Nindu Manasulu Serial Today June 4th: ప్రేరణను ఇంటి నుంచి పంపడానికి విజయానంద్ వేసిన ఎత్తు ఏంటి..? సిద్ధూ ఇచ్చిన వార్నింగ్ ఏంటి..?

Nindu ManasuluSerial Today Episode June 4th: సాహితి పెళ్లిచూపుల నెపంతో ప్రేరణను ఇంట్లో నుంచి పంపించేందుకు విజయానంద్‌ ఎత్తువేయగా....నేను కూడా వెళ్లిపోతానంటూ సిద్ధూ చిత్తు చేస్తాడు.

నిండుమనసులు సీరియల్‌

Source : youtube

Nindu Manasulu Serial Today Episode: అందమైన ప్రేమకథకు కుటుంబ బంధాలు తోడవ్వడంతో స్టార్‌మా ఛానెల్‌లో ప్రసారమవుుతన్న నిండు మనసులు సీరియల్‌ బుల్లితెర అభిమానులకు ఎంతో దగ్గరైంది. ఇవాల్టి ఏపిసోడ్‌లో సాహితి పెళ్లిచూపులకు మినిస్టర్‌గారు వస్తున్నారని ప్రేరణను ఇంట్లో నుంచి బయటకు వెళ్లమని విజయానంద్‌ చెప్పగా...ఆమెతోపాటు నేను వెళ్తానని సిద్ధూ కౌంటర్‌ ఇస్తాడు.అలాగే లేట్‌నైట్‌ పార్టీకి సాహితి వెళ్తుండగా సిద్ధూ అడ్డుపడతాడు. నా కూతురికి నీ పర్మిషన్ అవసరం లేదని విజయానంద్ అనడంతో ఇవాల్టి ఏపీసోడ్ రసవత్తరంగా మారుతుంది.

సాహితీకి పెళ్లిచూపులు

సాహితీని పెళ్లిచేసుకోవడానికి సంబంధం మాట్లాడేందుకు మినిష్టర్‌ కొడుకు వస్తున్నాడని విజయానంద్‌కు ఫోన్‌ వస్తుంది.దీంతో ఆనందంతో పొంగిపోయిన విజయానంద్ అందరినీ పిలిచి ఈ విషయం చెబుతాడు.రేపే మినిష్టర్‌ వాళ్లు వస్తున్నారని చెపపడంతో అందరూ సంతోషిస్తారు.ఈ సంబంధం చాలా మంచిదని చెప్పడంతో సాహితి కూడా పొంగిపోతుంది. ఈ సంబంధం కుదిరితే నా కూతురు జీవితం ఎంతో బాగుంటుందని విజయానంద్ అంటాడు.

ప్రేరణను వెళ్లిపోవాలని మెలిక

రేపు మినిస్టర్‌గారు పెళ్లిచూపులకు వస్తున్నారని కాబట్టి ప్రేరణను రెండురోజులపాటు వాళ్ల ఇంటికి పంపించేయమని విజయానంద్ అంటాడు.అదేంటి వాళ్లు పెళ్లిచూపులకు వస్తే ప్రేరణ పుట్టింటికి వెళ్లడం ఏంటని సిద్ధూ అడుగుతాడు.తను ఇక్కడే ఉంటే ఆ అమ్మాయి ఎవరని...తనుకు నీకు ఉన్న సంబంధం ఏంటని వాళ్లు అడుగుతారని అంటాడు.అడిగితే చెప్పండని ఆమె ఈ ఇంటికోడలని, నా భార్య అని చెప్పండని అంటాడు. ఈ ఒక్కమాటతో వాళ్లు ఆగరని ఎందుకంటే పెళ్లంటే అటు ఏడుతరాలు,ఇటు ఏడు తరాల గురించి విచారిస్తారు కాబట్టి ప్రేరణ పుట్టుపూర్వోత్తరాలు గురించి కూడా ఆరా తీస్తారని అంటాడు. వాళ్ల అమ్మ ఎవరు అంటే చెప్పొచ్చు గానీ...మరి వాళ్ల నాన్న ఎవరంటే ఏం చెబుతామని విజయానంద్ ప్రేరణను అవమానిస్తాడు. దీంతో సిద్ధూ,ప్రేరణకు కోపం వస్తుంది.అలాగే మీ పెళ్లి ఎలా జరిగిందంటే ఏం చెబుతామని అంటాడు.రోడ్డుపై దిక్కుమొక్కులేకుండా తాళికట్టి తీసుకొచ్చావని చెప్పలేం కదా అని అంటాడు.

స్ట్రాంగ్‌ కౌంటర్‌ ఇచ్చిన సిద్ధూ

ఇంతలో మంజుల కల్పించుకుని ఎవరూ ఎక్కడికి వెళ్లాల్సిన అవసరం లేదని అంటుంది.ఇవాళ కాకపోయినా రేపు అయినా  నిజంవాళ్లకు తెలిసితీరాలి కదా అని అంటుంది.నిజాలు దాచిపెట్టి పెళ్లిళ్లు చేయడం మంచిది కాదని అంటుంది. దీంతో విజయానంద్ కల్పించుకుని వాళ్లు ఈ సంగతి తెలిసి సంబంధం వద్దంటే బాగుండదు కదా అని అంటుంది. ప్రేరణ వల్ల సాహితి జీవితం నాశనమవ్వడం మంచిది కాదుకదా అని అంటుంది.అయితే ప్రేరణ ఇంటి నుంచి వెళ్లిపోతుందని సిద్ధూ అంటాడు. వెళ్లి బట్టలు సర్దుకోమని చెబుతాడు. అలాగే నా బట్టలు కూడా సర్దమని అంటాడు. నా భార్యకు చోటులేని ఇంట్లో నేను ఉండనని అంటాడు.దీంతో సాహితి అన్నయ్య లేకుండా నేను అసలు పెళ్లిచూపులలకు రానని  మారాం చేస్తుంది.అంతగా వాళ్లకు ఇష్టం లేకపోతే మనం వేరే సంబంధంచూసుకుందామని అంటుంది. దీంతో తప్పనిసరిపరిస్థితుల్లో విజయానంద్ ప్రేరణ కూడా ఉండటానికి ఒప్పుకుంటాడు.

మరింత మంది సీరియల్ నటులు గురించి ఇక్కడ తెలుసుకోండి

1

2

3

4

5

సాహితిని అడ్డుకున్న సిద్ధూ

రేపు మినిస్టర్‌ వాళ్లు వస్తున్నారని తెలిసి సిద్దూ, ప్రేరణ ఇద్దరూ ఇంట్లో బూజు దులుపుుతుండగా రాత్రివేళ సాహితి బయటకు వెళ్లడం గమనించి సిద్ధూ వెనక్కి రమ్మని పిలుస్తాడు.ఇంత రాత్రివేళ ఎక్కడికి వెళ్తున్నావని అడుగుతాడు.నాకు పెళ్లిచూపులని మా ప్రెండ్స్‌కు పార్టీ ఇస్తున్నానని అందుకే వెళ్తున్నానని చెబుతుంది.రేపు పెళ్లిచూపులు పెట్టుకుని ఈ టైంలో ఎక్కడికి అని నిలదీస్తాడు. దీంతో విజయానంద్ కల్పించుకుని నన్ను అడిగే వెళ్తుందని అంటాడు. నువ్వు పంపించినా నా చెల్లిని ఈటైంలో బయటకు నేను పంపించనని అంటాడు. పెళ్లైపోతే ఆ తర్వాత బయటకు వెళ్లడం కుదరదని...అందుకు ఈ కొన్నిరోజులు నాకు నచ్చినట్లు ఉంటానని సాహితి అంటుంది. దీంతో విజయానంద్‌ నా కూతురిని ఎలా జాగ్రత్తగా చూసుకోవాలో నాకు తెలుసునని అనడంతో ప్రేరణ సిద్ధూను వదిలేయమని చెబుతుంది. ఆయన కూతురు గురించి ఆయన చూసుకుంటానన్నప్పుడు నీకు ఎందుకని చెప్పి లోపలికి తీసుకెళ్లిపోతుంది..