Monkey Fever : మంకీ ఫీవర్తో 29 ఏళ్ల వ్యక్తి మృతి.. లక్షణాలు, తీసుకోవాల్సిన జాగ్రత్తలివే
Monkey Fever Death : ఈ మధ్యకాలంలో కొత్త వైరస్లు.. ఎప్పుడో వచ్చి ఆగిపోయిన వ్యాధులు బయటకి వస్తున్నాయి. అలాగే మంకీ ఫీవర్ కూడా వచ్చింది. మరి దాని లక్షణాలు, తీసుకోవాల్సిన జాగ్రత్తలు ఏంటో చూసేద్దాం.
Monkey Fever (KFD) : కర్ణాటకలోని ఓ వ్యక్తి మంకీ ఫీవర్తో మృతి చెందాడు. కర్ణాటకలో క్యాసనూర్ ఫారెస్ట్ డిసీజ్ లేదా కోతి జ్వరంతో 29 ఏళ్ల వ్యక్తి మరణించడంతో.. ఈ వ్యాధిపై అందరి దృష్టి మళ్లీంది. పరిస్థితి తీవ్రమయ్యే వరకు ఈ అనారోగ్యం గుర్తించడమే కారణంగా చెప్తున్నారు నిపుణులు. తీర్థహళ్లి తాలూకా నివాసి అయిన యువకుడు జనవరి 28న ఉడిపి జిల్లాలోని ఒక ఆసుపత్రిలో మంకీ ఫీవర్తో చికిత్స పొందుతూ మరణించాడు.
సాధారణంగా ఇన్ఫెక్షన్ వచ్చిన వారంలోపు KFD గుర్తిస్తే.. రోగి బతికే అవకాశం దాదాపు 100 శాతం ఉంటుందని కర్ణాటక ఆరోగ్య శాఖ కమిషనర్ గురుదత్త తెలిపారు. లక్షణాలు కనిపించిన వెంటనే.. అధికారులు రోగిని ఆసుపత్రికి తరలించారని.. అయితే ఒక్క రోజులోనే KFDని నిర్ధారించారని, వెంటనే ఆస్పత్రికి రిఫర్ చేశామని తెలిపారు. కొన్ని రోజుల వరకు పరిస్థితి స్థిరంగానే ఉంది కానీ.. అకస్మాత్తుగా క్షీణించడంతో మృతి చెందినట్లు వెల్లడించారు.
మంకీ ఫీవర్ ఎలా వస్తుంది?
మంకీ ఫీవర్ అనేసరికి చాలామంది ఇది కోతుల నుంచి వస్తుంది అనుకుంటారు. కానీ ఇది కోతుల నుంచి మనుషులకు నేరుగా వ్యాపించదని డాక్టర్ ఐశ్వర్య ఆర్ తెలిపారు. ఈ వ్యాధి హేమాఫిసాలిస్ స్పినిగెరా అనే నిర్దిష్ట రకమైన ఫారెస్ట్ టిక్ ద్వారా వ్యాపిస్తుంది. ఉడుతలు, ఎలుకలు వంటివి జంతువులు సంక్రమణకు మూలాలు అని తెలిపారు. వాటి కాటు ద్వారా అనారోగ్యంతో లేదా చనిపోయిన కోతులు ద్వారా వ్యాధి బారిన పడతారు. అయితే ఇది మనుషుల నుంచి మనుషులకు వ్యాప్తి ఉండదు. సాధారణంగా ఈ కేసులు అక్టోబర్, నవంబర్లలో మొదలై.. జనవరి, ఏప్రిల్ నాటికి పెరుగుతాయని తెలిపారు.
మంకీ ఫీవర్ పెరగడానికి కారణాలు ఏంటి?
నిపుణుల ప్రకారం.. రక్షణ లేకుండా జంతువులను పట్టుకోవడం, అడవుల్లోకి వెళ్లడం లేదా వైరస్ సోకిన కోతులు చనిపోయిన ప్రాంతాలలో నివసించడం వల్ల KFD ప్రమాదం పెరుగుతుంది.
మంకీ ఫీవర్ లక్షణాలు ఏమిటి?
KFD లక్షణాలు సాధారణంగా 3 నుంచి 8 రోజుల్లో కనిపిస్తాయి. అవి తీవ్రమైన చలి, తీవ్రమైన తలనొప్పితో ప్రారంభమవుతాయి. దీని తరువాత ముక్కు, గొంతు, చిగుళ్ల నుంచి రక్తస్రావం, లో బీపీ, ప్లేట్లెట్స్ తగ్గడం, కొన్ని సందర్భాల్లో నాడీ సంబంధిత లక్షణాలు కూడా కనిపించవచ్చు. అలాగే వాంతులు, వికారం, కండరాల నొప్పులు, మానసిక సమస్యలు, వణుకు, కంటి చూపు తగ్గడం, తీవ్రమైన తలనొప్పులు దీని లక్షణాలు.
మంకీ ఫీవర్ ఎప్పుడు ప్రాణాంతకమంటే..
మంకీ ఫీవర్ మరణాల రేటు 2 నుంచి 10 శాతం మధ్య ఉంటుంది. వ్యాధిని ఎంత త్వరగా గుర్తిస్తే.. అంత త్వరగా చికిత్స అందించి ప్రాణాలు కాపాడుకోవచ్చు. సకాలంలో చికిత్సతో చేస్తే పూర్తిగా కోలుకుంటారు.
మంకీ ఫీవర్ ట్రీట్మెంట్
మంకీ ఫీవర్కి నిర్దిష్టమైన చికిత్స లేదు. కానీ చికిత్సలో IV ద్రవాలను ఇవ్వడం, రక్తస్రావాన్ని నిర్వహించడం, పూర్తి బెడ్ రెస్ట్ తీసుకోవడం వల్ల తగ్గించుకోవచ్చు. ప్రోటీన్-రిచ్ డైట్, హైడ్రేటెడ్గా ఉండడం కూడా ముఖ్యమే.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
