Heart Health : కొలెస్ట్రాల్ తగ్గించే నట్స్, గుండె ఆరోగ్యం కోసం.. జీడిపప్పు, బాదంతో పాటు వీటిని తినేయండి

Nuts That Protect Your Heart : గుండె ఆరోగ్యాన్ని కాపాడుకోవాలనుకుంటే.. శరీరంలో కొలెస్ట్రాల్ స్థాయిలను అదుపులో ఉంచుకోవాలి.  కొవ్వును తగ్గించేందుకు కొన్ని నట్​ మీ డైట్​లో చేర్చుకోండి.

గుండెకు మేలు చేసే నట్స్ ఇవే

Source : Freepik

Nuts to Reduce Cholesterol : గుండె ఆరోగ్యాన్ని జాగ్రత్తగా కాపాడుకోవాలనుకుంటున్నారా ? అయితే మీరు శరీరంలో కొలెస్ట్రాల్ స్థాయిలు తగ్గించుకోవాలి అంటున్నారు నిపుణులు. కొవ్వును తగ్గించుకునేందుకు వ్యాయామంతో పాటు డైట్​లో కొన్ని మార్పులు చేసుకోవాలని సూచిస్తున్నారు. అయితే దీనిలో భాగంగా నట్స్​ తీసుకోవచ్చని చెప్తున్నారు. కొన్ని నట్స్ కొలెస్ట్రాల్ తగ్గించుకోవడంలో మంచి పాత్ర పోషిస్తాయి. ఇవి క్రమేణా గుండె ఆరోగ్యానికి మేలు చేస్తాయి. 

జీడిపప్పు..

జీడిపప్పు చాలామంది దూరం పెడతారు. జీడిపప్పులో మోనోశాచురేటెడ్ ఫ్యాట్స్ ఉంటాయి. మెగ్నీషియం ఉంటాయి. ఈ రెండు పదార్థాలు కొలెస్ట్రాల్ స్థాయిలను తగ్గిస్తాయి. కాబట్టి గుండె ఆరోగ్యానికి కూడా మేలు జరుగుతుంది. 

వేరుశెనగ 

వేరుశెనగ తినడం వల్ల మీ కొలెస్ట్రాల్ స్థాయిలు నియంత్రణలో ఉంటాయి. పచ్చి వేరుశెనగ తినడం మరింత ప్రయోజనకరంగా ఉంటుందని చెప్తున్నారు. అలాగే వేరుశెనగలో పాలిఫెనాల్స్ గుండెకు ఆరోగ్యకరమైన కొవ్వులు ఉంటాయి. ఇవి కూడా కొలెస్ట్రాల్ నియంత్రించడంలో హెల్ప్ చేస్తాయి. కొవ్వు కంట్రోల్​లో ఉంటే.. గుండె ఆరోగ్యం కూడా మెరుగుపడుతుంది. 

పిస్తా

గుండెను జాగ్రత్తగా చూసుకోవాలనుకుంటే.. చెడు కొలెస్ట్రాల్ తగ్గించుకోవాలనుకుంటే.. పిస్తాపప్పులను కూడా డైట్​లో చేర్చుకోవచ్చు. ఎందుకంటే పిస్తాలలో ఫైబర్ ఉంటుంది. ఈ నట్స్ శరీరంలోని కొలెస్ట్రాల్ స్థాయిలు తగ్గించడంలో సహాయపడతాయి. పిస్తాపప్పులు గుండె ఆరోగ్యాన్ని జాగ్రత్తగా చూసుకుంటాయి. 

వాల్​నట్స్.. 

వాల్​నట్స్​ కూడా ఆరోగ్యానికి ఎన్నో ప్రయోజనాలు ఇస్తుంది. ఇవి కూడా కొలెస్ట్రాల్ తగ్గించడంలో సహాయపడతాయి. వీటిలోని పిక్సెల్స్.. ఒమేగా-3 కొవ్వు ఆమ్లాలు, యాంటీఆక్సిడెంట్లతో నిండిన వాల్‌నట్‌లు మన శరీరంలోని చెడు కొలెస్ట్రాల్ స్థాయిలను తగ్గించడంలో సహాయపడతాయి.

బాదం..

ప్రతి ఉదయం రెండు, మూడు బాదం తింటే కూడా చాలా ప్రయోజనాలు అందుతాయి. బాదం గుండె ఆరోగ్యానికి మేలు చేస్తుంది. కొలెస్ట్రాల్ స్థాయిలను తగ్గించి.. హార్ట్ హెల్త్​ని ప్రమోట్ చేస్తుంది. 

ఈ నట్స్ రోజూ డైట్​లో చేర్చుకోవడం వల్ల కొలెస్ట్రాల్ కంట్రోల్​లో ఉంటుంది. అయితే వీటిని ఎక్కువ మోతాదులో తీసుకోకూడదు. ఆరోగ్యానికి మేలు చేస్తుంది కదా అని ఎక్కువగా తీసుకుంటే.. ఇబ్బందులు ఎదుర్కోవాల్సి వస్తుంది. వీటితో పాటు రెగ్యులర్​గా వ్యాయామాలు చేయాలి.

మెడికల్ చెకప్స్ కూడా చేయించుకోవాలి. చాలామందిలో ఉండే అపోహ ఏంటంటే లావుగా ఉండేవారికి మాత్రమే కొవ్వు ఉంది అనుకుంటారు. కానీ సన్నగా ఉండేవారికి కూడా కొలెస్ట్రాల్ ఉంటుంది. మరికొందరిలో ఎక్కువ స్థాయిలో ఉంటుంది. అలా విస్మరించడం వల్లే గుండె ప్రమాదాలు పెరుగుతున్నాయని చెప్తున్నారు. ఫ్యామిలీలో ఎవరైనా గుండె సమస్యలతో ఉంటే మీరు కూడా జాగ్రత్తగా ఉండాలని సూచిస్తున్నారు. 

గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

ఉదయాన్నే ఓట్స్ తినడం వల్ల కలిగే లాభాలు ఏంటి? బరువు తగ్గడంతో పాటు కొలెస్ట్రాల్ దూరం

మంకీ ఫీవర్​తో 29 ఏళ్ల వ్యక్తి మృతి.. లక్షణాలు, తీసుకోవాల్సిన జాగ్రత్తలివే