Animal Hi Nanna: 'యానిమల్' వేశారు, నాన్న కోసం వెళితే - హైదరాబాద్ థియేటర్‌లో షాక్!

నాని & మృణాల్ ఠాకూర్ జోడీని, 'హాయ్ నాన్న' సినిమా చూద్దామని వెళ్లిన ప్రేక్షకులకు హైదరాబాద్ సిటీలో ఓ యాజమాన్యం షాక్ ఇచ్చింది. ఆ తర్వాత తప్పు తెలుసుకుని సరి చేసుకుంది.

'యానిమల్' సినిమాలో రణబీర్ కపూర్... 'హాయ్ నాన్న' సినిమాలో నాని, మృణాల్ ఠాకూర్

న్యాచురల్ స్టార్ నాని కొత్త సినిమా 'హాయ్ నాన్న' (Hi Nanna Movie) థియేటర్లలో విడుదల అయ్యింది. మార్నింగ్ 8 గంటల షో చూడాలని టికెట్ బుక్ చేసుకుని థియేటర్లకు వెళ్ళాడో ప్రేక్షకుడు. ఎనిమిది గంటలకు పడాల్సిన షో 8.15 గంటలకు పడింది. ఎందుకు? అంటే... 'యానిమల్ వేశారు. 

'హాయ్ నాన్న' బదులు 'యానిమల్' వేస్తే?
అవును... 'హాయ్ నాన్న' బదులు హైదరాబాద్ సిటీలోని ఓ థియేటర్‌లో 'యానిమల్' షో వేశారు. ఈ విషయాన్ని ఓ నెటిజన్ ట్వీట్ చేశారు. 

''ప్రసాద్ మల్టీప్లెక్స్ వాడు ఏంటో ఈ రోజు పీవీఆర్ మూడ్ లో ఉన్నాడు. ఎనిమిది గంటలకు పడాల్సిన బొమ్మ 8.15కి పడింది. ట్విస్ట్ ఏంటంటే... బాబు 'యానిమల్' వేశాడు ముందు. సందీప్ రెడ్డి వంగా హ్యాంగోవర్ ఇంకా వదల్లేదు ఏమో!?'' అని ట్వీట్ చేశారు. అదీ సంగతి!

#HiNanna
Prasads Multiplex vaadento eeroju PVR mood lo vunnadu.
8 am ki padalsina bomma 8:15 am ki padindi.
Twist entante babu #Animal vesi paradobbadu mundu. #Vanga Hangover vadalledemo inka.#Hyderabad pic.twitter.com/vZoMl0VaeM

— Nani Chand (@nanichandx) December 7, 2023

అమెరికాలో ప్రీమియర్ కలెక్షన్స్ ఎంతంటే?
Hi Nanna USA premier collections: డిసెంబర్ 7న 'హాయ్ నాన్న' థియేటర్లలోకి వచ్చింది. అయితే... ఆల్రెడీ ఒక్క రోజు ముందు హైదరాబాద్ సిటీలో ప్రీమియర్ షో వేశారు. అమెరికాలో సైతం ప్రీమియర్ షోలు పడ్డాయి. అక్కడ ప్రీమియర్స్ ద్వారా 250కె డాలర్స్ వచ్చాయని మూవీ యూనిట్ పేర్కొంది. అదీ సంగతి!

Stirring emotions and winning hearts! 🔥#HiNanna USA Premieres have surpassed $250K+ and show no signs of slowing down 😎

USA Release by @PrathyangiraUS & @AACreationsUS @NameisNani @mrunal0801 @shouryuv @VyraEnts pic.twitter.com/SXXUR0WetQ

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) December 7, 2023

నెట్‌ఫ్లిక్స్ ఓటీటీకి 'హాయ్ నాన్న' 
Netflix acquires Hi Nanna movie digital streaming rights: హాయ్ నాన్న డిజిటల్ స్ట్రీమింగ్ రైట్స్ ప్రముఖ ఇంటర్నేషనల్ ఓటీటీ వేదిక నెట్‌ఫ్లిక్స్ సొంతం చేసుకుంది. తెలుగుతో పాటు తమిళ, హిందీ, కన్నడ, మలయాళ భాషల వెర్షన్స్ ఆ ఓటీటీలో స్ట్రీమింగ్ కానున్నాయి. 

Hi Nanna Cast and Crew: 'హాయ్ నాన్న' సినిమాలో నాని సరసన 'సీతా రామం' ఫేమ్ మృణాల్ ఠాకూర్ నటించారు. నార్త్ ఇండియన్ అమ్మాయి 'బేబీ' కియారా ఖన్నా కీలక పాత్రలో నటించారు. మలయాళ నటుడు జయరాం, హిందీ నటుడు అంగద్ బేడీతో పాటు విరాజ్ అశ్విన్, ప్రియదర్శి పులికొండ ఈ సినిమాలో ఇతర ప్రధాన తారాగణం. స్టార్ హీరోయిన్, లోక నాయకుడు కమల్ హాసన్ ముద్దుల కుమార్తె శృతి హాసన్ 'ఒడియమ్మా బీటు...' పాటలో సందడి చేశారు. 'చిరుత' ఫేమ్ నేహా శెట్టి, 'అశోక వనంలో అర్జున కళ్యాణం' ఫేమ్ రితికా నాయక్ అతిథి పాత్రల్లో మెరిశారు.