SSC CHSL: సీహెచ్‌ఎస్‌ఎల్‌-2024 నోటిఫికేషన్‌ వచ్చేసింది, 3712 పోస్టుల భర్తీకి ప్రారంభమైన దరఖాస్తు ప్రక్రియ

SSC: కేంద్ర ప్రభుత్వ విభాగాల్లో వివిధ ఖాళీల భర్తీకి ఉద్దేశించిన కంబైన్డ్‌ హయ్యర్‌ సెకండరీ లెవల్‌ ఎగ్జామినేషన్‌ (సీహెచ్‌ఎస్‌ఎల్‌)-2024 నోటిఫికేషన్‌ను స్టాఫ్ సెలక్షన్ కమిషన్ ఏప్రిల్ 8న విడుదల చేసింది.

SSC CHSL - 2024 నోటిఫికేషన్

SSC CHSL 2024 Notification: కేంద్ర ప్రభుత్వ విభాగాల్లో వివిధ ఖాళీల భర్తీకి ఉద్దేశించిన కంబైన్డ్‌ హయ్యర్‌ సెకండరీ లెవల్‌ ఎగ్జామినేషన్‌ (CHSL)-2024 నోటిఫికేషన్‌ను స్టాఫ్ సెలక్షన్ కమిషన్ ఏప్రిల్ 8న విడుదల చేసింది. దీనిద్వారా మొత్తం 3712 లోయర్‌ డివిజన్‌ క్లర్క్‌, జూనియర్‌ సెక్రటేరియట్‌ అసిస్టెంట్, డేటా ఎంట్రీ ఆపరేటర్‌ ఖాళీలను భర్తీచేయనున్నారు. ఈ పోస్టుల భర్తీకి సంబంధించిన ఆన్‌లైన్ దరఖాస్తు ప్రక్రియ ఏప్రిల్ 8న ప్రారంభమైంది. ఇంటర్ లేదా తత్సమాన విద్యార్హత ఉన్నవారు మే 7 వరకు దరఖాస్తులు సమర్పించాల్సి ఉంటుంది. టైర్‌-1, టైర్‌-2 రాతపరీక్షలతోపాటు అవసరమైన పోస్టులకు కంప్యూటర్‌ టెస్ట్‌ లేదా టైపింగ్‌ టెస్ట్‌ నిర్వహిస్తారు. ఇది కేవలం అర్హత పరీక్ష మాత్రమే. ధ్రువపత్రాల పరిశీలన, వైద్య పరీక్షల తర్వాత ఉద్యోగాలకు ఎంపిక చేస్తారు.

వివరాలు..

* కంబైన్డ్‌ హయ్యర్‌ సెకండరీ లెవల్‌ ఎగ్జామినేషన్‌ (సీహెచ్‌ఎస్‌ఎల్‌)-2024 

ఖాళీల సంఖ్య: 3712

➥ డేటా ఎంట్రీ ఆపరేటర్‌ (డీఈవో)

➥ డేటా ఎంట్రీ ఆపరేటర్‌ (గ్రేడ్‌-ఏ)

➥ లోయర్‌ డివిజన్‌ క్లర్క్‌ (ఎల్‌డీసీ)

➥ జూనియర్‌ సెక్రటేరియట్‌ అసిస్టెంట్

అర్హత: 01.08.2024 నాటికి ఇంటర్‌ లేదా తత్సమాన కోర్సు ఉత్తీర్ణత ఉండాలి. ఓపెన్‌ స్కూల్‌ ద్వారా చదివినవారూ దరఖాస్తు చేసుకోవడానికి అర్హులు. డేటా ఎంట్రీ పోస్టులకు మాత్రం ఇంటర్‌లో సైన్స్‌ గ్రూప్‌తో మ్యాథ్స్‌ ఒక సబ్జెక్టుగా చదవడం తప్పనిసరిగా నిర్ణయించారు.

వయోపరిమితి: 01.08.2024 నాటికి 18-27 ఏళ్ల మధ్య ఉండాలి. అంటే 02-08-1997 నుంచి 01-08-2006 మధ్య జన్మించినవారు అర్హులు. ఎస్సీ, ఎస్టీలకు 5 సంవత్సరాలు; ఓబీసీలకు 3 సంవత్సరాలు, దివ్యాంగులకు 10-15 సంవత్సరాలు, ఎక్స్-సర్వీస్‌మెన్ అభ్యర్థులకు 3 సంవత్సరాల వరకు మినహాయింపు వర్తిస్తుంది. ఇక ఢిఫెన్స్ పర్సనల్స్, కేంద్ర ప్రభుత్వ ఉద్యోగులు, వితంతు/ఒంటరి మహిళా అభ్యర్థులకు నిబంధనల మేరకు వయోసడలింపు వరిస్తుంది.

దరఖాస్తు ఫీజు: రూ.100 గా నిర్ణయించారు. మహిళలు, ఎస్సీ, ఎస్టీ, దివ్యాంగులు, ఎక్స్-సర్వీస్‌మెన్ అభ్యర్థులకు 3 సంవత్సరాలు మినహాయింపు వర్తిస్తుంది. ఢిఫెన్స్ పర్సనల్స్ అభ్యర్థులకు ఫీజు నుంచి మినహాయింపు వర్తిస్తుంది.

దరఖాస్తు విధానం: ఆన్‌లైన్ ద్వారా.

ఎంపిక విధానం: ఈ పోస్టులకు టైర్‌-1, టైర్‌-2 పరీక్షలు నిర్వహిస్తారు. ఈ రెండు దశల్లోని మార్కుల ఆధారంగా ఎంపికైన అభ్యర్థులకు వారు దరఖాస్తు చేసుకున్న పోస్టును బట్టి మూడో దశలో కంప్యూటర్‌ టెస్ట్‌ లేదా టైపింగ్‌ టెస్ట్‌ నిర్వహిస్తారు. ఇది కేవలం అర్హత పరీక్ష మాత్రమే. సర్టిఫికెట్‌ల వెరిఫికేషన్‌, వైద్య పరీక్షల అనంతరం ఉద్యోగాలకు ఎంపిక చేస్తారు.

తెలుగు రాష్ట్రాల్లో పరీక్ష కేంద్రాలు: హైదరాబాద్, విజయవాడ, విశాఖపట్నం, తిరుపతి, గుంటూరు, రాజమహేంద్రవరం, వరంగల్, కాకినాడ, కరీంనగర్, కర్నూలు, నెల్లూరు, విజయనగరం, చీరాల తదితర కేంద్రాల్లో పరీక్షలు నిర్వహిస్తారు.

జీతాభత్యాలు..

➥ ఎల్‌డీసీ, జేఎస్‌ఏ పోస్టులకు రూ.19,900-63,200 ఇస్తారు.

➥  డేటాఎంట్రీ ఆపరేటర్‌కు రూ.25,500-81,100 (పే లెవల్-4), రూ.29,200-92,300 (పే లెవల్-4) ఇస్తారు. 

➥  డేటాఎంట్రీ ఆపరేటర్‌ (గ్రేడ్‌-ఎ)కు పోస్టులకు రూ.29,200-92,300 ఇస్తారు.

ముఖ్యమైన తేదీలు:

➥ ఆన్‌లైన్ దరఖాస్తు ప్రక్రియ ప్రారంభం: 08.04.2024.

➥ ఆన్‌లైన్ దరఖాస్తుకు చివరితేది: 07.05.2024 (23:00).

➥ ఆన్‌లైన్ ఫీజు చెల్లింపులకు చివరి తేదీ: 08.05.2024 (23:00).

➥ అప్లికేషన్‌ సవరణ తేదీలు: 10.05.2024 - 11.05.2024 (23:00).

➥ టైర్‌-1 రాత పరీక్ష తేదీ: జూన్-జులై, 2024.

➥ టైర్‌-2 డిస్క్రిప్టివ్‌ పరీక్ష తేదీ: తర్వాత ప్రకటిస్తారు.

Notification

Online Application

Website