తెలంగాణ గురుకులాల్లో 1276 పీజీటీ పోస్టులు, అర్హతలివే!
మొత్తం 1276 పీజీటీ పోస్టులను భర్తీ చేయనున్నారు. వీటిలో ఎస్సీ గురుకులాల్లో 343 పోస్టులు, ఎస్టీ గురుకులాల్లో 147 పోస్టులు, బీసీ గురుకులాల్లో 786 పోస్టులు భర్తీ చేయనున్నారు. ఏప్రిల్ 24 దరఖాస్తులు..
తెలంగాణ గురుకులాల్లో పోస్ట్ గ్రాడ్యుయేట్ టీచర్ (పీజీటీ) పోస్టుల భర్తీకి ఏప్రిల్ 6న వెబ్‌నోట్ వెలువడిన సంగతి తెలిసిందే. ఈ పోస్టుల భర్తీకి సంబంధించిన పూర్తి నోటిఫికేషన్ ఏప్రిల్ 22న విడుదల చేశారు. దీనిద్వారా 1276 పీజీటీ పోస్టులను భర్తీ చేయనున్నారు. వీటిలో సోషల్ వెల్ఫేర్ పాఠశాలల్లో 343 పోస్టులు, ట్రైబల్ వెల్ఫేర్ పాఠశాలల్లో 147 పోస్టులు, బీసీ గురుకుల పాఠశాలల్లో 786 పోస్టులను భర్తీ చేయనున్నారు.
మొత్తం ఖాళీల్లో తెలుగు-183, హిందీ-168, ఇంగ్లిష్-189, మ్యాథమెటిక్స్-231, ఫిజికల్ సైన్స్-142, బయోలాజిక్ సైన్స్-161, సోషల్ స్టడీస్-202 పోస్టులు ఉన్నాయి. ఈ పోస్టుల భర్తీకి సంబంధించి ఏప్రిల్ 24 నుంచి మే 24 వరకు ఆన్‌లైన్ విధానంలో దరఖాస్తులు సమర్పించాల్సి ఉంటుంది. సంబంధిత విభాగాల్లో పీజీ అర్హత ఉన్నవారు దరఖాస్తు చేసుకోవడానికి అర్హులు.
వివరాలు..
* పోస్ట్ గ్రాడ్యుయేట్ టీచర్ (పీజీటీ) పోస్టులు
మొత్తం ఖాళీల సంఖ్య: 1276
➥ సాంఘిక సంక్షేమ గురుకులాలు
పోస్టుల సంఖ్య: 343
సబ్జెక్టులవారీగా ఖాళీలు: తెలుగు - 57, ఇంగ్లిష్ - 66, మ్యాథమెటిక్స్ - 99, ఫిజికల్ సైన్స్ - 19, బయోలాజికల్ సైన్స్ - 22, సోషల్ స్టడీస్ - 80.
➥ గిరిజన సంక్షేమ గురుకులాలు
పోస్టుల సంఖ్య: 147
సబ్జెక్టులవారీగా ఖాళీలు: తెలుగు - 20, హిందీ - 10, ఇంగ్లిష్ - 24, మ్యాథమెటిక్స్ - 34, ఫిజికల్ సైన్స్ - 19, బయోలాజికల్ సైన్స్ - 21, సోషల్ స్టడీస్ - 19.
➥ బీసీ సంక్షేమ గురుకులాలు
పోస్టుల సంఖ్య: 786
సబ్జెక్టులవారీగా ఖాళీలు: తెలుగు - 106, హిందీ - 158, ఇంగ్లిష్ - 99, మ్యాథమెటిక్స్ - 98, ఫిజికల్ సైన్స్ - 104, బయోలాజికల్ సైన్స్ - 118, సోషల్ స్టడీస్ - 103.
అర్హతలు: 50 శాతం మార్కులతో పీజీ డిగ్రీ. ఎస్సీ, ఎస్టీ, బీసీ, ఈడబ్ల్యూఎస్, దివ్యాంగులకు 45 శాతం మార్కులు ఉంటే సరిపోతుంది. బీఈడీ/ బీఏ బీఈడీ/బీఎస్సీ బీఈడీ ఉండాలి. ఎన్‌సీటీఈ గుర్తింపు పొందిన విద్యాసంస్థ నుంచి మెథడాలజీ లేదా లాంగ్వేజ్ పండిట్ ఒక సబ్జెక్టుగా చదివి ఉండాలి.
వయోపరిమితి: 01.07.2023 నాటికి 18-44 సంవత్సరాల మధ్య ఉండాలి.
దరఖాస్తు విధానం: ఆన్‌లైన్ ద్వారా.
ఎంపిక విధానం: రాతపరీక్ష ఆధారంగా.
రాతపరీక్ష విధానం: మొత్తం 300 మార్కులకు రాతపరీక్ష నిర్వహిస్తారు. మొత్తం 300 ప్రశ్నలు అడుగుతారు. వీటిలో పేపర్-1: జనరల్ స్టడీస్, జనరల్ ఎబిలిటీస్ & ఇంగ్లిష్ బేసిక్ ప్రొఫీషియన్సీ 100 ప్రశ్నలు-100 మార్కులు, పేపర్-2: పెడగోగి (సంబంధిత సబ్జెక్టు)100 ప్రశ్నలు-100 మార్కులు, పేపర్-3: అభ్యర్థికి సంబంధించిన సబ్జెక్టు 100 ప్రశ్నలు-100 మార్కులు ఉంటాయి. ఒక్కో పేపరుకు 120 నిమిషాల సమయం కేటాయించారు.
జీతం: రూ.45,960 - రూ.1,24,150.
పేస్కేలు: రూ..45,960 - రూ.1,24,150.
ముఖ్యమైన తేదీలు...
➛ ఆన్‌లైన్ దరఖాస్తు ప్రక్రియ ప్రారంభం: 24.04.2023.
➛ ఆన్‌లైన్ దరఖాస్తుకు చివరితేది: 24.05.2023.
Also Read:
గురుకుల డిగ్రీ కాలేజీల్లో 868 డీఎల్, నాన్-టీచింగ్ పోస్టులు - అర్హతలివే!
తెలంగాణ గురుకుల డిగ్రీ కాలేజీల్లో వివిధ పోస్టుల భర్తీకి పూర్తిస్థాయి నోటిఫికేషన్ ఏప్రిల్ 17న వెలువడింది. దీనిద్వారా 868 లెక్చరర్, ఫిజికల్ డైరెక్టర్, లైబ్రేరియన్ పోస్టులను భర్తీ చేయనున్నారు. వీటిలో సోషల్ వెల్ఫేర్ కాలేజీల్లో 174 పోస్టులు, ట్రైబల్ వెల్ఫేర్ కళాశాలల్లో 287 పోస్టులు, బీసీ గురుకుల డిగ్రీ కళాశాలల్లో 407 పోస్టులను భర్తీ చేయనున్నారు. మొత్తం ఖాళీల్లో లెక్చరర్ పోస్టులు 785, ఫిజికల్ డైరెక్టర్ పోస్టులు 39, లైబ్రేరియన్ పోస్టులు 36 ఉన్నాయి. ఈ పోస్టుల భర్తీకి సంబంధించి ఏప్రిల్ 17 నుంచి మే 17 వరకు ఆన్‌లైన్ విధానంలో దరఖాస్తులు సమర్పించాల్సి ఉంటుంది.
నోటిఫికేషన్, పోస్టుల వివరాల కోసం క్లిక్ చేయండి..
గురుకుల జూనియర్ కళాశాలల్లో జేఎల్, ఫిజికల్ డైరెక్టర్, లైబ్రేరియన్ పోస్టులు, అర్హతలివే!
తెలంగాణ గురుకుల జూనియర్ కాలేజీల్లో వివిధ పోస్టుల భర్తీకి పూర్తిస్థాయి నోటిఫికేషన్ ఏప్రిల్ 17న వెలువడింది. దీనిద్వారా 2008 జూనియర్ లెక్చరర్, ఫిజికల్ డైరెక్టర్, లైబ్రేరియన్ పోస్టులను భర్తీ చేయనున్నారు. వీటిలో సోషల్ వెల్ఫేర్ కాలేజీల్లో 253 పోస్టులు, ట్రైబల్ వెల్ఫేర్ కళాశాలల్లో 291 పోస్టులు, బీసీ గురుకుల డిగ్రీ కళాశాలల్లో 1070 పోస్టులను భర్తీ చేయనున్నారు. మొత్తం ఖాళీల్లో జేఎల్ పోస్టులు 1924, ఫిజికల్ డైరెక్టర్ పోస్టులు 34, లైబ్రేరియన్ పోస్టులు 50 ఉన్నాయి. ఈ పోస్టుల భర్తీకి సంబంధించి ఏప్రిల్ 17 నుంచి మే 17 వరకు ఆన్‌లైన్ విధానంలో దరఖాస్తులు సమర్పించాల్సి ఉంటుంది.
నోటిఫికేషన్, పోస్టుల వివరాల కోసం క్లిక్ చేయండి..
టాప్ హెడ్ లైన్స్
ట్రెండింగ్ వార్తలు
