Vishwak Sen: 30 దాటేసింది.. పిల్లను వెతికిపెట్టండి ప్లీజ్.. హీరో రిక్వెస్ట్..

యంగ్ హీరో విశ్వక్ సేన్ అమ్మాయిని వెతికిపెట్టండి అంటూ అభిమానులను రిక్వెస్ట్ చేస్తున్నారు.

Written By : ABP Desam | Updated at : 13 Jan 2022 05:40 PM (IST)

హీరో రిక్వెస్ట్..

టాలీవుడ్ యంగ్ హీరో విశ్వక్ సేన్ సరికొత్త సినిమాలతో ప్రేక్షకులను అలరిస్తున్నారు. 'వెళ్లిపోమాకే', 'ఈ నగరానికి ఏమైంది', 'ఫలక్ నుమా దాస్', 'హిట్', 'పాగల్' వంటి సినిమాల్లో నటించిన ఈ హీరో ప్రస్తుతం 'అశోకవనంలో అర్జున కళ్యాణం' అనే సినిమాలో నటిస్తున్నారు. ఇందులో అర్జున్ అనే వడ్డీ వ్యాపారిగా కనిపించనున్నారు విశ్వక్ సేన్. కొన్ని రోజుల క్రితం ఈ సినిమాకి సంబంధించిన ఫస్ట్ లుక్ ను విడుదల చేశారు.

తాజాగా ఈ సినిమాకి సంబంధించి సోషల్ మీడియాలో ఓ పోస్ట్ పెట్టారు విశ్వక్ సేన్. 'ఇంకా రెండు రోజులే ఉంది.. పిల్లని వెతికి పెట్టండి లేదా కనీసం పడేయటానికి టిప్స్‌ అయినా ఇవ్వండి. వయసు 30 దాటింది. పొట్ట, జుట్టు.. చాలా కష్టాలున్నాయి' అంటూ ఓ వీడియోను రిలీజ్ చేశారు. అల్లానికి పెళ్లాన్ని వెతికి పెట్టడంలో సాయంచేయమంటూ ప్రేక్షకులను కోరారు.

#HelpAllamFindPellam హ్యాష్‌ట్యాగ్‌తో మీ సూచనలు తెలియజేయమని అడిగారు. ఈ రెండు రోజుల డెడ్ లైన్ ఏంటో మాత్రం క్లారిటీ లేదు. బహుశా టీజర్ కానీ ట్రైలర్ కానీ రిలీజ్ చేస్తారేమోనని కామెంట్స్ చేస్తున్నారు నెటిజన్లు. రొమాంటిక్ ఎంటర్టైనర్ గా ఈ సినిమాను తెరకెక్కిస్తున్నారు. దీనికి విద్యా సాగర్ చింతా దర్శకత్వం వహిస్తున్నారు. ప్రముఖ నిర్మాత బీవీఎస్ఎన్ ప్రసాద్ సమర్పణలో ఆయన కుమారుడు సుధీర్ ఈదర ఈ సినిమాకి నిర్మాతగా వ్యవహరిస్తున్నారు.

ఇంకా రెండు రోజులే ఉంది ✌️

పిల్లని వెతికి పెట్టండి, లేదా కనీసం పడేయడానికి టిప్స్ అయినా ఇవ్వండి. 🤷🏻‍♂️

Share your tips using #HelpAllamFindPellam #AshokaVanamLoArjunaKalyanam @BvsnP @storytellerkola
#BapineeduB @sudheer_ed @vidya7sagar @jaymkrish @SVCCDigital pic.twitter.com/FSdliqiC6Z
— Vishwak Sen (@VishwakSenActor) January 12, 2022