Water Throughout the Day : నీళ్లు శరీరానికి అత్యంత అవసరమైనవి. శరీర ఉష్ణోగ్రతను నియంత్రించడం నుంచి జీర్ణక్రియ, రక్త ప్రసరణ, టాక్సిన్స్ బయటకు పంపించడం వరకు అనేక పనుల్లో కీలక పాత్ర పోషిస్తుంది నీరు. ఈరోజుల్లో చాలామంది నీళ్లు ఎంత తాగాలి అనే విషయంపై మాత్రమే దృష్టి పెడుతున్నారు. కానీ నీళ్లు ఎప్పుడు తాగాలి అన్నది కూడా అంతే ముఖ్యమని అంటున్నారు నిపుణులు. సరైన సమయంలో నీళ్లు తాగితే శరీరానికి మరింత మేలు జరుగుతుందని నిపుణులు చెప్తున్నారు. దీనిపై కొన్ని సూచనలు కూడా ఇస్తున్నారు.
ఉదయం నిద్రలేవగానే
రాత్రంతా శరీరం నీరు తీసుకోకుండా ఉంటుంది. కాబట్టి ఉదయం లేవగానే ఒకటి లేదా రెండు గ్లాసుల నీళ్లు తాగడం వల్ల శరీరం హైడ్రేట్ అవుతుంది. ఇది మెటాబాలిజాన్ని యాక్టివేట్ చేయడంలో, జీర్ణక్రియ మెరుగుపరచడంలో సహాయపడుతుంది. ఇది కొందరిలో మలబద్ధకం తగ్గించడంలో కూడా హెల్ప్ చేస్తుంది.
భోజనానికి ముందు
భోజనం చేయడానికి 20 నుంచి 30 నిమిషాల ముందు నీళ్లు తాగడం వల్ల ఆకలి అదుపులో ఉంటుంది. అలాగే జీర్ణక్రియకు కూడా మంచిది. బరువు తగ్గాలనుకునేవారికి ఇది చాలా ఉపయోగకరమైన టిప్గా చెప్తున్నారు నిపుణులు.
భోజనం చేసిన వెంటనే
తిన్న వెంటనే చాలామంది ఎక్కువగా నీళ్లు తాగుతారు. ఇలా చేయడం వల్ల జీర్ణరసాలు పలుచబడతాయని కొందరు నిపుణులు చెప్తున్నారు. దీనివల్ల జీర్ణక్రియ నెమ్మదిస్తుంది. అందుకే భోజనం చేసిన వెంటనే కాకుండా కొద్దిసేపటి తర్వాత నీళ్లు తాగడం మంచిదని సూచిస్తున్నారు.
వ్యాయామానికి ముందు
వ్యాయామం చేసే ముందు నీళ్లు తాగడం వల్ల శరీరం డీహైడ్రేషన్కి గురికాకుండా ఉంటుంది. అలాగే వ్యాయామం తర్వాత చెమట ద్వారా కోల్పోయిన ద్రవాలను భర్తీ చేయడానికి నీళ్లు అవసరం. ముఖ్యంగా వేసవిలో ఇది మరింత ముఖ్యమైన అంశం.
దాహం వేయకపోయినా..
చాలామంది దాహం వేసినప్పుడు మాత్రమే నీళ్లు తాగుతారు. కానీ దాహం అనిపించే సమయానికి శరీరం కొంత డీహైడ్రేట్ అయి ఉండొచ్చు. అందుకే రోజంతా కొద్దికొద్దిగా నీళ్లు తాగుతూ ఉండడం మంచిదని చెప్తున్నారు నిపుణులు.
నిద్రకు ముందు
రాత్రుళ్లు నిద్రపోయే ముందు ఎక్కువగా నీళ్లు తాగితే మధ్యరాత్రిలో పదే పదే మూత్రానికి లేవాల్సి రావచ్చు. దీంతో నిద్ర డిస్టర్బ్ అవుతుంది. అయితే పూర్తిగా నీళ్లు మానేయడం కూడా మంచిది కాదు. అవసరానికి తగ్గట్టుగా మాత్రమే తీసుకోవాలి.
ఎంత తాగాలి?
ప్రతి ఒక్కరికీ నీటి సామర్థ్యం ఒకేలా ఉండదు. వారు ఉండే ప్రదేశం, వయసు, శారీరక శ్రమ, ఆరోగ్య పరిస్థితులను ఈ కొలత మారుతుంది. సాధారణంగా రోజుకు 2 నుంచి 3 లీటర్ల నీరు తాగాలని నిపుణులు సూచిస్తారు. అయితే కిడ్నీ, గుండె సంబంధిత సమస్యలు ఉన్నవారు వైద్యుల సలహా మేరకు నీటి పరిమాణాన్ని డిసైడ్ చేసుకోవాలి. నీళ్లు సరైన సమయంలో, సరైన పరిమాణంలో తాగడం వల్ల శరీరం చురుకుగా ఉండటమే కాకుండా అనేక ఆరోగ్య సమస్యలను దూరంగా ఉంచుతుంది.
మరిన్ని హెల్త్ ఆర్టికల్స్ కోసం ఈ లింక్ క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
