Watermelon Buying Tips : పుచ్చకాయ కొనేప్పుడు ఇలా చూసి ఎంచుకోండి.. తియ్యగా ఉందో లేదో తెలుసుకోవడానికి ఈ టిప్స్ ఫాలో అవ్వండి
Watermelon : సమ్మర్లో పుచ్చకాయకు విపరీతమైన డిమాండ్ ఉంటుంది. అయితే కొన్నిసార్లు అది చప్పగా, రంగుతో నిరాశపరుస్తుంది. మరి వాటిని కొనేప్పుడు ఎలాంటి టిప్స్ ఫాలో అవ్వాలో చూసేద్దాం.
Simple Tips to Pick Sweet Watermelon : వేసవి కాలం వచ్చిందంటే చాలామంది ఎక్కువగా తినే పండ్లలో పుచ్చకాయ ఒకటి. ఇది రుచిగా ఉండడమే కాకుండా.. శరీరానికి చల్లదనాన్ని ఇస్తుంది. ఆకలితో పాటు.. దాహాన్ని తగ్గించడంలో కూడా సహాయపడుతుంది. అంతేకాకుండా దీనిలో నీటి శాతం ఎక్కువగా ఉంటుంది. దీనివల్ల ఎండవల్ల కలిగే డీహైడ్రేషన్ సమస్యను తగ్గించుకోవడం సులభం అవుతుంది.
అయితే మార్కెట్లో పుచ్చకాయ కొనేప్పుడు చాలామందికి ఒక డౌట్ ఉంటుంది. లోపల ఎలా ఉంటుంది? తియ్యగా ఉంటుందా? లేదా? మంచిది ఎలా గుర్తించాలి? అని ఆలోచిస్తారు. అయితే దీనిగురించి పెద్దగా ఆలోచించాల్సిన అవసరం లేదు. సరైన పుచ్చకాయ ఎంచుకోవడానికి కొన్ని సింపుల్ టిప్స్ ఫాలో అయితే చాలు. తియ్యని, టేస్టీగా, ఆర్గానిక్గా ఉండే పుచ్చకాయను ఇట్టే ఎంచుకోవచ్చు. అవేంటో చూసేద్దాం.
పుచ్చకాయపై పసుపు మచ్చ
పుచ్చకాయను కొనేప్పుడు ముందుగా దాని కింద భాగాన్ని గమనించాలి. అక్కడ పసుపు లేదా క్రీమ్ కలర్ మచ్చ కనిపిస్తే అది పండిన పుచ్చకాయ అని అర్థం. ఇది నేలపై పడుకుని పండిందనడాన్ని సూచిస్తుంది. కాబట్టి అలాంటివి సాధారణంగా తియ్యగా ఉంటాయి.
పుచ్చకాయను తట్టండి..
పుచ్చకాయను చేతితో తట్టినప్పుడు లోపల నుంచి గట్టిగా, ఖాళీగా వినిపించే శబ్దం వస్తే అది పండిన పుచ్చకాయ. కానీ మందమైన శబ్దం వస్తే అది ఇంకా పూర్తిగా పండలేదని అర్థం. కాబట్టి ఇది అంత తియ్యగా ఉండకపోవచ్చు.
బరువుగా ఉన్న పుచ్చకాయ తీసుకోవచ్చా?
పుచ్చకాయను తడితే ఖాళీగా, పెద్ద శబ్ధం రావాలి కానీ.. దానిని చేతిలోకి తీసుకున్నప్పుడు దాని పరిమాణానికి తగినంత బరువుగా ఉండేది ఎంచుకోవాలి. ఇది లోపల ఉన్న నీటి శాతాన్ని సూచిస్తుంది.
ఆకారం సరిగ్గా ఉంటే మంచిదా?
పుచ్చకాయను ఎంచుకునేప్పుడు గుండ్రంగా లేదా సమాన ఆకారంలో ఉన్నదాన్ని తీసుకోవాలి. విచిత్రంగా వంగిన ఆకారం ఉన్న పుచ్చకాయలు సరైన విధంగా పెరగకపోవచ్చు. కాబట్టి ఓ వైపు రుచిగా.. మరోవైపు రుచి లేకుండా, తెల్లగా ఉంటాయి.
తొక్క మెరుపు లేకుంటే..
పుచ్చకాయ తొక్క కొంచెం మ్యాట్ ఫినిష్ లాగా ఉంటే అది పండినదని అర్థం. చాలా మెరుస్తూ ఉంటే అది ఇంకా పూర్తిగా పండకపోయి ఉండవచ్చు.
అలాగే పుచ్చకాయ ముక్కను కోసిన తర్వాత దాని రంగు చేతికి అంటుకున్నట్లు కనిపిస్తే దానికి రంగు ఇంజెక్ట్ చేశారని తెలుసుకోవాలి. కాబట్టి పుచ్చకాయ కొనేప్పుడు ఈ సింపుల్ టిప్స్ గుర్తుపెట్టుకుంటే.. తియ్యగా, రుచిగా ఉండే వాటిని సులభంగా ఎంచుకోగలుగుతారు. వేసవిలో శరీరానికి తగినంత నీరు అందించడానికి పుచ్చకాయను డైట్లో చేర్చుకోవచ్చు.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
