Army Public School Recruitment 2022: ఆర్మీ స్కూల్స్‌లో టీచర్ ఉద్యోగాలు.. 57ఏళ్ల వయసు వాళ్లు అప్లై చేసుకోవచ్చు..

బీఈడీ చేసి టీచర్ ఉద్యోగాల కోసం ప్రిపేర్ అవుతున్న వాళ్లకు ఆర్మీ స్కూల్స్ ఆహ్వానిస్తున్నాయి. భారీ జీతాలతో ఉద్యోగాలు ఇస్తామంటూ ఆన్‌లైన్‌ అప్లికేషన్‌ తీసుకుంటున్నాయి.

Army Public School Recruitment 2022

వెల్ఫేర్‌ ఎడ్యుకేషన్ సొసైటీ ఆధ్వర్యంలో నడిచే ఆర్మీ పబ్లిక్‌ స్కూల్స్‌లో ఉపాధ్యాయ ఉద్యోగాల కోసం నోటిఫికేషన్ ఇచ్చింది. సుమారు తొమ్మిది వేల వరకు ఖాళీలు ఉన్నాయి. 
టీజీటీ, పీజీటీ, పీఆర్టీ విభాగాల్లో ఉద్యోగాలను భర్తీ చేయడానికి నోటిఫికేషన్ ఇచ్చింది. 
ఆన్‌లైన్‌ అప్లికేషన్‌ స్వీకరణ జనవరి 7నుంచి స్టార్ట్ అయింది. జనవరి 28వరకు దరఖాస్తులు తీసుకోనుంది. ఫిబ్రవరి 19-20 తేదీల్లో పరీక్ష నిర్వహించనుంది. హాల్‌టికెట్లను ఫిబ్రవరి 10 నుంచి అందుబాటులో సైట్‌లో ఉంచనుంది. 

అన్ని కేటగిరీ అభ్యర్థులు రూ. 385 ఫీజు చెల్లించాలి. డెబిట్ కార్డు ద్వారా గానీ... క్రెడిట్ కార్డు ద్వారాగానీ, నెట్‌బ్యాంకింగ్ ద్వారా గానీ చెల్లించవచ్చు. 

అప్లై చేయాలనుకునే వారికి వయోపరిమితి కూడా విధించారు. ఎలాంటి అనుభవం లేని వ్యక్తుల వయసు 40 ఏల్లు దాటకూడదు. అంటే టీజీటీ, పీఆర్టీ అప్లై చేయాలనుకునే వాళ్లు 29 ఏళ్లకు మించి ఉండకూడదు. పీజీటీ అప్లై చేయాలనుకునే వారి వయసు 36ఏళ్లకు మించి ఉండకూడదు. ఉపాధ్యాయ వృత్తిలో అనుభవం ఉన్నవారు 57ఏళ్లు ఉన్న వ్యక్తులు కూడా అప్లై చేసుకోవచ్చు. ఇందులో ఓబీసీ, ఎస్సీఎస్టీ, ఎక్స్‌ సర్వీస్‌ పీపుల్‌కు సడలింపు ఉంటుంది. 

మొత్తం ఎనిమిదివేల ఏడు వందల ఖాళీలు ఉన్నాయి. ఇండియాలో ఎక్కడైనా పని చేయాల్సి ఉంటుంది. పీజీటీకి అప్లై చేయాలనుకునే వాళ్లు  సంబంధిత సబ్జెక్ట్‌లో 50 శాతం మార్కులతో పీజీ, బీఈడీ కంప్లీట్ చేసి ఉండాలి. టీజీటీ పోస్టులకు అప్లై చేయాలనుకునే వాళ్లు యాభై శాతం మార్కులతో డిగ్రీ, బీఈడీ కంప్లీట్ చేసి ఉండాలి. పీఆర్టీకి అప్లై చేయాలనుకుంటే డిగ్రీతోపాటు బీఈడీ కానీ... టీచింగ్‌లో రెండేళ్ల డిప్లమో కానీ చేసి ఉండాలి. 

పూర్తి నోటిఫికేషన్ వివరాల కోసం ఈ పీడీఎఫ్ లింక్ క్లిక్ చేయండి..