Barnyard Millet Dosa : ఈ దోశ బరువును, మధుమేహాన్ని కంట్రోల్ చేస్తుంది.. రెసిపీ ఇదే

Healthy Dosa Recipe : దోశలు అంటే చాలా మంది ఇష్టపడతారు. అలాంటి టేస్టీ దోశ.. హెల్తీ సుగుణాలతో మన ప్లేట్​లోకి వస్తే.. అబ్బా ఆ ఊహ ఎంత బాగుంది.

బరువును తగ్గించే టేస్టీ దోశ రెసిపీ (Image Source : Pinterest)

Adai Dosa Recipe : భారతీయ వంటల్లో వెజ్, నాన్​వెజ్​ వాళ్లు బ్రేక్​ఫాస్ట్​లలో ఎక్కువగా ఇష్టపడేది దోశలే. ఇవి మనకు అనేక రకాలుగా లభ్యమవుతాయి. ఆనియన్ దోశ, ప్లెయిన్ దోశ, మసాల దోశ.. ఇలా చెప్పుకుంటూ పోతే ఎన్నో ఫ్లేవర్​లలో దోశలు మనకు దొరుకుతాయి. అయితే ఇంట్లోనే హెల్తీగా, టేస్టీగా చేసుకోగలిగే దోశలు కూడా ఉన్నాయి. వాటిలో ఒకటి ఊదాల దోశ. దీనిని తయారు చేయడం చాలా ఈజీ. పైగా ఎక్కువ సమయం కూడా పట్టదు. టేస్ట్​లో అదరగొట్టడంతో పాటు.. ఆరోగ్యానికి కూడా చాలా మంచిది. మరి దీనిని ఎలా తయారు చేయాలి? కావాల్సిన పదార్థాలు ఏమిటో ఇప్పుడు తెలుసుకుందాం.  

కావాల్సిన పదార్థాలు

ఊదాలు - 30 గ్రాములు

ఎర్రని కంది పప్పు - 15 గ్రామలు

పచ్చి శెనగపప్పు - 15 గ్రాములు

ఉప్పుడు బియ్యం - 15 గ్రాములు

కారం - 1 టీస్పూన్

జీలకర్ర - 1 టీస్పూన్

ఇంగువ - చిటికెడు

కరివేపాకు - 1 రెమ్మ (చిన్నది)

నూనె - దోశకు సరిపడ

ఉప్పు - రుచికి తగినంత

తయారీ విధానం

ఊదాలు, ఎర్ర పప్పు, పచ్చి శెనగ పప్పు, ఉప్పుడు బియ్యాన్ని 2 గంటల ముందు నానబెడితే సరిపోతుంది. అవి పూర్తిగా నానిన తర్వాత వాటిని బాగా కడిగి మిక్సీలో వేసి మెత్తగా రుబ్బుకోవాలి. అవసరం అయితే కాస్త నీరు పోసి మళ్లీ గ్రైండ్ చేయాలి. అది దోశ మాదిరి పిండిగా తయారైన తర్వాత వేరె గిన్నెలోకి తీసుకోవాలి. 

ఈ పిండిలో కారం, ఇంగువ, కరివేపాకు, జీలకర్ర, ఉప్పు వేసి బాగా కలపాలి. దానిని ఓ పది నిముషాలు పక్కన పెట్టేయండి. ఇప్పుడ స్టౌవ్ వెలిగించి.. దోశ పాన్ పెట్టాలి. దానిపై నూనె వేసి దోశ పిండిని గరిటెతో పోసుకోవాలి. అది ఒకవైపు ఉడికిన తర్వాత మరోవైపు లైట్​గా రోస్ట్ చేసుకోవాలి. అంతే వేడి వేడి ఊదాల దోశ రెడీ. దీనిని మీరు పల్లీ చట్నీతో లేదా కొబ్బరి చట్నీతో లాగించవచ్చు. 

ఈ దోశలను పిల్లల నుంచి పెద్దల వరకు అందరూ హాయిగా తినొచ్చు. ముఖ్యంగా ఆరోగ్య ప్రయోజనాలు కోసం వీటిని మీ బ్రేక్​ఫాస్ట్ మెనూలో చేర్చుకోవచ్చు. ఇది పూర్తిగా పౌష్టికాహారం. ప్రోటీన్​లకు మంచి మూలం. బాగా జీర్ణమవుతుంది. ముఖ్యంగా దీనిలో డైటరీ ఫైబర్ ఉంటుంది. ఇది మీ జీర్ణ సమస్యలను దూరం చేయడమే కాకుండా బరువు తగ్గడంలో కూడా హెల్ప్ చేస్తుంది. 

ఊదాల్లో కార్బోహైడ్రేట్ కంటెంట్ తక్కువగా ఉంటుంది. ఇది నెమ్మదిగా జీర్ణమవుతుంది. కాబట్టి మీరు ఎక్కువ సేపు కడుపు నిండుగా ఉంటారు. దీనివల్ల చిరుతిండిపై ధ్యాస తగ్గుతుంది. అంతేకాకుండా బరువు తగ్గడంలో ఇది బాగా హెల్ప్ చేస్తుంది. మధుమేహంతో ఇబ్బంది పడేవారు కూడా దీనిని ఏ సంకోచం లేకుండా తమ డైట్​లో చేర్చుకోవచ్చు. ఇది రక్తంలో గ్లూకోజ్, లిపిడ్ స్థాయిలను కంట్రోల్ చేస్తుంది. తద్వార షుగర్ కంట్రోల్​లో ఉంటుంది. ఇది డయాబెటిస్ పేషంట్లకు మంచి ఎంపిక అవుతుంది. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.